2022-06-10 14:01
Информагентства
Սեյրան ՕՀԱՆՅԱՆ․ ՆՈՐ ՓՈՓՈԽՈՒԹՅԱՄԲ ԻՇԽԱՆՈՒԹՅՈՒՆԸ ԳՇ ՊԵՏԻ ՊԱՇՏՈՆԸ ՔԱՂԱՔԱԿԱՆԱՑՆՈՒՄ Է
ԳՇ պետի պաշտոնը համատեղելով պաշտպանության նախարարի առաջին տեղակալի հետ` քաղաքականացնում են այդ պաշտոնը։ Լրագրողների հետ զրույցում նման կարծիք հայտնեց պաշտպանության նախկին նախարար, «Հայաստան» խմբակցության պատգամավոր Սեյրան Օհանյանը։
Հայտնել էինք, որ երեկ կառավարությունն ընդունեց նախագիծը, ըստ որի` ԶՈւ գլխավոր շտաբի պետի պաշտոնը կզբաղեցնի ՀՀ պաշտպանության նախարարի առաջին տեղակալը։
«Նրանց թվում է, որ այդ մեկ բառն ավելացնելով (ՊՆ առաջին տեղակալ) ցույց են տալիս, որ ԳՇ պետը ենթարկվում է պաշտպանության նախարարին։ Նրանք չեն հասկանում, որ այսօրվա պաշտպանության մասին օրենքով էլ այս ուղղահայացը գոյություն ունի. ԳՇ–ն ենթարկվում է նախարարին։ Այս փոփոխություններով հավասարություն է դրվում պաշտպանության նախարարի երկու տեղակալների միջև»,–ասաց Օհանյանը։
Նրա խոսքով` ամենավտանգավորն այն է, որ ԶՈւ հրամանատար է հանդիսանալու պաշտպանության նախարարը, որը քաղաքական թիմի անդամ է, կարող է պաշտպանական քաղաքականության որևէ փորձառություն չունենալ։ Օհանյանը նշում է` իր համար այս ամենը մի փոքր հասկանալի կլիներ, եթե նախարարի պաշտոնն էլ զինվորական դարձնեին։
Օհանյանը հիշեցրեց, որ ԶՈւ ողջ պատմության ընթացքում պաշտպանության նախարարների պաշտոնները քաղաքացիական են եղել, բացի Վաղարշակ Հարությունյանից, որը 1999-ին նշանակվեց այդ պաշտոնին։
Նրա խոսքով` 2008-ի դեկտեմբերին ընդունված պաշտպանության մասին օրենքով նախարարի և ԳՇ պետի պարտականությունները հստակ առանձնացվեցին։ Նախարարը պատասխանատու էր պաշտպանական քաղաքականության, դրա շրջանակներում ռազմաքաղաքական իրավիճակի գնահատման, կադրային քաղաքականության, ռազմական կրթության և ԶՈւ համակողմանի ապահովման համար։ ԳՇ պետը պատասխանատու էր մարտական ստորաբաժանումների կառավարման և մարտական խնդիրների կատարման համար։
Նա հավելեց, որ ներկայիս իշխանությունը պաշտպանության մասին օրենքին լիարժեք չի տիրապետում։
ПОСЛЕДНИЕ ОТ АВТОРА
-
2025-07-30 20:50Две эти новости следует читать вместе, друг за другом (заголовки: "«Гражданский договор»: Российская агентура хочет предоставить России коридор по территории Армении", "Президент РА рассказал жителям Сюника о важности открытия дороги, соединяющей Азербайджан и Нахиджеван").
-
2025-07-30 19:39Международный Комитет Красного Креста все еще не располагает информацией о том, как решился вопрос с транспортировкой тела Веры Агасян, скончавшейся в оккупированном Азербайджаном Арцахе.
-
2025-07-30 19:37Временный государственный управляющий компании "Электросети Армении" Романос Петросян провел встречу с председателем Комиссии по регулированию общественных услуг Армении Месропом Месропяном. Об этом сообщает официальная страница КРОУ в соцсети.
-
2025-07-30 19:32Анаит Аванесян передала Министерство здравоохранения в «концессионное управление» Арсену Торосяну. Об этом в соцсетях написала глава общественной организации «Право на здоровье» Ануш Погосян.