2022-06-08 18:50
Информагентства
Արցախում ներկայացվել է համայնքների սոցիալ-տնտեսական զարգացման ծրագիր
Արցախի Հանրապետության պետական նախարար Արտակ Բեգլարյանի գլխավորությամբ ԱՀ գործադիր իշխանության մի խումբ ներկայացուցիչներ հունիսի 8-ին մասնակցել են Հայկական բարեգործական ընդհանուր միության(ՀԲԸՄ) և ԱՀ կառավարության համագործակցությամբ՝ մասնագիտացված կազմակերպության կողմից իրականացված հետազոտության հիման վրա մշակված՝ Արցախի մի խումբ համայնքների սոցիալ-տնտեսական զարգացման ծրագրի շնորհանդեսին:
«Ողջունելի է, որ հետազոտության արդյունքների հիման վրա աշխատանքային թիմը ներկայացրել է գործնական առաջարկներ ընտրված համայնքների խմբերի համակողմանի զարգացման ուղղությամբ: Ինչպես և հայտարարել ենք բազմիցս, հետպատերազմյան շրջանում ԱՀ կառավարության համար սոցիալ-տնտեսական զարգացման տեսանկյունից ռազմավարական նպատակ է ծրագրերի սահուն անցումը հումանիտար փուլից դեպի զարգացման փուլ»,- իր խոսքում նշել է պետական նախարարը:
Արտակ Բեգլարյանը շնորհակալություն է հայտնել Հայկական բարեգործական ընդհանուր միությանն ու հետազոտական աշխատանքն իրականացրած կազմակերպությանը՝ մեծածավալ ու համընդգրկուն հետազոտության ու ծրագրի համար:
Իր հերթին Հայկական բարեգործական ընդհանուր միության Հայաստանի մասնաճյուղի նախագահ Վազգեն Յակուբյանը գոհունակություն է հայտնել ԱՀ կառավարության հետ իրականացրած արդյունավետ աշխատանքի համար՝ ընդգծելով, որ հետպատերազմյան շրջանում ՀԲԸՄ-ը նույնպես մեծածավալ մարդասիրական ծրագրեր է իրականացրել, սակայն արդեն ժամանակն է իսկապես անցնել զարգացման ծրագրերին՝ ապահովելու մարդկանց զբաղվածությունն ու կայուն եկամուտը:
Ծրագրի շնորհանդեսի ավարտին տեղի է ունեցել շահագրգիռ քննարկում՝ ԱՀ գործադիր մարմինների ներկայացուցիչների, շրջվարչակազմերի ղեկավարների և մի խումբ առաջատար մասնագետների մասնակցությամբ: Արտակ Բեգլարյանը վստահություն է հայտնել, որ քննարկումների արդյունքում հնչած դիտարկումներն օգնելու են ավելի գործնական ու արդյունավետ դարձնել մշակվող ծրագրերը:
ԱՀ պետական նախարարի աշխատակազմի տեղեկատվության և հասարակայնության հետ կապերի բաժին
ПОСЛЕДНИЕ ОТ АВТОРА
-
New2025-06-05 08:59Президенты Ирана и Азербайджана Масуд Пезешкиан и Ильхам Алиев в ходе телефонного разговора заявили о «поворотном моменте» в отношениях двух стран, сообщили азербайджанские СМИ со ссылкой на пресс-службу Алиева.
-
New2025-06-05 08:58Заместитель министра иностранных дел России Андрей Руденко на встрече с послом Японии Акирой Муто заявил, что уровень российско-японских отношений достиг беспрецедентного минимума по вине официального Токио. Об этом сообщается на сайте МИД РФ.
-
2025-06-04 19:37Евросоюз внес в санкционный список азербайджанский танкер «Zangazur», который, по информации европейских чиновников, относится к «теневому флоту» России.
-
2025-06-04 19:35С июля посольство Германии в Ереване будет принимать заявки на шенгенскую визу не напрямую, а через систему TLScontact. Об этом сообщила пресс-служба диппредставительства.