2022-06-11 13:25
Информагентства
«Հրապարակ». ՓԱՇԻՆՅԱՆԻ ԱՎՏՈՊԱՐԿՈՒՄ ԵՐԿՈՒ ՆՈՐ ՄԵՔԵՆԱ Է ՀԱՅՏՆՎԵԼ
«Հրապարակ» թերթը գրում է. «Պադավատապետությանը դեմ Նիկոլ Փաշինյանը շարունակում է թարմացնել իրեն սպասարկող ավտոպարկը։ Մի քանի օր առաջ նկատեցինք, որ նրան սպասարկող մեքենաների մեջ նոր Toyota Hiace մակնիշի միկրոավտոբուս է հայտնվել։ Այն, ինչպես հասկացանք, փոխարինում է նախկինում առկա Volkswagen Multivan մինիվենին, որը տեղափոխում էր ԱԱԾ-ի դիմակավորված հատուկ ջոկատայիններին։ Այդ մեքենան վաղուց էր շահագործվում` դեռ Սերժ Սարգսյանի ժամանակներից, հիմա Նիկոլ Փաշինյանն ու նրա անվտանգությունն ապահովող Պետական պահպանության ծառայությունը որոշել են վարչապետին սպասարկող նոր մեքենա ձեռք բերել։
Կառավարության լրատվականից ասացին՝ գրավոր հարցում ուղարկեք ՊՊԾ։ Մենք ճշտեցինք, որ մոտ 4 ամիս առաջ է ՊՊԾ-ն ավտոսրահից ձեռք բերել նշված Toyota Hiace միկրոավտոբուսը, արժեքը՝ մոտ 20 մլն կամ 40 հազար դոլար։ Բայց սա միակ ձեռքբերումը չէ վարչապետի ավտոպարկում։ Անձամբ Նիկոլ Փաշինյանին սպասարկելու համար մի նոր զրահապատ մեքենա են ձեռք բերել՝ ջիպ տեսակի։ Lexus LX570 մակնիշի շքեղ ամենագնաց, որն անցյալ տարի է գնվել՝ բյուջեի հաշվին։
Հիմա մարզային այցերի ժամանակ Փաշինյանին հենց այս մեքենան է սպասարկում։ Այն 2021 թ․ արտադրության է, գնվել է երևանյան ավտոսրահից, արժեքը՝ մոտ 110 հազար դոլար, սակայն գնելուց հետո էլ ուղարկվել է Մոսկվա՝ զրահապատման։ Արդյունքում վարչապետին սպասարկող նոր մեքենան արժեցել է մոտ 200 հազար դոլար կամ մի փոքր ավելի։
Հիշեցնենք․ Սերժ Սարգսյանը մինչև իր պաշտոնավարման ավարտը մոտ 10 տարվա հնության Mercedes S-Class-ով էր շրջում, իսկ Փաշինյանն իր գալու հաջորդ տարին 2 նոր զրահապատ Mercedes S-Class գնեց՝ մոտ կես միլիոն դոլար արժողությամբ»:
ПОСЛЕДНИЕ ОТ АВТОРА
-
2025-06-07 17:39Фракция «Честь имею» Национального собрания представила предложение о выражении недоверия премьер-министру и в качестве кандидата на пост премьер-министра выдвинула члена Совета РПА, руководителя общины Масис Давида Амбарцумяна.
-
2025-06-07 15:17Турецкая полиция задержала группировку из 20 человек, обвиняемых в краже более 1,1 миллиарда турецких лир (29 миллионов долларов) со счетов иностранных туристов, отдыхавших на турецких курортах, передает госагентство Anadolu.
-
2025-06-07 15:14Более 14 тыс человек пострадали в первый день Курбан-байрама, получив ранения во время закалывания жертвенных животных, сообщил в X министр здравоохранения страны Кемаль Мемишоглу.
-
2025-06-07 15:13Кандидат в премьер-министры от фракции Национального собрания «Честь имею» Давид Амбарцумян пишет: