Последние новости

Ռայիսի․ Թեհրանը և Մոսկվան դեմ են կասպյան տարածաշրջանում օտարերկրյա ռազմական ներկայությանը

Թեհրանը և Մոսկվան դեմ են կասպյան տարածաշրջանում օտարերկրյա ռազմական ներկայությանը։ Այս մասին Թեհրանում ՌԴ արտգործնախարար Սերգեյ Լավրովի հետ հանդիպման ժամանակ ասել է Իրանի նախագահ Էբրահիմ Ռայիսին, գրում է Mehr-ը։

Չորեքշաբթի երեկոյան Իրանի նախագահը հանդիպում է ունեցել Լավրովի հետ, որի ժամանակ ընթացող խորհրդակցություններն ու բանակցություններն անվանել է նոր դարաշրջան բացելու երկու երկրների լուրջ ցանկության նշան։

Լավրովը հակիճ ներկայացրել է Ուկրաինայի ներկայիս իրավիճակը։ Իր հերթին, Իրանի նախագահը ընդգծել է պատերազմի շուտափույթ դադարեցման կարևորությունը և Իրանի Իսլամական Հանրապետության պատրաստակամությունը՝ օգնելու դիվանագիտական ​​լուծում գտնելու հարցում։

«Կասկած չկա, որ ԱՄՆ-ի և ՆԱՏՕ-ի սադրանքներն ընկած են այս հակամարտությունների հիմքում»,-ասել է Ռայիսին։

Բացի այդ, Իրանի նախագահն ընդգծել է նաև «աշխարհի այլ տարածաշրջաններում՝ Արևմտյան Ասիայում, Կովկասում և Կենտրոնական Ասիայում ՆԱՏՕ-ի էքսպանսիոնիստական ​​քաղաքականությանը հակադրվելու անհրաժեշտությունը»։

Նրա խոսքով՝ Թեհրանը և Մոսկվան դեմ են կասպյան տարածաշրջանում օտարերկրյա ռազմական ներկայությանը։

News.am

    ПОСЛЕДНИЕ ОТ АВТОРА






    ПОСЛЕДНЕЕ ПО ТЕМЕ