Վարդան Բոստանջյանը նշել է Հայաստանում դոլարի արժեզրկման պատճառը
Դոլարի նկատմամբ այսօր նկատվող դրամի արժևորումը մեծապես պայմանավորված է օբյեկտիվ պատճառներով, թեև առկա է նաև սուբյեկտիվ գործոն։ Այս մասին NEWS.am-ի հետ զրույցում ասաց ՀՀ ԱԺ նախկին պատգամավոր, տնտեսագետ Վարդան Բոստանջյանը։
«Ռուսաստանի դեմ բազմաթիվ պատժամիջոցների պայմաններում արտարժույթով աշխատող տնտեսվարող սուբյեկտները փնտրում են վայրեր, որտեղ կարող են իրացնել իրենց կուտակած արժույթը։ Հայաստանը դարձել և մնում է այս վայրերից մեկը»,- ասաց նա։
Բոստանջյանի խոսքով՝ դոլարի ներկայիս արժեզրկումը հայկական դրամի նկատմամբ կապված է հենց վերը նկարագրված պատճառի հետ։
«Քանի որ դեռևս նշաններ չկան, որ ներկայիս իրավիճակը չի շարունակվի (Ռուսաստանի և Արևմուտքի առճակատումը-խմբ.), ապա հայկական դրամի հետ կապված գործընթացները կշարունակվեն։
Ֆինանսական հաստատությունները, այդ թվում՝ ՀՀ Կենտրոնական բանկը, առավելագույնս օգտագործում են իրենց գործիքները՝ տնտեսվարող սուբյեկտների վրա արժույթի տատանումների բացասական ազդեցությունը մեղմելու համար, սակայն այդ գործիքների կիրառումն ունի սահմաններ, որոնցից այն կողմ նրանք սկսում են կորցնել իրենց բարձր արդյունավետությունը։
«Այդ դեպքում աջակցությունը պետք է լինի տնտեսական քաղաքականության արդյունավետության բարձրացումը։ Խնդիրը չի լուծվում արտահանմամբ կամ ներմուծմամբ, այն լուծվում է կարգավորման մակարդակի բարձրացմամբ, պետություն-բիզնես հարաբերությունների հստակեցմամբ»,-հավելեց տնտեսագետը։
Ինչ վերաբերում է դրամի արժևորմանը, ապա այն կարող է տարբեր ազդեցություն ունենալ՝ կախված գործունեության տեսակից՝ ոմանց համար դա ռիսկ է, ոմանց համար՝ հնարավորություն։
«Ընդհանուր առմամբ, մեր երկրի համար դա այնքան էլ վատ չէ, բայց առանձին տնտեսվարող սուբյեկտների համար՝ ռեսուրսների առկայության, արտադրված ապրանքների որակի կամ մատուցվող ծառայությունների առումով, կարող են որոշ հարցեր առաջանալ։ Բայց ընդհանուր առմամբ արտահանողները կհայտնվեն ավելի շահեկան վիճակում, քան ներկրողները»,-պարզաբանեց նախկին պատգամավորը։
«Այս ճնշումը կարելի է մեղմել Հայաստանի ներսում ավելի արդյունավետ տնտեսական քաղաքականություն վարելով, բայց աշխարհում գործընթացներն այնպես են ընթանում, որ այս կամ այն կերպ գնաճային ճնշում է գործադրվում բոլոր երկրների վրա»,-եզրափակեց Բոստանջյանը։
Նշենք, որ երեք ամսում դոլարի փոխարժեքը հայկական դրամի նկատմամբ նվազել է գրեթե 20 տոկոսով։ Եթե մարտի 14-ին դոլարի փոխարժեքը կազմում էր 514,97 դրամ, ապա հունիսի 13-ին 1 դոլարն արժե արդեն 418,64 դրամ։
ПОСЛЕДНИЕ ОТ АВТОРА
-
2024-05-05 12:41
Это движение также для вас, чтобы освободить от этих оков также вас. Я ясно говорю, что та повестка, которую мы диктовали и диктуем, – об истине, о широком социальном примирении и о благословении Господа Бога. Об этом заявил сегодня, 5 мая, лидер движения «Тавуш во имя родины», архиепископ Баграт Галстанян собравшимся после Литургии во дворе монастыря Ахарцин, передает News.am.
-
2024-05-05 10:37
Движение, возглавляемое предстоятелем Тавушской епархии Армянской апостольской церкви, архиепископом Багратом Галстаняном, начавшее накануне шествие из Киранца в Ереван, дошло до Ахарцина.
-
2024-05-05 10:32
Бывший омбудсмен Армении, председатель фонда «Татоян» Арман Татоян в интервью с порталом 168.am ответил на вопрос о том, собирается ли он заняться политикой.
-
2024-05-05 10:30
Партия «Свобода» безоговорочно поддерживает движение, возглавляемое архиепископом Багратом Галстаняном. Об этом на своей странице в Facebook написал бывший премьер-министр Армении Грант Багратян, передает News.am.