2022-06-06 15:45
Информагентства
Կութի գյուղապետ․ Էսպես ապրել չի լինի
Գեղարքունիքի մարզի Կութ գյուղի բնակիչները առայսօր որևէ փոխհատուցում չեն ստացել ադրբեջանցիների կողմից մեկ տարի առաջ հափշտակված շուրջ 80 գլուխ անասունի համար։ Մնացած անասուններին էլ արածեցնելու տեղ չունեն գյուղացիները․ արոտատեղին թշնամու քթի տակ է։ Այդ մասին «Փաստինֆո»-ին հայտնեց Կութի գյուղապետ Սիմա Չիթչյանը։
«Մի քիչ տեղ կա գյուղամերձ, զոռով յոլա են տանում։ Անասնապահ չունենք։ Ոչ մեկը չի համաձայնվում, որ անասուններին հավաքի, տանի արոտ։ Տեղ չկա արածացնելու, որտե՞ղ տանի։ Ստիպված ամեն մեկն իր անասունը հանում է գյուղին մոտ գտնվող տարածք, բայց դե էնտեղ խոտ էլ չկա ։ Ի՞նչ ասեմ, մեր խոտհարքներից էլ, արոտից էլ լրիվ զրկվել ենք։ Մենք անասնապահությամբ էինք ապրում ու լավ էլ ապրում էինք»,-«Փաստինֆո»-ի հետ զրույցում ասաց գյուղապետը։
Տիկին Չիթչյանի խոսքով՝ գրեթե ամեն տան դեռ անասուն կա, բայց անցած տարվա համեմատ՝ կրկնակի անգամ քիչ։ Մարդիկ 2021թ․ աշնանը շուկայականից անհամեմատ էժան գներով՝ կգ-ը 1100-1200 դրամով անասունների գրեթե կեսը վաճառել են, որ խոտ առնեն, մի քանի գլուխ անասուն կարողանան պահել։ Այս տարի ևս, գյուղապետի վստահեցմամբ, նույն վիճակն է լինելու։
«Այս տարի էլ պետք է անասունների մի մասը վաճառեն, որ ուրիշ գյուղից խոտ առնեն, կարողանան գոնե 2-3 անասուն յոլա տանել։ Չեն կարող լրիվ վաճառել, շատ-շատերի ապրուստի միջոցը դա է։ Դա էլ որ վաճառեն, ո՞նց ապրեն։ Մարդիկ սպասում են, որ էդ սահմանազատման դեպքում մեր տարածքներից էդ ադրբեջանցիներին կհանեն, նորմալ կյանքի կվերադառնանք։ Թե չէ, էսպես ապրել չի լինի»,-ասաց գյուղապետը։
Անցած տարի գյուղի վերևի հատվածը, որտեղ գյուղի խոտհարքերն ու արոտատեղին է, 2021թ․ մայիսից՝ ադրբեջանցիների ներխուժումից հետո, գյուղատնտեսական տեխնիկա ընդհանրապես չի մտել։ Չիտչյանն ասում է՝ որոշները ձեռքով խոտհարք են արել, ձեռքով էլ կապել տուկերը։
Գյուղացիների մեծ մասը տուկը 1500-2000 դրամով հարևան գյուղացիներից են առել։ Այս տարի էլ, գյուղապետի խոսքով, նույնն են անելու։
ПОСЛЕДНИЕ ОТ АВТОРА
-
2025-08-07 16:48Летняя жара может стать серьёзным испытанием для смартфонов, вызывая перегрев и ускоряя износ их компонентов. Мастер по ремонту техники с платформы «Авито Услуги» Михаил Демидов поделился с «Газетой.Ru» рекомендациями, как защитить устройство в жаркую погоду и избежать поломок. Вот ключевые советы, которые помогут продлить срок службы вашего смартфона.
-
2025-08-05 14:02Возможное подписание мирного договора между Арменией и Азербайджаном под эгидой США может создать серьезные риски для внешней политики и системы безопасности Армении. Об этом заявил зампредседателя Республиканской партии Армении Армен Ашотян на пресс-конференции во вторник, отвечая на вопрос Sputnik Армения.
-
2025-08-02 00:38Представляем экспертное мнение по вопросам управления репутацией и связей с общественностью в Армении от Шушан Арутюнян, соучредителя коммуникационной компании AxelMondrian.
-
2025-08-01 19:14Зампредседателю Республиканской партии Армену Ашотяну изменена мера пресечения - с домашнего ареста на административный надзор. Об этом Sputnik Армения сообщил адвокат Ашотяна Тигран Атанесян.