2022-06-27 15:03
Информагентства
ԱԺ-ն արտահերթ նիստ է գումարել. ինչո՞ւ Գագիկ Ջհանգիրյանը խորհրդարան չի եկել
Ազգային ժողովն այսօր արտահերթ նիստ է հրավիրել։ Այս մասին հայտնի դարձավ նիստից բառացիորեն 1 ժամ առաջ, քանի որ ԱԺ խորհուրդը ժամը 11։00-ին գումարվող արտահերթ նիստի մասին որոշումն ընդունել է այսօր` 10։00-ին։
Ի դեպ, անհրաժեշտ քանակով պատգամավորների ներկայությունը նիստին հնարավոր եղավ ապահովել միայն 3-րդ անգամից։
Քվորումի համար անհրաժեշտ նվազագույնը 54 պատգամավորի փոխարեն նիստի մեկնարկին գրանցվեցին ընդամենը 45-ը։ Նիստը վարող ԱԺ նախագահի տեղակալ Հակոբ Արշակյանը դա բացատրեց տեխնիկական խնդիրներով։
Գրանցման երկրորդ փորձը ևս անհաջող էր` 52 պատգամավոր, ինչից հետո Արշակյանը գործընկերներին հորդորեց զբաղեցնել տեղերն ու նորից նախապատրաստվել գրանցման։
Երրորդ անգամ արդեն գրանցվեց 64 պատգամավոր։ Քվորումն ապահովվեց, ու նիստը մեկնարկեց։
Նշենք, որ նիստի օրակարգում 6 հարց է, բոլորը վերաբերում են Վճռաբեկ դատարանի տարբեր պալատների դատավորների ընտրությանը։
Ըստ նիստի օրակարգի` նախատեսված էր, որ բոլոր 6 հարցերի հիմնական զեկուցողը պետք է լինի ԲԴԽ նախագահի պաշտոնակատար Գագիկ Ջհանգիրյանը։ Բայց նա նիստին ներկա չէ, ուստի դատավորների թեկնածուներին ներկայացրեց Բարձրագույն դատական խորհրդի անդամ Դավիթ Խաչատուրյանը։
«Դատական բարեփոխումներ իրականացնելու շրջանակում ՀՀ Դատական օրենսգրքում փոփոխություններ իրականացնելու արդյունքում դեռևս նախորդ տարի ավելացվել է Վճռաբեկ դատարանի պալատների թիվը, և, ըստ այդմ, այդ պալատներում թափուր պաշտոններում դատավորների նշանակման անհրաժեշտություն է առաջացել»,– ասաց Խաչատուրյանը։
Պատասխանելով Ջհանգիրյանի բացակայության մասին պատգամավորներից մեկի հարցին` նա ասաց, որ դա կապված է առողջության հետ։
«Պարոն Ջհանգիրյանը վիրահատության է ենթարկվելու, առողջական խնդիրների պատճառով ես եմ իրեն փոխարինելու», - ավելացրեց Խաչատուրյանը։
Նշենք, որ Վճռաբեկ դատարանի վարչական պալատի դատավորի թափուր տեղի համար Բարձրագույն դատական խորհուրդն առաջադրել է Հրաչ Այվազյանի, Արտակ Զեյնալյանի և Լիանա Հակոբյանի թեկնածությունները: Վճռաբեկ դատարանի վարչական պալատի դատավորի թափուր տեղի համար առաջադրել է Արթուր Առաքելյանի, Արա Բաբայանի և Արծրուն Միրզոյանի թեկնածությունները:
Վճռաբեկ դատարանի վարչական պալատի դատավորի թափուր տեղի համար առաջադրել է նաև Հակոբ Գրիգորյանի, Քրիստինե Մկոյանի և Արթուր Պողոսյանի թեկնածությունները:
Վճռաբեկ դատարանի հակակոռուպցիոն պալատի քաղաքացիական գործերի քննության դատական կազմի դատավորի 3 թափուր տեղի համար առաջադրել է հետևյալ 9 թեկնածուներին` Լիզա Գրիգորյան, Կարեն Թումանյան, Լիպարիտ Մելիքջանյան, Արթուր Դավթյան, Նաիրա Հովսեփյան, Աղասի Մկոյան, Լուսինե Ավագյան, Գևորգ Գյոզալյան և Վահե Ռաֆայելյան։
Դատավորների թեկնածուների յուրաքանչյուր եռյակից խորհրդարանը պետք է ընտրի մեկական թեկնածու։
Հավելենք, որ ընդդիմադիր երկու խմբակցությունները ԱԺ արտահերթ նիստին ներկա չեն, տեղեկացնում է Sputnik Արմենիա-ն։
ПОСЛЕДНИЕ ОТ АВТОРА
-
New2025-06-09 11:17Католикос Всех армян Гарегин II отправился в Объединенные Арабские Эмираты, сообщает канцелярия Первопрестольного Эчмиадзина.
-
New2025-06-09 11:15Во время инсценированного судебного процесса (над пленным руководством Нагорно-Карабахской Республики) в Азербайджане произошел примечательный эпизод с участием Давида Ишханяна. Об этом на своей странице в Facebook написал секретарь фракции НС «Честь имею» Тигран Абрамян.
-
New2025-06-09 11:15Известная шведская активистка в области экологии Грета Тунберг выступила с обвинениями против властей Израиля, утверждая, что была похищена. Заявление было сделано в видеоролике, опубликованном организацией «Флотилия свободы» (The Freedom Flotilla Coalition) в социальной сети X.
-
New2025-06-09 11:13Губернаторы-демократы 22 американских штатов подвергли критике решение президента США Дональда Трампа направить бойцов Национальной гвардии Калифорнии для подавления протестов в Лос-Анджелесе.