2022-06-21 14:25
Информагентства
Սամվել ՆԻԿՈՅԱՆ․ ՆԻԿՈԼԻ ՀԵՏ ՓՈՂՈՑ ԷԻՆ ՓԱԿՈՒՄ, ՊԱՇՏՈՆ ՍՏԱՆՈՒՄ․ ՀԻՄԱ ՉԱՓՈՐՈՇԻՉՆ ԱՅԼ Է՝ ԿՐԱԿԵՍ, ԿԴԱՌՆԱՍ ՆԱԽԱՐԱՐ
«Կուզեի սա դիտարկենք ոչ թե որպես առանձին երևույթ, այլ այս չորս տարում տեղի ունեցածի տրամաբանական շարունակություն։ Ցավոք, սա վերջինը չէ։ Երբ հասարակությանը բաժանում ես շերտերի և փոխադարձ ատելություն սերմանում, մեկն ատում է մյուսին, «կրակը» վառ է պահվում, և մի օր խոսքի ատելությունը վերածվում է հրազենով գնդակահարության»,-«Հայելի» մամուլի ակումբում լրագրողների հետ հանդիպմանն այսօր անդրադառնալով օրերս Ապարանում տեղի ունեցած միջադեպին՝ հայտարարեց ՀՀ ԱԺ նախկին նախագահ, Հայաստանի հանրապետական կուսակցության գործադիր մարմնի անդամ Սամվել Նիկոյանը։
Հիշեցնենք, որ Արագածոտնի մարզում ողբերգական ավարտով միջադեպ է եղել․ զոհվել է երեք անձ, կան վիրավորներ։ Թեև իշխանական շրջանակները և իրավապահները պնդում են, թե միջադեպը կապ չունի Նիկոլ Փաշինյանին հայհոյելու հետ, մամուլն ու ընդդիմադիրները հակառակում են համոզված, որ Փաշինյանի կողմնակիցներն են հրազենով հաշվեհարդար տեսել վարչապետին հայհոյած երիտասարդների հետ։
«Լկտիացել են, պետությունը նույնացնում են իրենց հետ, իսկ փողոցային վարքագիծը ծնում է քաղաքացիական բախումներ։ Ատելությունը մինչև հիմա դուրս չէր եկել նման մակարդակի։ Սա թերևս առաջին մեծ դեպքն է, որ զոհեր կան։ Կոնկրետ իշխանական կուսակցությունն անցել է հրազենով հաշվեհարդարի, և քաղաքական հարցերը լուծում է հրազենով։ Երբ ձեռքին մուրճ էր բռնում, դա ուժի կիրառման թաքնված քարոզչություն էր։ Եթե երկրի ղեկավարն է դա անում, իր թիմակիցներն ու կուսակիցներն էլ են, չէ՞, ուզում մոտ լինեն իրեն։ Նիկոլի հետ փողոց էին փակում, պաշտոն էին ստանում։ Հիմա չափորոշիչները փոխվել են․ այսքան կրակես, կդառնաս նախարար։ Իսկ եթե բարեկամը մարզպետ է, ավելին կարող է լինել։ Պահանջարկն այլևս դա է։ Հիմա նվիրվածությունն այլ կերպ է պետք ցույց տալ»,-կարծիք հայտնեց Սամվել Նիկոյանը։
Նրա բնորոշմամբ՝ Նիկոլ Փաշինյանն իր քաղաքական պայքարի ողջ ընթացքում օգտագործել է ամբողջ «զինանոցը»․ «Եթե ընդդիմադիր էր, ապա՝ սուտ, խաբեություն, շանտաժ, վարկաբեկում։ Վերջում էլ՝ դրսում հովանավորություն փնտրելով իշխանություն ստանալ, ոստիկանական վայրագություններ, կրակոցներով զոհեր։ Փաստենք, որ ատելության խոսքի քարոզից հետո քաղաքական, քաղաքացիական պատերազմի հոտ է փչում։ Աստված դա՝ այս դեպքը վերջինը լինի։ Հրապարակային եմ ասել, որ չորս տարի մտահոգվել եմ, որ կհասնենք այս փուլին, որովհետև հասարակությանը բաժանում էին։ Ղեկավարող քաղաքական ուժի հարազատությունն արդեն ինքնաձիգերով է հարցեր լուծում։ Շատ վտանգավոր փուլ է մտել մեր հասարակությունը»։
Լուիզա ՍՈՒՔԻԱՍՅԱՆ, Aravot.am
ПОСЛЕДНИЕ ОТ АВТОРА
-
New2025-07-22 19:45Главное последствие эскалации конфликта России и Азербайджана — осознание, что Баку не тот, за кого выдавал себя, считает первый заместитель председателя Комитета Госдумы по делам СНГ Константин Затулин. Об этом депутат рассказал в беседе с «Лентой.ру».
-
New2025-07-22 19:44Заблаговременная регистрация иностранцев в мобильном приложении RuID со сдачей биометрии и заполнение в нем электронного заявления является добровольной и не послужит отказом для въезда в РФ. Об этом сообщает ТАСС со ссылкой на пресс-центр МВД России.
-
New2025-07-22 19:39Напомните, пожалуйста, этому субъекту, что она окончила юридический факультет. Фактически эта госпожа прогуляла все уроки, касающиеся институтов «презумпции невиновности» и «надлежащего доказательства». Об этом написала на своей странице в Facebook адвокат Марине Фарманян, комментируя заявление министра здравоохранения Армении Анаит Аванесян.
-
New2025-07-22 19:37Люди, которые взяли на себя управление ЭСА, не имеют опыта. Это политические лица, и они, в первую очередь, будут ставить политические шоу. Об этом заявил в беседе с корреспондентом Новости Армении – NEWS.am экономист Сурен Парсян.