2022-05-19 11:59
Информагентства
Շարմազանովը պատասխանել է ԱՄՆ դեսպանին
ԱՄՆ դեսպանի հայտարարությունը շատ տխուր ու երկակի ստանդարտ ունեցող հայտարարություն էր։ Այսօր լրագրողների հետ զրույցում ասաց ՀՀԿ գործադիր մարմնի անդամ Էդուարդ Շարմազանովը` մեկնաբանելով ՀՀ–ում ԱՄՆ դեսպանատան երեկվա հայտարարությունը։
«Ինձ համար այլևս ո՛չ եվրոպական, ո՛չ արևմտյան կառույց ու դեսպանատուն գրեթե չկա, որը Հայաստանում մարդու իրավունքների ու ժողովրդավարական արժեքների կրող լինի։ Նախկինում, երբ մի հոգու` մի տրանսգենդերի կամ միասեռականի իրավունքները մի քիչ խախտվում էին, առավոտից երեկո ռեփորթ էր, որ անում էին։ Բա մի ամբողջ ժողովրդի ինչ ասես, որ չեն անում, դատարաններ են շրջափակում, մարդկանց նկատմամբ ապօրինի ուժ են գործադրում, ապօրինի կալանավորում են, ապօրինի բերման են ենթարկում, ու սա կանգնում ասում է` ժողովրդավարությո՞ւն»,– ասաց Շարմազանովը։
ԱՄՆ դեսպանի հայտարարությունը ընդդիմադիր քաղաքական գործիչը որակեց որպես «փարիսեցիություն» ու «երկակի ստանդարտների կիրառում»` հավելելով, որ այն որևէ առնչություն չունի ժողովրդավարության հետ։
Ըստ Շարմազանովի, սա վկայում է, որ այստեղ կա քաղաքական շահ։
«Նիկոլ Փաշինյանը փորձելու է փոխել ՀՀ արտաքին քաղաքականության վեկտորը դեպի Արևմուտք, իսկ իրականում` դեպի Թուրքիա, և դրա շահառուները` ի դեմս Արևմուտքի, ՆԱՏՕ–ի, ամեն ինչի վրա աչք են փակում»,– ասաց նա։
Մայիսի 19-ին, «Արմենպրես» պետական լրատվական գործակալությանը տված հարցազրույցում Հայաստանում ԱՄՆ դեսպան Լին Թրեյսին հայտարարել էր, որ Միացյալ Նահանգները հանձնառու է օգնել հայ ժողովրդին ժողովրդավարական ապագա կառուցելու գործում։
«Մենք հանձնառու ենք օգնել հայ ժողովրդին կառուցելու այնպիսի ապագա, որի հիմքում ընդհանուր ժողովրդավարական արժեքներն են ու այն ճանապարհը, որ հայ ժողովուրդն ընտրեց 2018 թվականին և մեկ անգամ ևս վերահաստատեց 2021 թվականի խորհրդարանական ընտրությունների ժամանակ», - ասել է դեսպանը, տեղեկացնում է Sputnik Արմենիա-ն:
ПОСЛЕДНИЕ ОТ АВТОРА
-
New2025-07-19 15:19Запад не сможет обеспечить безопасность Армении и дать ей какие-либо гарантии, заявил РИА Новости глава Союза армян России Ара Абрамян.
-
New2025-07-19 14:42Бывший министр иностранных дел Армении Вардан Осканян на своей странице в Facebook прокомментировал последние международные события, связанные с Нагорным Карабахом, а также недавние заявления премьер-министра Никола Пашиняна.
-
New2025-07-19 14:25Рейсы из Еревана в Капан в последние месяцы заполняются минимум на 90%. Об этом директор компании, управляющей Капанским аэропортом, Карен Варданян заявил журналистам.
-
New2025-07-19 14:20МИД Армении отреагировал на внесенный в парламент Турции законопроект о переименовании армяно-турецкого пограничного контрольно-пропускного пункта в честь Мехмета Талаата-паши, одного из организаторов Геноцида армян.