2022-06-04 15:14
Информагентства
Արծվիկ Մինասյան․ Փաշինյանը վարպետացել է զանգվածային անկարգությունների մեջ
Ազգային ժողովի «Հայաստան» խմբակցության քարտուղար Արծվիկ Մինասյանի դիտարկմամբ՝ երեկ Պռոշյան-Դեմիրճյան խաչմերուկում բախումների ժամանակ իշխանությունը ցույց տվեց իր «խուժանական կերպարը»:
«Ակնհայտ որևէ քաղաքական վարքագիծ, ժողովրդավարությանը բնորոշ վարքագիծ իշխանությունը ցույց չտվեց, ուղիղ հակառակը, նա ցույց տվեց, որ ընդհանրապես քաղաքական չէ, խուլիգանական վարքագծի տեր իշխանություն է», - լրագրողների հետ զրույցում հայտարարեց Մինասյանը:
Նա ասաց, թե բազմաթիվ ոստիկաններ վիրավորվել են հենց ոստիկանության գործողությունների հետևանքով, ինչը բերել է հավելյալ ագրեսիայի ոստիկանների կողմից՝ ընդդեմ քաղաքացիների:
«Այն, ինչ մենք տեսնում ենք դրվագներում, ցույց է տալիս, որ այս իշխանությունը ոչ մի առնչություն չունի ո՛չ ժողովրդավարության, ո՛չ էլ իրավական պետության հետ, ավելին՝ թշնամական գործողություններ է իրականացնում ՀՀ քաղաքացիների նկատմամբ։ Այդ բոլոր ուղղություններով համապատասխան գործողություններ են ձեռնարկվելու», - ասաց Մինասյանը:
Ընդդիմադիր պատգամավորի խոսքով՝ ակնհայտ է՝ Նիկոլ Փաշինյանը վարպետացել է զանգվածային անկարգությունների մեջ:
«Նրանք ամեն ինչ անելու են, որ բախումներ տեղի ունենան, բայց այս օրերի ընթացքում դուք երբեք չեք լսի, որ «Դիմադրություն» շարժման կազմակերպիչների կողմից հրահրվի բախում: Ոստիկանությունը բախումը փորձում է բարդել ակտիվիստների վրա: Զանգվածային անկարգությունների թիվ մեկ կազմակերպիչը ոստիկանության այն հրամանատարական կազմն է, որը, ակնհայտ խախտելով օրենքի ողջ դրույթները, իրականացրեց գործողություններ՝ սկզբում սադրանք, հետո հատուկ միջոցների կիրառում», - ասաց նա:
«Հայաստան» խմբակցության քարտուղարը սթափության կոչ արեց իշխանությանը. «Սթափվե՛ք, հակառակ դեպքում, պատասխանատվության ողջ բեռն ու ծանրությունը ձեր վրա է»:
Հիշեցնենք՝ Պռոշյան-Դեմիրճյան խաչմերուկում բախումների հետևանքով տուժել են թե՛ քաղաքացիական անձինք, թե՛ ոստիկանության ծառայողներ:
Ընդհանուր առմամբ, բժշկական կենտրոններ է դիմել 60 անձ, նրանցից 39-ը ոստիկանության ծառայողներ են եղել:
Հիշեցնենք նաև, որ կառավարական ամառանոցի մոտ իրավիճակը ծայրահեղ լարվել էր։ Ոստիկանությունն այստեղից «Դիմադրություն» շարժման մասնակիցներին թույլ չէր տվել անցնել և գնալ խորհրդարան։
Ոստիկանության զորքերն անցել էին հատուկ միջոցների՝ կիրառելով լուսաձայնային նռնակներ:
Aysor.am
ПОСЛЕДНИЕ ОТ АВТОРА
-
New2025-06-06 16:33Депутат НС Армении от оппозиционной фракции "Айастан" Агнесса Хамоян на бюджетных слушаниях в парламенте спросила главу Следкома Артура Погосяна насчет произошедшего в апреле жестокого убийства 22-летнего жителя Эчмиадзина, задав ему несколько "неудобных" вопросов о качестве работы следователей.
-
New2025-06-06 16:25Военнослужащие ВС Азербайджана уже увезли двух несовершеннолетних парней из общины Тех Сюникской области Армении в неизвестном направлении, написал бывший омбудсмен РА, глава «Центра права и справедливости «Татоян» Арман Татоян в соцсети.
-
New2025-06-06 16:20На встрече с армянским премьером Николом Пашиняном председатель Совета Федерации РФ Валентина Матвиенко подтвердила готовность России продолжить сотрудничество с Арменией, основанное на взаимном уважении и дружбе.
-
New2025-06-06 16:16Мультимодальный маршрут через Транскавказскую магистраль может теоретически стать альтернативой МАПП "Верхний Ларс". Об этом заявил председатель Российско-Армянского делового совета Араик Татоян, выступая на 10-м межрегиональном Армяно-российском форуме.