2022-06-20 12:18
Информагентства
0
Արսեն ԲԱԲԱՅԱՆԸ՝ ՊՊԾ ՊԵՏ ՍԱՐԳԻՍ ՀՈՎՀԱՆՆԻՍՅԱՆԻ ՆԿԱՏՄԱՄԲ ՔՐԳՈՐԾ ՉՀԱՐՈՒՑԵԼՈՒ ՄԱՍԻՆ․ ՔՆՆՉԱԿԱՆ ԾԻԾԱՂԵԼԻ ԱՃՊԱՐԱՐՈՒԹՅՈՒՆԸ
Քննչական ծիծաղելի աճպարարությունը. Կարդում եմ ՊՊԾ պետ Սարգիս Հովհաննիսյանի և MediaHub.am-ի լրագրողի և օպերատորի միջև Բաղրամյան-Պռոշյան խաչմերուկում կատարված դեպքով քրեական գործի հարուցումը մերժելու մասին քննիչը որոշումը և շատ տարօրինակ հանգամանքներ բացահայտում: Այս մասին Տելեգրամի իր ալիքում գրել է «Հայրենիք» կուսակցության քաղխորհրդի անդամ Արսեն Բաբայանը:
Նա նաև նշել է. «Պարզվում է, որ ՊՊԾ բոլոր այն ծառայողները, որոնք եղել են դեպքի ականատեսներ, իրենց բացատրություններում հստակ նշել են, որ կատարվել է լրագրողի մասնագիտական օրինական գործունեությանը խոչընդոտելու հանցագործություն:
Առանց որևէ բացառության բոլոր ՊՊԾ ծառայողներն իրենց բացատրություններում պնդում են, որ կոնկրետ ծառայակիցը փակել է տեսախցիկի օբյեկտիվը, որպեսզի հնարավոր չլինի նկարահանել և լուսաբանել իրադարձությունը (ՊՊԾ պետի գործունեությունը): Բացի դրանից նրանք պնդում են, որ փորձել են հեռացնել լրագրողին դեպքի վայրից, սակայն լրագրողը և օպերատորն այդպես էլ չեն հեռացել: Կարդում ես ու մտածում, թե լավ, բա էլ ի՞նչ պետք է տեղի ունենա, որ արարքը դառնա լրագրողի մասնագիտական օրինական գործունեության խոչընդոտում:
Այս ամենից հետո քննիչը եզրահանգել է, թե հանցագործություն տեղի չի ունեցել: Շուտով բողոքը պատրաստ կլինի և կտեսնենք, թե դատախազությունում մնացե՞լ է արդյոք մասնագիտական արժանապատվությունը:
Քննիչի որոշումը բացահայտ ծաղրանք է քրեական իրավունքի նկատմամբ»։
Ավելի վաղ News.am-ը հայտնել էր, որ մայիսի 2-ին Բաղրամյան-Պռոշյան փողոցների խաչմերուկում ընդդիմության ակցիայի ժամանակ ԱԱԾ ՊՊԾ պետ Սարգիս Հովհաննիսյանը խոչընդոտել է լրագրողի և օպերատորի աշխատանքը, սպառնալիք հնչեցրել ակցիայի մասնակիցներից մեկի նկատմամբ։
Խնդրին անդրադարձել և տեղի ունեցածը դատապարտել են լրագրողական կազմակերպությունները, Ժուռնալիստների միությունը, Մարդու իրավունքների նախկին պաշտպան Արման Թաթոյանը, ԱԺ Մարդու իրավունքների պաշտպանության և հանրային հարցերի մշտական հանձնաժողովի նախագահ Թագուհի Թովմասյանը, «Իրազեկ քաղաքացիների միավորում» ՀԿ հիմնադիր Դանիել Իոաննիսյանը:
ПОСЛЕДНИЕ ОТ АВТОРА
-
New2024-04-20 14:19Российские пограничники будут выведены из Тавушской области Армении. Об этом заявил Никол Пашинян в беседе с журналистами.
-
New2024-04-20 13:27В настоящее время близ школы села Киранц проводят замер территории с целью строительства в дальнейшем дороги. Об этом сообщил в беседе с Yerevan.today депутат фракции «Айастан» Гарник Даниелян, который находится в Тавуше.
-
New2024-04-20 13:27Передача Армении и нашей цивилизации варварам, что пытаются преподнести как «достижение», это процесс превращения реальной Армении в историческую, считает завкафедрой иранистики факультета востоковедения ЕГУ Вардан Восканян.
-
New2024-04-20 12:36Это не проблема Воскепара, Киранца или Баганиса, это судьбоносное проявление жизни Армении. Об этом в беседе с Новости Армении-NEWS.am заявил предстоятель Тавушской епархии архиепископ Баграт Галстанян, который всю ночь провел в Баганисе вместе с местными жителями.
