2022-06-20 15:20
Информагентства
Պեսկով․ Տարանցումը դադարեցնելու` Լիտվայի որոշումն աննախադեպ է
Կալինինգրադի մարզով մի շարք ապրանքների տարանցումը դադարեցնելու մասին Լիտվայի որոշումն աննախադեպ է, Ռուսաստանն այն անօրինական է համարում: Այս մասին այսօր լրագրողներին հայտարարել է Ռուսաստանի նախագահի մամուլի քարտուղար Դմիտրի Պեսկովը:
«Դա հնարավոր ամեն ինչի խախտում է։ Մենք հասկանում ենք, որ դա կապված է Եվրոպական միության համապատասխան որոշման հետ՝ պատժամիջոցների գործողությունը տարածել տարանցման վրա։ Դա ևս անօրինական ենք համարում»,-ասել է նա։
Պեսկովը Լիտվայի որոշումը շրջափակման տարր է անվանել՝ հավելելով, որ այդպիսով շատ լուրջ իրավիճակ է ստեղծվում։
«Իրավիճակը շատ խորը վերլուծություն է պահանջում նախքան ինչ-որ միջոցներ և ինչ-որ լուծումներ ձևակերպելը։ Խորը վերլուծություն առաջիկա մի քանի օրվա ընթացքում կանցկացվի»,-ասել է նա։
Լիտվական երկաթուղիները Կալինինգրադի երկաթուղուն տեղեկացրել են ԵՄ պատժամիջոցների տակ հայտնված մի շարք ապրանքների տարանցումը դադարեցնելու մասին: Մարզի նահանգապետ Անտոն Ալիխանովը հայտարարել է, որ Կալինինգրադի մարզի լաստանավային համալիրը կկարողանա հաղթահարել նոր բեռների ծավալը Լիտվայով տարանցումը սահմանափակելու պատճառով:
Լիտվայի տարածքով դեպի Կալինինգրադի մարզ նավթամթերքի տեղափոխումը շարունակվում է, դրանց տարանցումը մինչև օգոստոսի 10-ը չի սահմանափակվել: Արգելքի տակ հայտնված ապրանքները կմատակարարեն ջրային ճանապարհով, դրանք կվերաբաշխվեն ծովային փոխադրումների համար՝ հաշվի առնելով լաստանավերը, ՌԻԱ Նովոստիին հայտնել է Կալինինգրադի մարզի կառավարության մամուլի ծառայության ղեկավար Դմիտրի Լիսկովը:
ՌԴ Դաշնային խորհրդի ինքնիշխանության պաշտպանության հանձնաժողովի ղեկավար Անդրեյ Կլիմովը երկուշաբթի հայտարարել է, որ Եվրամիությունը պետք է շտկի Կալինինգրադի շրջափակման հետ կապված իրավիճակը, կամ Ռուսաստանի ձեռքերն արձակված կլինեն տարանցման հարցը ցանկացած միջոցներով լուծելու համար: Նրա խոսքով` ՆԱՏՕ-ն Լիտվայի ձեռքերով սկսում է ռուսական տարածաշրջանի շրջափակումը, դա ուղղակի ագրեսիա Է Ռուսաստանի դեմ, որը ստիպում է ինքնապաշտպանության դիմել։
Sputnik Արմենիա
ПОСЛЕДНИЕ ОТ АВТОРА
-
New2025-08-02 00:38Представляем экспертное мнение по вопросам управления репутацией и связей с общественностью в Армении от Шушан Арутюнян, соучредителя коммуникационной компании AxelMondrian.
-
2025-08-01 19:14Зампредседателю Республиканской партии Армену Ашотяну изменена мера пресечения - с домашнего ареста на административный надзор. Об этом Sputnik Армения сообщил адвокат Ашотяна Тигран Атанесян.
-
2025-08-01 16:32Первый заместитель председателя комитета Госдумы России по делам СНГ Константин Затулин предложил включить политолога Сергея Маркова в список иноагентов из-за дифирамбов, которые он произносил в адрес президента Азербайджана Ильхама Алиева, а затем попыток оправдаться за это. EADaily приводит полный текст заявления Затулина, которое он опубликовал 1 августа в телеграм-канале.
-
2025-08-01 16:19С большим интересом ознакомился со статьей министра иностранных дел Российской Федерации, посвящённой 50-летию Хельсинского Заключительного Акта и созданию ОБСЕ.