2022-06-18 11:45
Информагентства
Թրամփը կարծում է, որ Ուկրաինայում հակամարտությունը կարող է հանգեցնել երրորդ համաշխարհային պատերազմի
ԱՄՆ նախկին նախագահ Դոնալդ Թրամփը հայտարարել է, որ ուկրաինական հակամարտությունը Միացյալ Նահանգների քաղաքականության պատճառով կարող է վերաճել երրորդ համաշխարհային պատերազմի։ Այս մասին նա ասել է Նեշվիլ քաղաքում (Թենեսի նահանգ) իր համախոհների առջև ելույթի ժամանակ, որը հեռարձակել է The Hill-ը։
«Հնարավոր է՝ դա հանգեցնի երրորդ համաշխարհային պատերազմի այն պատճառով, ինչ մենք անում ենք: Մենք ընդամենը 40 միլիարդ դոլար ենք տվել ի լրումն ևս 16 միլիարդ դոլարի, ընդհանուր՝ 56 միլիարդ դոլար»,- ասել է Թրամփը:
ԱՄՆ նախկին նախագահն ընդգծել է, որ Միացյալ Նահանգների դաշնակիցներն աջակցում են Ուկրաինային, սակայն «նրանք տվել են միայն չնչին մասը այն ամենի, ինչ իրենց տվել են»։
«Եթե ես լինեի նախագահ, դա երբեք չէր պատահի»,- հավելել է նա:
Նրա կարծիքով՝ ուկրաինական հակամարտությունը պետք է ավարտել գործարքով, իսկ ԱՄՆ-ի կողմից Կիևին փոխանցված միլիոնները «չեն ուղղվում նրան, ինչին պետք է»։
Ըստ ԱՄՆ պաշտպանության նախարարության, ընդհանուր առմամբ, նախագահ Ջո Բայդենի պաշտոնավարման պահից նրա վարչակազմը Կիևին հատկացրել է 6,3 միլիարդ դոլարի ռազմական օգնություն, իսկ Ուկրաինայում ռուսական հատուկ գործողության մեկնարկից հետո՝ 5,6 միլիարդ դոլարի։
Նշված աջակցությունը ներառում է ավելի քան 1400 Stinger համակարգ, ավելի քան 6500 Javelin համակարգ և 20 000 այլ տեսակի հակատանկային համակարգ, ինչպես նաև ավելի քան 700 Switchblade անօդաչու թռչող սարք, 126 155 մմ տրամաչափի հաուբից և դրա 260 000 արկ, 20 «Մի 17» ուղղաթիռ, 200 «M113» զրահափոխադրիչ և գերատեսչության կողմից թվարկված այլ զինատեսակներ։
News.am
ПОСЛЕДНИЕ ОТ АВТОРА
-
2025-06-04 19:37Евросоюз внес в санкционный список азербайджанский танкер «Zangazur», который, по информации европейских чиновников, относится к «теневому флоту» России.
-
2025-06-04 19:35С июля посольство Германии в Ереване будет принимать заявки на шенгенскую визу не напрямую, а через систему TLScontact. Об этом сообщила пресс-служба диппредставительства.
-
2025-06-04 19:34Армения и Азербайджан договорились о совместных поисках без вести пропавших. Об этом директор Службы национальной безопасности Армении Армен Абазян заявил журналистам.
-
2025-06-04 19:32Украина несет огромные потери и отступает по всей линии фронта, поэтому пытается запугать Россию терактами, заявил президент Владимир Путин.