2022-06-21 12:32
Информагентства
Էդուարդ ՇԱՐՄԱԶԱՆՈՎ․ ԻՆՉՈ՞Ւ ՓԱՇԻՆՅԱՆԸ ՊԱՏԵՐԱԶՄԸ ՉԿԱՆԳՆԵՑՐԵՑ ԴԵՌԵՎՍ ՀՈԿՏԵՄԲԵՐԻ 19-ԻՆ
Հայաստանի իշխանությունները կարող էին պատերազմը Ղարաբաղում զգալիորեն ավելի շուտ կանգնեցնել։ Փակ հանդիպման ժամանակ Հայաստանի վարչապետ Նիկոլ Փաշինյանը հոկտեմբերի 19-ին անձամբ ինձ, և ոչ միայն ինձ, տեղեկացրել է, որ ռուսական կողմից պատերազմը կանգնեցնելու առաջարկ է ստացվել։ Այս մասին News.am-ի թղթակցի հետ զրույցում հունիսի 21-ին ասել է Հայաստանի Հանրապետական կուսակցության մամուլի քարտուղար Էդուարդ Շարմազանովը՝ մեկնաբանելով նախագահ Վահագն Խաչատուրյանի վերջերս արած հայտարարությունը, որը վերաբերում էր Ղարաբաղում պատերազմի թեմային։
Ինչպես նշել է ընդդիմադիրը, մարտական գործողությունները դադարեցնելու առաջարկ եղել է նաև իր կողմից։ Շարմազանովն իր կարծիքը հնչեցրել է առաջին փակ հանդիպման ժամանակ, որը տեղի է ունեցել հոկտեմբերի 12-ին։ «Այն ժամանակ ես նրան առաջարկեցի դիմել Ռուսաստանի Դաշնությանը՝ պատերազմը կանգնեցնելու խնդրանքով և համաձայնել ռուսական կողմի առաջարկներին։ Չէ՞ որ մարդկային և տարածքային նոր կորուստների հավանակնությունն ավելանում էր։ Նիկոլ Փաշինյանն իմ առաջարկը բացասական չի ընդունել։ Կարելի է անգամ ասել, որ դրական է պատասխանել և համաձայնել է։ Բայց խնդիրն այն է, որ մի ամբողջ շաբաթ նա ռուսներին չի դիմել... Հոկտեմբերի 19-ին նրան ուղիղ հարց են տվել. «Մենք պարտվե՞լ ենք»։ Նա ի պատասխան խոստովանել է, որ այո, սա պարտություն է։ Ասել է, որ մենք ինչ-որ կերպ իրավիճակը շտկելու հնարավորություններ չունենք։ Ուրեմն, ինչո՞ւ նա պատերազմը չկանգնեցրեց դեռևս հոկտեմբերի 19-ին։ Կարծում եմ, որ այդ մասին միայն իրեն է հայտնի։ Բազմաթիվ վարկածներ կան»,- ասել է ՀՀԿ-ի մամուլի քարտուղարը։
Գործող իշխանությունը, նրա կարծիքով, ինքնուրույն չէ։ Այդ քաղաքական թիմը, ընդդիմադրի կարծիքով, փորձում է միայն բոլորին հարմարվել։ Խոսքը խոշոր աշխարհաքաղաքական խաղացողների մասին է, ինչպիսին են ԱՄՆ-ը, ԵՄ-ը և Ռուսաստանը։
ПОСЛЕДНИЕ ОТ АВТОРА
-
2025-06-14 15:51Верховный лидер Ирана Али Хаменеи назначил Маджида Мусави командующим военно-космическими силами Корпуса стражей исламской революции Ирана, отвечающими за ракетный потенциал республики.
-
2025-06-14 15:48Иран официально уведомил Францию, Великобританию и США о том, что он начнет очень масштабные атаки против Израиля, сообщает Telegram-канал Mehr.
-
2025-06-14 15:47Азербайджан ожидает от Армении конкретных шагов по реализации Зангезурского коридора, который имеет стратегическое значение для всего региона. об этом заявил помощник президента Азербайджана Хикмет Гаджиев, выступая на панельной дискуссии «Средний коридор: новая геополитическая и экономическая линия жизни» в рамках форума GLOBSEC-2025.
-
2025-06-14 15:44Все представители Ирана, участвовавшие в переговорах с США по ядерной сделке, были убиты в ходе ударов Израиля по иранской территории. Об этом рассказал президент США Дональд Трамп в разговоре с журналисткой CNN Даной Баш.