2022-05-23 11:16
Информагентства
Արցախի օմբուդսմեն․ Մարդու իրավունքները ենթարկեցվում են աշխարհաքաղաքական շահերին
Ադրբեջանի հայատյաց քաղաքականության պայմաններում անհնար է պաշտպանել Արցախի բնակիչների իրավունքները։ Այս մասին լրագրողների հետ զրույցում ասել է Արցախի օմբուդսմեն Գեղամ Ստեփանյանը։
Պատասխանելով այն հարցին, որ, չնայած Ադրբեջանի կողմից իրականացվող վայրագություններին, հավաքական Արևմուտքը նրան համարում է «գործընկեր» և պատժամիջոցներ չի կիրառում, Գեղամ Ստեփանյանը նշել է. «Այսպիսին է դառը իրականությունը։ Մարդու իրավունքների պաշտպանությունը ենթարկեցված է քաղաքական և աշխարհաքաղաքական շահերին։ Այս մտահոգությունը մենք բազմիցս արտահայտել ենք տարբեր քննարկումներում»։
Նրա խոսքով՝ այսպիսի մոտեցման դեպքում անիմաստ են դառնում Երկրորդ համաշխարհային պատերազմից հետո ստեղծված տոննաներով փաստաթղթերը։ Կամ էլ պետք է դրանք մի կողմ դնել և սպասարկել քաղաքական շահերը։
«Բայց դա չի նշանակում, որ մենք պետք է հրաժարվենք մեր ճանապարհով ընթանալուց։ Մենք միշտ պետք է հավատարիմ մնանք մեր ընտրած ճանապարհին՝ ինքնորոշման իրավունք, անվտանգության իրավունք, անվտանգության իրավունք, կյանքի իրավունք, մշակութային արժեքների պահպանման իրավունք։ Սա ընկալվում է հանրային մակարդակում։ Այսինքն, եթե նրանք, ովքեր քաղաքական որոշումներ են ընդունում, մշտապես վկայակոչում են քաղաքական շահը, ապա համենայն դեպս՝ նրանց համար, ովքեր ղեկավարվում են հանրային շահերով, հասկանալի է իրավունքների պաշտպանության օրակարգը։ Իմ խնդիրն է Եվրոպայի, ԱՄՆ-ի, Ռուսաստանի սովորական բնակիչներին հասցնել այն, որ անհնար է Ադրբեջանի կողմից իրականացվող հայատյաց քաղաքականության պայմաններում պաշտպանել Արցախի բնակիչների իրավունքները։
Այս համատեքստում կարող եմ ասել, որ, իմ տպավորությունն այդպիսին է, ռուս խաղաղապահները մինչև Արցախ գալը մեր հակամարտության մասին մի պատկերացում ունեին, իսկ այստեղ գալով, մեկուկես տարում հանդիպելով այլ հանգամանքների, փոխել են պատկերացումները շատ հարցերում։ Հենց այդ պատճառով մենք միջազգային կազմակերպությունների ներկայացուցիչներին ասում ենք՝ եկեք և տեղում ծանոթացեք իրավիճակին»,- նշել է Գեղամ Ստեփանյանը, տեղեկացնում է News.am-ը։
ПОСЛЕДНИЕ ОТ АВТОРА
-
2025-08-05 14:02Возможное подписание мирного договора между Арменией и Азербайджаном под эгидой США может создать серьезные риски для внешней политики и системы безопасности Армении. Об этом заявил зампредседателя Республиканской партии Армении Армен Ашотян на пресс-конференции во вторник, отвечая на вопрос Sputnik Армения.
-
2025-08-02 00:38Представляем экспертное мнение по вопросам управления репутацией и связей с общественностью в Армении от Шушан Арутюнян, соучредителя коммуникационной компании AxelMondrian.
-
2025-08-01 19:14Зампредседателю Республиканской партии Армену Ашотяну изменена мера пресечения - с домашнего ареста на административный надзор. Об этом Sputnik Армения сообщил адвокат Ашотяна Тигран Атанесян.
-
2025-08-01 16:32Первый заместитель председателя комитета Госдумы России по делам СНГ Константин Затулин предложил включить политолога Сергея Маркова в список иноагентов из-за дифирамбов, которые он произносил в адрес президента Азербайджана Ильхама Алиева, а затем попыток оправдаться за это. EADaily приводит полный текст заявления Затулина, которое он опубликовал 1 августа в телеграм-канале.