Последние новости

«Արցախի հիմնախնդիրը և Արցախի Հանրապետության արտաքին քաղաքականությունը» գրքի շնորհանդեսը Երևանում

Հունիսի 20-ին Երևանում տեղի է ունեցել «Արցախի հիմնախնդիրը և Արցախի Հանրապետության արտաքին քաղաքականությունը» գրքի շնորհանդեսը։ Գիրքը պատրաստել է Արցախի ԱԳՆ-ն, այն հրապարակվել է հայերեն, անունը նշել չցանկացող մեկենասների միջոցներով։ Նախատեսվում է գիրքը թարգմանել ռուսերեն և անգլերեն։ Գիրքը ներկայացրել է Արցախի Հանրապետության արտաքին գործերի նախարար Դավիթ Բաբայանը։

Գիրքը մինի-հանրագիտարան է, որում ներկայացված են պատմական փաստեր, Արցախի դերը դիվանագիտության պատմության մեջ, տրվել են սահմանումներ, ներկայացվել են Արցախին և ադրբեջանա-ղարաբաղյան հակամարտությանն առնչվող ճիշտ անվանումներ, դրա պատճառները, ժամանակագրությունը, նշել է նախարարը։

Գիրքը բաղկացած է մի քանի բաժիններից։ Առաջին մասում ներկայացված են պատմական փաստեր և հասկացություններ։ Երկրորդ մասը վերաբերում է անմիջապես հակամարտությանը, իրավական, քաղաքական, հումանիտար հարթությանը։ Երրորդ մասը նվիրված է Արցախի Հանրապետության արտաքին քաղաքականությանը։ Գիրքն ունի քարտեզներ։ «Ներկայացված են նաև տվյալներ Ադրբեջանի կազմավորման, բանակցությունների սեղանին առկա տարբերակների, Ադրբեջանի կողմից հակամարտությանն ահաբեկիչներ ներգրավելու, մշակութային ցեղասպանության մասին»,- թվարկել է Դավիթ Բաբայանը։

News.am

ПОСЛЕДНИЕ ОТ АВТОРА

ПОСЛЕДНЕЕ ПО ТЕМЕ