2022-06-09 11:25
Информагентства
Օվերչուկ․ ԵԱՏՄ–ին ապագայում կարող են անդամակցել նախկին ԽՍՀՄ–ից դուրս գտնվող երկրները
ԵԱՏՄ–ին ապագայում կարող են անդամակցել նաև այն երկրները, որոնք ԽՍՀՄ կազմում չեն եղել։ Այս մասին այսօր հայտարարել է ՌԴ փոխվարչապետ Ալեքսեյ Օվերչուկը Նուր-Սուլթանում ընթացող «Ղազախստան և Ռուսաստան. ԵԱՏՄ շրջանակում համագործակցության արդիական ուղղությունները» գիտաժողովում ելույթ ունենալիս։
«Գործադրվող ճնշումը միտված է ՌԴ տնտեսությունը թուլացնելուն, և պատժամիջոցների հեղինակները հույս ունեն, որ դրանք կվախեցնեն ԵԱՏՄ երկրներին և հեռու կպահեն Ռուսաստանի հետ համագործակցությունից, կխզեն մեր կապերը, իսկ դա կնշանակի, որ Եվրասիական տարածաշրջանը չի կարողանա տնտեսապես ինտեգրվել որպես ինքնուրույն սուբյեկտ», – ասել է Օվերչուկը։
Օվերչուկը նշել է, որ նախկինում «ողջ տնտեսությունը նախևառաջ կառուցվում էր Եվրոպայի հետ կապերի վրա» և Ռուսաստանում բարդություններ են զգում վերջին տասնամյակում ձևավորված լոգիստիկ շղթայի խախտման հետ կապված։
«Սակայն մենք աշխատում ենք լոգիստիկ նոր կապեր ստեղծելու ուղղությամբ։ Թույլատրել ենք զուգահեռ ներմուծումը։ Իհարկե, այսօր առևտրային նոր գործընկերներ ենք փնտրում և փորձում կապեր հաստատել նախևառաջ այն երկրներում, որոնք Ռուսաստանի նկատմամբ թշնամական վերաբերմունք չեն դրսևորում։ Այսօր հատուկ նշանակություն է ունենալու «Հյուսիս–հարավ» միջազգային տրանսպորտային միջանցքը, այստեղ մեծ դաշտ կա Ղազախստանի հետ համագործակցելու համար», – հավելել է նա։
Միևնույն ժամանակ փոխվարչապետը նշել է, որ ՌԴ տնտեսությունը շարունակում է աճել ի հեճուկս առկա պատժամիջոցային ճնշումների. վերջին չորս ամսվա ընթացքում աճը կազմել է մոտ 1,7%։ Մայիսին գնաճը գրեթե կանգնել է, մայիսի վերջին շաբաթվա ընթացքում այն 0% մակարդակում է եղել, նախորդ շաբաթ սկսվել է գնանկումը։
Օվերչուկի խոսքով` ՌԴ նախագահի, կառավարության և Ռուսաստանի բանկի ձեռնարկած միջոցների շնորհիվ երկրի դեմ հրահրված տնտեսական պատերազմը ձախողվել է և իրականացնողների ծրագրով չի ընթացել։
ԵԱՏՄ-ն միջազգային ինտեգրացիոն տնտեսական միավորում է, որը ստեղծվել է Մաքսային միության և Միասնական տնտեսական տարածքի հիման վրա և գործում է 2015 թվականի հունվարի 1-ից: Այժմ ԵԱՏՄ անդամ են Ռուսաստանը, Հայաստանը, Բելառուսը, Ղազախստանը և Ղրղզստանը։
Sputnik Արմենիա
ПОСЛЕДНИЕ ОТ АВТОРА
-
New2025-04-23 16:22Бывший министр иностранных дел Арцаха Давид Бабаян через свою семью передал изданию 168.am запись телефонного разговора из бакинской тюрьмы.
-
New2025-04-23 15:16Парламентская фракция оппозиционного блока «Армения» готова обсудить предложение о запуске процесса импичмента, озвученное депутатами фракции «Честь имею». Об этом на традиционных брифингах в Национальном Собрании заявила 23 апреля депутат от оппозиционного блока «Армения», член АРФ Дашнакцутюн Кристине Варданян
-
New2025-04-23 15:10Повторные подземные толчки произошли в Стамбуле, люди выбежали на улицы, наблюдались перебои с электричеством, сообщает РИА Новости со ссылкой на своего корреспондента.
-
New2025-04-23 15:07Правительство Армении на заседании 23 апреля приняло решение выделить Союзу добровольцев "Еркрапа" (СДЕ) под руководством близкого соратника премьер-министра Никола Пашиняна - Сасуна Микаеляна 234 миллиона 638 тысяч драмов (около 602 тысяч долларов США) для обеспечения непрерывности деятельности организации.