2022-05-10 16:46
Информагентства
Սահմանազատման հանձնաժողովը Մհեր Գրիգորյա՞նը կգլխավորի. փոխվարչապետի գրասենյակը լռում է
Հայաստանի փոխվարչապետ Մհեր Գրիգորյանը Ադրբեջանի հետ սահմանազատման հանձնաժողովի նախագահի ամենահավանական թեկնածուն է: Այս տեղեկությունը պաշտոնապես դեռ հաստատված չէ, սակայն լուրերն ակտիվորեն շրջանառվում են մերձիշխանական շրջանակներում։
Sputnik Արմենիան անկլավների և Ադրբեջանի հետ սահմանազատման վերաբերյալ հարցում է ուղարկել ՀՀ փոխվարչապետ Մհեր Գրիգորյանի գրասենյակ և մինչ օրս պատասխան չի ստացել, թեև սահմանված 10 օրը լրացել է:
Ավելի վաղ Բաքուն առաջարկել էր, որ հանձնաժողովը գլխավորեն երկու երկրների փոխվարչապետները:
Ադրբեջանի ԱԳՆ ղեկավար Ջեյհուն Բայրամովը մայիսի 10-ին հայտնել է, որ Բաքուն իր թեկնածուին արդեն համաձայնեցրել է Երևանի հետ: Հանձնաժողովի առաջին նիստը նախատեսվում էր անցկացնել մինչև ապրիլի վերջ։
«Դեռ առաջին հեռախոսազրույցի ընթացքում Հայաստանի արտգործնախարարը ըմբռնումով ընդունեց դա՝ ասելով, որ այդ առաջարկը քննարկելու համար Հայաստանում լրացուցիչ ժամանակ է պետք։ Հետո հայկական կողմը հայտարարեց, որ այդ առաջարկն ընդունելի է իրենց համար։ Հանձնաժողովի կազմի մասին կողմերի միջև պայմանավորվածություն կա»,-հայտարարել է Բայրամովը։
Դեռևս ապրիլի երկրորդ կեսին Sputnik Արմենիան հարցում էր ուղարկել փոխվարչապետի գրասենյակ պարզելու համար, թե հայկական կողմից ով է գլխավորելու սահմանազատման հանձնաժողովը և երբ է այն ստեղծվելու։ Մենք նաև հետաքրքրվել էինք` արդյոք սահմանազատումն իրականացվելու է Ադրբեջանի հետ խորհրդային սահմանի ողջ երկայնքով, և քննարկվելու է արդյոք անկլավների/էքսկլավների հարցը:
Ադրբեջանի փոխարտգործնախարար Խալաֆ Խալաֆովն այսօր լրագրողներին ասել է, որ անկլավների վերադարձի հարցը քննարկվելու է Հայաստանի հետ սահմանազատման շրջանակում։
ПОСЛЕДНИЕ ОТ АВТОРА
-
2025-06-04 19:37Евросоюз внес в санкционный список азербайджанский танкер «Zangazur», который, по информации европейских чиновников, относится к «теневому флоту» России.
-
2025-06-04 19:35С июля посольство Германии в Ереване будет принимать заявки на шенгенскую визу не напрямую, а через систему TLScontact. Об этом сообщила пресс-служба диппредставительства.
-
2025-06-04 19:34Армения и Азербайджан договорились о совместных поисках без вести пропавших. Об этом директор Службы национальной безопасности Армении Армен Абазян заявил журналистам.
-
2025-06-04 19:32Украина несет огромные потери и отступает по всей линии фронта, поэтому пытается запугать Россию терактами, заявил президент Владимир Путин.