Մետաքսե Հակոբյան․ Արցախի կարգավիճակը Փաշինյանը պատկերացնում է Ադրբեջանի կազմում
Միշել-Փաշինյան-Ալիև եռակողմ հանդիպումից, անկեղծ ասած, ավելին չէի սպասում։ Տպավորություն է, որ շուտով, միևնույն է, պետք է սպասենք այն բոլոր կետերի իրագործմանը, որոնք այսօր քննարկվում են, Aysor.am-ի թղթակցի հետ զրույցում ասաց Արցախի Հանրապետության խորհրդարանի «Արդարություն» խմբակցության պատգամավոր Մետաքսե Հակոբյանը` անդրադառնալով Եվրոպական խորհրդի նախագահ Շառլ Միշելի հայտարարությանը։
«Այս հայտարարության մեջ ի նպաստ մեզ որևէ բան չկար։ Հակառակը՝ խոսվում է Արցախի կարգավիճակի մասին, սակայն որևէ մեկը՝ սկսած ՀՀ իշխանություններից, վերջացրած ամբողջ աշխարհով, չի հստակեցնում՝ հատկապես ինչպիսի կարգավիճակի մասին է խոսքը։ Արցախի կարգավիճակի մասին հստակ գիտեն և խոսում են միայն Արցախում», - ասաց Հակոբյանը։
Ըստ արցախցի պատգամավորի՝ եռակողմ հանդիպմանը հաջորդած հայտարարությունից պարզ է դառնում, որ Արցախի կարգավիճակը պատկերացնում են Ադրբեջանի կազմում, գուցե, ինքնավար մարզի կարգավիճակով, իրավունքներ ունեցող բնակչությամբ, որն ապրում է ուրիշի տարածքում։
Մեր զրուցակցի խոսքով՝ Նիկոլ Փաշինանը, ժողովրդավարությունն իբրև թե դարձնելով բրենդ, Արցախն ու Հայաստանը տանում է վերջնական կործանման։
«Նա բացարձակ լեգիտիմ չէ և այլևս չի էլ կարող Արցախի հարցին լուծում տալ։ Փառք Աստծո, որ գոնե «Դիմադրություն» շարժումը ժամանակին սկսվեց՝ հույս ներշնչելով, որ կարող է զսպող գործոն դառնալ։ Ամեն դեպքում, դրան զուգահեռ՝ շատ արագ գնում են սահմանազատման և սահմանագծման աշխատանքների մեկնարկին։
Սրանից առաջ էլ ՌԴ արտգործնախարարության պաշտոնական ներկայացուցիչ Մարիա Զախարովան հայտարարեց, որ Ռուսաստանը պատրաստ է իր փորձագիտական խումբը տրամադրել, և այդ խումբն արդեն կա։ Եվրոպական այլ պետություն ևս, հնարավոր է, այս հարցում իր աջակցությունը հայտնի։ Սակայն, եթե պետք է գնանք այս ամենին, շատ կարևոր է, թե որ երկրից են լինելու փորձագիտական խմբերը», - ասաց մեր զրուցակիցը։
Մետաքսե Հակոբյանը միաժամանակ հիշեցրեց, որ բոլոր ոչ հայանպաստ գործընթացներին զուգահեռ՝ շատ արագ կառուցվում է Արցախը Հայաստանին կապող նոր ճանապարհը՝ Ալիևի հայտարարություններից ակնհայտ դարձնելով, որ գրավոր կամ բանավոր պայմանավորվածությամբ Բերձորն ու Աղավնոն ևս անցնելու են Ադրբեջանի վերահսկողությա տակ, սահմանագծման-սահմանզատման արդյունքում էլ Արցախը ճանաչվելու է Ադրբեջանի մաս։
«Ես չգիտեմ՝ հետագայում կարողանալո՞ւ ենք այդ ցավալի հետևանքները վերացնել, թե ոչ», - նշեց արցախցի պատգամավորը։
Հակոբյանի խոսքով՝ առկա գործընթացներից պարզ է դառնում, որ Ադրբեջանը շարունակում է պնդել ավելի վաղ իր կողմից ներկայացված 5 կետերը։
«Միակ հույսն այն է, որ Ֆրանսիան տրամադրված լինի ի նպաստ Հայաստանի և Արցախի, որովհետև պատերազմի ընթացքում այդ երկրի կողմից բարեկամական կոչեր ու գործողություններ էին լինում։ Պետք է հույս ունենալ, որ Ֆրանսիան թույլ չի տա Հայաստանի ձեռքով կործանարար գործողություններ կատարվեն, որոնց ձգտում է Ադրբեջանը», - ամփոփեց արցախցի պատգամավորը։
ПОСЛЕДНИЕ ОТ АВТОРА
-
2025-06-13 17:45
Азербайджан пока не дал официального ответа на предложения Армении по разблокированию коммуникаций в регионе. Об этом в ответ на вопрос корр. Арменпресс заявил на брифинге секретарь Совета безопасности Армении Армен Григорян.
-
2025-06-13 17:43
Израиль нанес очередной удар по городу Тебриз, расположенному на северо-западе Ирана, передает РИА Новости со ссылкой на иранское агентство Nour News.
-
2025-06-13 17:41
Баку еще не отреагировал на данные о нарушениях перемирия со стороны азербайджанских ВС, переданные Арменией, сказал секретарь Совбеза Армен Григорян журналистам на полях форума APRI в Ереване.
-
2025-06-13 17:39
Удары Израиля по жилым районам Тегерана привели к гибели не менее 78 человек, еще 329 пострадали. Об этом сообщает агентство Fars.