2022-06-14 15:54
Информагентства
Մարտի 1-ի գործերը քննած դատավորները կարող են պատասխանատվության ենթարկվել. նոր օրինագիծ
ՀՀ դատավորների լիազորությունների կասեցման հիմք կարող են դառնալ միջազգային դատարաններում քննվող գործերով հայտնաբերված խախտումները։ «Հայաստանի Հանրապետության դատական օրենսգիրք» սահմանադրական օրենքում նման կետ է առաջարկում ներառել ՀՀ արդարադատության նախարարությունը։
Օրենքի փոփոխության նախագիծն այսօր ԱԺ-ում ներկայացրեց փոխնախարար Գրիգոր Մինասյանը։
Պաշտոնյան նախ հայտնեց, որ նախագծի նախնական տարբերակում կարգավորումն առաջարկվում էր տարածել ՄԻԵԴ-ում քննվող գործերով հայտնաբերված բոլոր խախտումների դեպքերի վրա։ Սակայն Վենետիկի հանձնաժողովն առաջարկել է սահմանափակել օրենքի հետադարձ ուժի ժամկետը` այն սահմանելով ՄԻԵԴ վճռի ուժի մեջ մտնելուց հետո մինչև 15 տարի։
«Այս առումով հարկ ենք համարում նշել, որ 2008-18թթ-ին ՄԻԵԴ-ում մի շարք գործեր են հարուցվել, որոնցից մի քանիսը դեռ քննվում են, և որոնցով արձանագրվել են Մարդու իրավունքների եվրոպական կոնվենցիայի խախտումներ։ ՄԻԵԴ-ը դրանցով արձանագրել է սեփականության իրավունքի, կյանքի իրավունքի, խոշտանգման արգելքի, ազատության ու անձնական անձեռնմխելիության, արդար դատաքննության իրավունքի, հավաքների և միավորման ազատության խախտումներ»,- ասաց Մինասյանը։
«Քաղաքացիական պայմանագիր» խմբակցության պատգամավոր Արուսյակ Ջուլհակյանը արդարադատության փոխնախարարին հարցրեց` արդյոք այս փոփոխության միջոցով հնարավորություն կընձեռվի՞ պատասխանատվության ենթարկել «Մարտի 1»-ի գործերով արդարացման վճիռներ կայացրած դատավորներին։
«Այո՛, ճիշտ եք։ Այս փոփոխության միջոցով հնարավորություն է ընձեռվում հետ գնալ 15 տարի, ուսումնասիրել ՄԻԵԴ-ի կայացրած վճիռները, և եթե դրանցում արձանագրվեն կոնկրետ դատավորի կողմից դիտավորությամբ կատարված խախտումներ, ապա կարող ենք հետ գնալ ու կարգապահական վարույթի շրջանակում գործը վեր հանել, միջնորդություն ներկայացնել ԲԴԽ և այսօր օրենսդրությամբ գործող կառուցակարգերով պատասխանատվության ենթարկել կոնկրետ խախտում թույլ տված դատավորին»,- պատգամավորի հարցին ի պատասխան ասաց Մինասյանը։
Նշենք, որ օրինագիծը դիտարկվում է դատաիրավական բարեփոխումների շրջանակում։ Այն խորհրդարանում քննարկվում է առաջին ընթերցմամբ։
Sputnik Արմենիա
ПОСЛЕДНИЕ ОТ АВТОРА
-
2025-07-31 19:18Президент России Владимир Путин подписал закон о ратификации соглашения с Ереваном о работе в республике Российско-армянского университета, сообщает ТАСС.
-
2025-07-31 19:16«Зангезурский коридор: геополитические угрозы против Ирана и перспективы различных действующих лиц» - такова тема конференции, которую иранский Mehr и армянский Центр аналитический исследований «Орбели»планируют провести совместно 5 августа, сообщает Mehr.
-
2025-07-31 19:14БРИКС не ориентирует свою работу против других стран, и не является антиамериканской организацией, заявил пресс-секретарь президента РФ Дмитрий Песков.
-
2025-07-31 19:14На днях в парламенте Франции была введена в обращение резолюция, требующая от Азербайджана немедленного освобождения захваченного в плен военно-политического руководства Арцаха и других пленных. Об этом сообщила Alpha News журналистка Лиана Маргарян.