2022-05-05 09:50
Информагентства
Եվրախորհրդարանը կողմ է ԵՄ-ի համապարփակ բարեփոխմանը
Եվրախորհրդարանն այսօր բանաձև է ընդունել, որով համաձայնություն է տվել Եվրամիության երկրներում բարեփոխումներ իրականացնելուն, այդ թվում՝ հիմնարար փաստաթղթերում փոփոխություններ կատարելու միջոցով։ Տեղեկությունը հայտնում է ՌԻԱ Նովոստին:
Փաստաթուղթն ընդունվել է եվրոպական երկրների բնակիչների հետ «Եվրոպայի ապագան» խորհրդաժողովի շրջանակում մեկ տարվա ընթացքում անցկացված հասարակական խորհրդակցությունների արդյունքում:
«Խորհրդարանն ընդունում է, որ խորհրդաժողովի արդյունքում ձևակերպված հավակնոտ ու կառուցողական առաջարկները պահանջում են պայմանագրերի վերանայում, մասնավորապես` ԵՄ-ի ներսում ավելի մեծ պարզություն, թափանցիկություն, պատասխանատվություն ու ժողովրդավարություն ապահովելու համար»,-ասված է ԵԽ հաղորդագրության մեջ:
Եվրախորհրդարանը պետք է կոնկրետ առաջարկներ ձևակերպի ու ներկայացնի դրանք Եվրամիության խորհրդի քննարկմանը, խորհուրդը ներկայացնում է ԵՄ բոլոր երկրները: Հիմնարար փաստաթղթերի փոփոխման համար կարող է պահանջվել, որ ԵՄ-ն եվրոպական երկրներում ազգային հանրաքվեներ անցկացնի:
Հանրային խորհրդակցությունների ընթացքում հավանության արժանացած առաջարկների թվում կան այնպիսիք, ինչպես, օրինակ,կարևորագույն որոշումներ կայացնելիս կոնսենսուսի սկզբունքի չեղարկումն է: Դա, ըստ շատ եվրապատգամավորների, հաճախ խանգարում է ԵՄ արդյունավետ աշխատանքին։
Բացի այդ, առաջարկվում է Եվրախորհրդարանի պատգամավորներին օրենսդրական նախաձեռնությամբ օժտել։ Առաջարկությունները նաև նախատեսում են, որ ԵՄ-ին ավելի լայն լիազորություններ կտրամադրվեն առողջապահության, էներգետիկայի, միգրացիայի ու պաշտպանության հարցերում, որոնք ներկայում ավելի շատ ազգային կառավարությունների տնօրինության տակ են:
Ակնկալվում է, որ «Եվրոպայի ապագան» խորհրդաժողովի եզրակացությունները մայիսի 9-ին պաշտոնապես կփոխանցվեն Ֆրանսիայի նախագահ Էմանուել Մակրոնին, որը նախագահում է Եվրախորհրդում, ինչպես նաև Եվրոպական հանձնաժողովի ղեկավար Ուրսուլա ֆոն դեր Լյայենին, տեղեկացնում է Sputnik Արմենիա-ն:
ПОСЛЕДНИЕ ОТ АВТОРА
-
New2025-06-05 13:48Пашинян понимает, что скоро выборы, а его рейтинг невысокий, поэтому ему нужно вновь позиционировать себя как якобы представителя народа, борющейся фигуры. Для этого ему нужна новая мишень, и теперь данной мишенью является Армянская апостольская святая церковь. Об этом говорится в заявлении, распространенном на Telegram-канале оппозиционного движения «Аякве».
-
New2025-06-05 13:46Следующее заседание Совета глав правительств СНГ пройдет 30 сентября в Минске. Об этом заявил глава Исполнительного комитета – Исполнительный секретарь СНГ Сергей Лебедев на заседании Совета глав правительств государств Содружества в Душанбе.
-
New2025-06-05 13:45Россия инвестирует в газовые проекты Ирана восемь миллиардов долларов. Об этом, как передает РИА Новости, заявил посол Ирана в Москве Казем Джалали.
-
New2025-06-05 11:59У Пашиняна что ни инициатива – то калька его собственной ущербной, искалеченной психики.