ԵՄ էներգետիկայի նախարարները համաձայնեցրել են էներգախնայողության մասին օրենքները

ԵՄ էներգետիկայի նախարարները համաձայնեցրել են էներգախնայողության և վերականգնվող էներգիայի խթանման օրենքները, ինչը Բրյուսելի կողմից առաջարկված բարեփոխումների փաթեթի մաս է կազմում այս տասնամյակում ջերմոցային գազերի արտանետումների կտրուկ կրճատման միջոցով կլիմայի փոփոխության դեմ պայքարի համար:

Կլիմայի փոփոխության վերաբերյալ առաջարկների մասին ավելի մանրամասն տեղեկատվությունը կքննարկվի երեքշաբթի նախատեսված բանակցություններում, ընդ որում, որոշ դիվանագետներ մտահոգված են, որ մինչև 2035 թ. բենզինային և դիզելային մեքենաների արգելման առաջարկները, ի վերջո, կարող են մեղմացվել, գրում է Reuters-ը:

ԵՄ էներգետիկայի նախարարները պետք է նաև ավելի վաղ ծրագրված բանակցություններն օգտագործեին գազի կարճաժամկետ պահանջարկի կոլեկտիվ կրճատման տարբերակները քննարկելու համար՝ Ռուսաստանից մատակարարումների հնարավոր հետագա կրճատումները հաղթահարելու համար: Եվրահանձնաժողովը պատրաստվում է պլանը ներկայացնել հաջորդ ամիս՝ ուկրաինական պատերազմի ֆոնին մատակարարումների հետագա կրճատմանը նախապատրաստվելու քայլերի համակարգման համար:

Նախարարները փորձում են համաձայնեցնել ընդհանուր դիրքերը առաջարկվող օրենքների շուրջ՝ մինչև 2030 թ. 1990 թ. մակարդակից համեմատ արտանետումների 55 տոկոսով կրճատման նպատակին, ընդ որում, համաշխարհային էներգետիկ ճգնաժամը որոշ երկրներին ստիպում է ավելի զգուշորեն վերաբերվել բարեփոխումների հնարավոր ձախողմանը:

Անցյալ ամիս Բրյուսելն նույնիսկ ավելի բարձր թիրախներ էր առաջարկել, որոնք, ինչպես սպասվում է, նախարարները կքննարկեն այս տարվա վերջին, երբ կքննարկեն վերջնական օրենքները ԵՄ խորհրդարանի հետ:

Բրյուսելն ասում է, որ այս տարվա էներգամատակարարման ճգնաժամը, որն առաջացել է ուկրաինական պատերազմի հետևանքով, նշանակում է, որ ԵՄ 27 երկրները պետք է ավելի արագ շարժվեն՝ հանածո վառելիքից հրաժարվելու համար: Սակայն էներգակիրների գների աճի պատճառով տնտեսական անկման սպառնալիքը որոշ երկրներին ստիպել է ավելի զգուշորեն վերաբերվել փոփոխություններին, որոնք կարող են ազդել ներքին արդյունաբերության վրա:

News.am