2022-05-24 11:43
Информагентства
Լրագրողի աշխատանքը սահմանափակվո՞ւմ է. ՔՊ-ն առաջարկում է լրացումներ անել ԶԼՄ–ների օրենքում
ՀՀ ԱԺ–ն քննարկում է «Քաղաքացիական պայմանագիր» խմբակցության պատգամավորների` «Զանգվածային լրատվության օրենքում» լրացումներ կատարելու մասին օրենքի նախագիծը, համաձայն որի, լրագրողի հավատարմագրումը կարող է դադարեցնել նաև պետական մարմինը, եթե մեկ անգամ խախտում կատարելու համար նախազգուշացումից հետո սխալը կրկնվել է։
Հիմնական զեկուցող, ՔՊ–ական պատգամավոր Արթուր Հովհաննիսյանը ներկայացրեց իրենց ամբողջական առաջարկը։
«Աշխատանքային գոտում լրագրողի առաջին խախտումը արձանագրելուց հետո, ԱԺ աշխատակազմն այդ մասին տեղեկացնելու է լրատվական գործունեություն իրականցնողին։ Եթե նախազգուշացվելուց հետո ևս մեկ անգամ խախտումը կրկնվի ու լրատվական գործունեությունն իրականացնողն ինքը չդադարեցնի լրագրողի հավատարմագրումը, ապա աշխատանքային բնականոն միջավայրը վերականգնելու համար պետական մարմինն իրավասու է դադարեցնել այդ լրագրողի հավատարմագրումը։ Մենք պրակտիկ կյանքում մի քանի անգամ արձանագրել ենք նույն լրագրողի կողմից խախտումներ»,– նշեց Հովհաննիսյանը։
Նա ընդգծեց, որ լրատվական գործունեություն իրականացնողը կարող է խախտում կատարած լրագրողին փոխել, քանի որ լրատվամիջոցը չի զրկվում պետական մարմնում գործունեություն իրականացնելու իր իրավունքից։ Պատգամավորը շեշտեց` սա պետական մարմիններում համակեցության կանոնները պահպանելու, ինչպես նաև լրագրողների բնականոն աշխատանքը ապահովելու մասին փոփոխություն է։
Անդրադառնալով տարածվող այն մտահոգություններին, որ օրենքում նման լրացումները կհանգեցնեն սահմանափակումների, Հովհաննիսյանը վստահեցրեց` ամենևին այդպես չէ։
Օրենքում առաջարկվում է ամրագրել նաև, որ հավատարմագրման կարգի և տվյալ մարմինների աշխատակարգի կանոնների խախտումը լրագրողի հավատարմագրման դադարեցման հիմք է: Ըստ պատգամավորի՝ ԱԺ-ում ճեպազրույցների ընթացքում որոշ լրագրողներ ամենատարբեր խախտումներ են անում, որոնք խաթարում են ճեպազրույցի ընթացքը, մյուս գործընկերների աշխատանքը: Նա միևնույն ժամանակ հիշեցրեց, որ կան նաև բազմաթիվ բարեխիղճ լրագրողներ։
ՔՊ–ական մեկ այլ պատգամավոր Գևորգ Պապոյանն էլ կարծիք հայտնեց, թե հանրության աչքում երբեմն լրագրությունը ասոցացվում է որոշ լրագրողների վարքագծի հետ: Նա ընդգծեց, որ հենց այդ ամենից ելնելով այս նախագիծն այն հարյուրավոր պրոֆեսիոնալ լրագրողների համար է, որոնք պետք է չմտածեն, որ առանձին մարդիկ կարող են իրենց ոչ հարիր վարքագծով մի ամբողջ համայնքի անվան հետ խաղալ, տեղեկացնում է Sputnik Արմենիա-ն։
ПОСЛЕДНИЕ ОТ АВТОРА
-
New2025-06-11 16:39В Украину из России вернули тела 1212 павших бойцов. Об этом сообщил украинский координационный штаб, передает УНИАН.
-
New2025-06-11 16:36Сигналов от Еревана о возможном выводе 102-й российской военной базы с территории Армении не поступало. Об этом в ходе очередного брифинга заявила официальный представитель МИД России Мария Захарова.
-
New2025-06-11 16:36Нападкам со стороны властей Армении и их враждебной кампании против Первопрестольного Святого Эчмиадзина нужно противодействовать скоординированными действиями, считает депутат Национального Собрания Армении, секретарь оппозиционной фракции «Честь имею» Тигран Абрамян.
-
New2025-06-11 16:32В результате взрыва в жилом доме на улице Тиграна Меца в городе Чамбарак (Армения) 11 июня 2025 года произошли разрушения. Предположительная причина – утечка газа, сообщили в Следственном комитете.