2022-06-22 15:35
Информагентства
0
Հայաստանը լաբորատոր փորձադաշտ չէ. բողոքի ակցիա Երևանում (ՏԵՍԱՆՅՈՒԹ)
Ակտիվիստներն այսօր կենսալաբորատորիաների գործունեության դեմ բողոքի ակցիա անցկացրին Երևանի «Հիվանդությունների վերահսկման և կանխարգելման ազգային կենտրոնի» մոտ։
Ցուցարարներն իրենց հետ պաստառներ էին բերել, որոնց վրա գրված էր. «Հայաստանը լաբորատոր փորձադաշտ չէ», «Հանրային առողջությունը վտանգելն անթույլատրելի է»։ Մի քանիսն էլ հակագազերով էին մասնակցում ակցիային։
Բողոքի ակցիայի կազմակերպիչ, «Զարթոնք» շարժման առաջնորդ Արա Զոհրաբյանը նշեց, որ Հայաստանի տարածքում` Լոռիում, Շիրակում, Տավուշում, Գեղարքունիքում և Սյունիքում, պաշտոնապես գործում է ութ լաբորատորիա, որոնք ֆինանսավորվում են ԱՄՆ-ի պաշտպանության դեպարտամենտի կողմից։
Նրա խոսքով` դա ապացուցում է, որ այդ լաբորատորիաներում կարող են անցկացվել ռազմական տարբեր մշակումներ և փորձարկումներ, որոնք վտանգավոր են Հայաստանի և այլ երկրների համար։
Զոհրաբյանը զուգահեռներ անցկացրեց Ուկրաինայի և Վրաստանի հետ, որտեղ լաբորատորիաների գործունեությունը մեծ աղմուկ էր բարձրացրել։ Նա հիշեցրեց, որ ԱՄՆ պետքարտուղարի տեղակալ Վիկտորյա Նուլանդը ոչ միայն չէր հերքել այդ երևույթը, այլև ասել էր, որ Ուկրաինայում կան կենսաբանական հետազոտություններով զբաղվող կենտրոններ, և իրենք անհանգստացած են, որ ռուսական ուժերը կարող են վերահսկողություն ստանալ դրանց վրա։ Վրաստանում էլ 248 հիվանդների մահվան հետ կապված աղմուկ էր բարձրացել, որոնք մահացել էին հեպատիտ C-ի որոշակի բուժման գործընթաց անցնելու հետևանքով, մինչդեռ ըստ աղմուկը բարձրացնողների` այդ մարդկանց նկատմամբ Վրաստանում գտնվող նման կենսալաբորատորիաների կողմից հետազոտություններ են անցկացվել:
Զոհրաբյանը հայտարարեց, որ ակցիայի մասնակիցները պահանջում են թափանցիկ և հաշվետու հետաքննություն սկսել:
«Պետք է թափանցիկ հետաքննություն անցկացվի՝ ներգրավելով բոլոր շահագրգիռ պետություններին, այդ թվում՝ ԱՄՆ-ի ներկայացուցչին։ Հայ հասարակությունը պետք է պատասխան ստանա հետևյալ հարցերին` արդյոք կենսաբանական զենքի համար նյութեր մշակվե՞լ են, թե ոչ, եղե՞լ է արդյոք մշակումների փոխանցում այլ երկրներին»,- ասաց նա։
Ակցիան ավարտվեց փոքրիկ բեմականացմամբ։ Հիվանդությունների վերահսկման և կանխարգելման ազգային կենտրոնի շենքի դիմաց ՀՀ առողջապահության նախարար Անահիտ Ավանեսյանի և միլիոնատեր Բիլ Գեյթսի դիմակներով քաղաքացիներ հայտնվեցին։ Հետո նրանք Նիկոլ Փաշինյան և Ջորջ Սորոս «դարձան»։ Կազմակերպիչների խոսքով` Փաշինյանն ու Սորոսը բանակցում և ֆինանսավորում են այդ ծրագրերը, իսկ Ավանեսյանն ու Գեյթսն իրականացնում են դրանք։
Ակցիայի ավարտին «Փաշինյանը» թռավ «Սորոսի» գիրկը և հայտարարեց. «Խոնարհվում եմ ձեր առաջ, համբուրում եմ ձեր ձեռքերը»։
Sputnik Արմենիա
ПОСЛЕДНИЕ ОТ АВТОРА
-
New2024-04-20 09:02Комиссия Армении по вопросам демаркации и безопасности государственной границы между Арменией и Азербайджаном, от имени которой сделано заявление о наступлении азербайджанских вооруженных сил в Тавушскую область и односторонней уступке территорий, не имеет полномочий обсуждать подобные вопросы. Об этом на своей странице в Facebook написал бывший омбудсмен Армении Арман Татоян.
-
2024-04-19 19:27Причина нынешней хрупкости безопасности и угрожающей риторики связана с дисбалансом сил в регионе. Мы твердо убеждены, что в регионе Южного Кавказа должен быть установлен баланс сил. Об этом во время международного экспертного форума «Воротан» 19 апреля заявил Чрезвычайный и полномочный посол Ирана в Армении Мехди Собхани.
-
2024-04-19 19:13Опубликованный азербайджанскими СМИ документ касательно трехсторонней встречи Армения-ЕС-США в Брюсселе 5 апреля не имеет ничего общего с реальностью, заявил спикер Службы внешних связей и политики безопасности ЕС Питер Стано.
-
2024-04-19 19:10Начавшийся несколько дней назад процесс вывода российских миротворческих войск с оккупированной Азербайджаном территории Арцаха вызывает тревогу 150 000 арцахцев, которые несколько месяцев назад под реальной угрозой геноцида были вынуждены покинуть свою Родину. Об этом говорится в заявлении, распространенном тремя фракциями парламента Арцаха.
