2022-06-09 15:19
Информагентства
Տիգրան Աբրահամյան․ Այս ակցիաները զսպաշապիկ են իշխանությունների համար
«Իշխանությունը մի կողմից ուզում է ցույց տալ, իբր չի նկատում երկրում տեղի ունեցող այս ներքաղաքական զարգացումները, բայց մարդկանց վրա տարբեր ուժային կառույցների, պետական, մասնավոր կազմակերպությունների միջոցով փորձում է ազդել ու կանխել նրանց մասնակցությունը հավաքներին»,- ԱԳՆ դիմաց ակցիայի ժամանակ ասաց «Պատիվ ունեմ» խմբակցության պատգամավոր Տիգրան Աբրահամյանը։
Նրա խոսքով, իշխանության մոտեցումը՝ ցույց տալ, թե իբրև չի նկատում կամ երկրում տեղի ունեցող այս ակտիվ գործընթացները չեն ազդում ընդհանուր ներքաղաքական իրավիճակի վրա, բնականաբար, որևէ կապ չունեն իրականության հետ։
Ինչ վերաբերում է միջազգային հանրության արձագանքին, ապա, ըստ ընդդիմադիր գործչի, անկախ այն հանգամանքից, թե գործընթացներն ինչպես, ինչ հունով են ընթանում, բոլորի համար գոնե ակնհայտ է, որ Հայաստանում Փաշինյանն այն միակ դերակատարը չէ, որ կարող է որոշում կայացնել և առհասարակ Արցախի հետ կապված հարցերում Նիկոլ Փաշինյանը որոշում կայացնելու մանդատ չունի։
«Մինչև իշխանափոխության հասելն էլ այսօր իրականացվող այս ակցիաները զսպաշապիկ են իշխանությունների համար կանգնեցնելու կամ դանդաղեցնելու այն վտանգավոր գործընթացները, որոնք իրենք նախաձեռնել են»,- ասաց Տիգրան Աբրահամյանը։
«Պատիվ ունեմ» խմբակցության պատգամավորն ասաց, որ Ռուսաստանն առանցքային դերկատարություն ունի մեր տարածաշրջանում, հատկապես Արցախի հարցով տարվող բանակցություններում։
«Ռուսաստանն արդեն ներգրավածություն ունի նաև Հայաստան- Ադրբեջան այս պահին ընթացող գործընթացներում։ Մեր ռազմավարական դաշնակից Ռոսաստանը պետք է իմանա, որ Հայաստանում կան ուժեր, որոնք չեն կարող թույլ տալ, որ Նիկոլ Փաշինյանը շարժվի այնպես, ինչպես ինքն է ցանկանում։ Փաշինյանը պատրաստ է այսօր հանձնելու ոչ միայն Արցախը, նաև Հայաստանի սուվերեն տարածքը. 2020 թվականի մարտական գործողություններին հաջորդած գործընթացներն այս ամենն արդեն ցույց են տվել»,- ասաց Աբրահամյանը։
Նրա կարծիքով, Արցախում խաղաղապահ առաքելության գործունեության մեջ որոշակի փոփոխություններ պետք է մտցվեն։
«Սահմանագծում իրականացվող ծառայությունը, որն այսօր մի մասով կատարում են ռուս խաղաղապահները, մի մասով Արցախի պաշտպանության բանակը, վերանայումների անհրաժեշտություն ունեն։ Սա առաջին հերթին ենթադրում է առաջնագծում տեխնիկական միջոցների հագեցվածություն, հայկական բնակավայրերի մոտ հատվածներում ադրբեջանական զորքերի որոշակի հետքաշում և չեզոք գոտու տեղակայում։ Առանց այս գործընթացների, մենք տարբեր փուլերում ունենալու ենք լարվածություններ»,- ասաց Տիգրան Աբրահամյանը։
Panorama.am
ПОСЛЕДНИЕ ОТ АВТОРА
-
New2025-04-22 17:34Тегеран готов сделать свою ядерную программу более прозрачной и выработать больше доверия к ней при условии снятия с него санкций. Об этом заявила официальный представитель иранского правительства Фатеме Мохаджерани.
-
New2025-04-22 17:31Фракции "Гражданский договор" и "Республика" фактически сорвали обсуждение вопроса о стоимости проезда, инициированного оппозицией. На заседании Совета старейшин Еревана в повестку был включен проект решения о приостановке действия постановления о повышении тарифа на проезд в общественном транспорте до 1 марта 2026 года.
-
New2025-04-22 15:51Отказ от исков в международных судебных инстанциях не вытекает из интересов Армении. Об этом заявила председатель Центра международного и сравнительного права Сирануш Саакян на обсуждении, посвященном политике армянофобии, проводимой руководством Азербайджана.
-
New2025-04-22 15:50Национальное Собрание Армении окончательно приняло законопроект о продлении срока предоставления декларации о доходах физических лиц до 1 ноября, сообщает агентство экономической информации АРКА.