2022-06-20 17:43
Информагентства
Էդգար Ղազարյան․ Չալաբյանին Փաշինյանը ձերբակալել և կալանավորել է Ալիևի պահանջով կամ ցանկությամբ
Ավետիք Չալաբյանի դեմ իրականացնող գործընթացներն իրավական իմաստով հիմնազուրկ են, բայց նաև ակնհայտ է, թե ինչքան հարուստ է դրա քաղաքական բաղադրիչը: Այս մասին այսօր՝ հունիսի 20-ին, մամուլի ասուլիսում ասաց «Համախմբում» շարժման անդամ Էդգար Ղազարյանը։
«Վստահ կարելի է ասել, որ Չալաբյանն ու նրա կարգի գործիչները պարզապես վտանգ են ներկայացնում Նիկոլ Փաշինյանի և նրա իշխանության համար: Հատկապես այս ժամանակաշրջանում, երբ որ իրականացվում են ակտիվ քաղաքական գործողություններ, անհնազանդության ակցիաներ, հանրահավաքներ Փաշինյանին իշխանությունից վռնդելու համար, Ավետիք Չալաբյանը դառնում է ավելի վտանգավոր»,- ասաց նա:
Էդգար Ղազարյանը խորը համոզմունք հայտնեց, որ Չալաբյանին Փաշինյանը ձերբակալել և կալանավորել է Ադրբեջանի նախագահ Իլհամ Ալիևի պահանջով կամ ցանկությամբ, որովհետև Չալաբյանը հատկապես իր վերջին ժամանակաշրջանի գործունեությամբ և ուսումնասիրությունների, հրապարակախոսությունների առանցքում պահում էր Արցախի անվտանգության խնդիրները, հատկապես վերջին շրջանում Փառուխում տեղի ունեցող իրադարձությունները, Արցախի ՊԲ-ն լուծարելու գործընթացը, որը ավարտին կհասցվի արդեն իսկ մեկնարկած ամառային զորակոչով, որով Արցախի բանակը միայն զորացրվում է:
«Իսկ այն, որ Փաշինյանը վաղուց է կատարում Ադրբեջանի նախագահի հանձնարարություններն ու ցանկությունները, կարծում եմ, դրա համար լրացուցիչ փաստարկներ և ապացույցներ պետք չեն»,- ասաց Ղազարյանը։
Նա նկատեց, որ իրավապահ մարմինները անօրինական գաղտնալսման արդյունքում ստացված տեղեկությունը ընդունել են որպես իրավական գործընթացի հիմք, բայց մինչ օրս բացահայտված չէ այն անձը, որն իրականացրել է գաղտնալսումը, իրականացրել է շահադիտական մոնտաժ. «Պարզ չէ, թե ով է շահագրգռված եղել հրապարկելու և տարածելու այդ տեղեկատվությունը»,-ասաց նա:
News.am
ПОСЛЕДНИЕ ОТ АВТОРА
-
New2025-04-22 06:13Союз журналистов Армении обратился в Европейскую федерацию журналистов (EFJ) и Международную федерацию журналистов (IFJ) с просьбой осудить препятствование работе корреспондентов в парламенте страны, а также оскорбительные высказывания депутатов в адрес репортеров.
-
New2025-04-22 06:09Очередное заседание "суда" над армянскими пленными, включая военно-политическое руководство Нагорного Карабаха, состоялось в Баку.
-
New2025-04-22 06:03Председатель Конституционного суда Армении Арман Диланян заявил, что Основной Закон Армении не содержит территориальных претензий не только к Азербайджану, но и к какой-либо другой стране.
-
New2025-04-22 06:01Президент Ирана Масуд Пезешкиян заявил, что Тегеран готов к соглашению с США по ядерной проблеме в определенных рамках, которые обеспечивают его национальные интересы, добавив, что он не является ни оптимистом, ни пессимистом по этому поводу.