Տիմոֆեյ Բորդաչյով. Ռուսաստանին և Հայաստանին կապում է աշխարհի ամենասերտ հարաբերություններից մեկը

Մեր երկրներին կապում է աշխարհում գոյություն ունեցող ամենասերտ հարաբերություններից մեկը։ Դրանք քաղաքական, ռազմաքաղաքական, տնտեսական, ամենակարևորը՝ մարդկային հարաբերություններ են։ Այս մասին այսօր՝ հուլիսի 2-ին, Երևանում «Ռուսաստանի և Արևմուտքի կոնֆլիկտն Ուկրաինայում» թեմայով քննարկման ժամանակ ասաց «Վալդայ» միջազգային բանավեճային ակումբի տնօրեն Տիմոֆեյ Բորդաչյովը։

Ռուս փորձագետի խոսքով՝ Հայաստանի ներկայությունը Ռուսաստանում, Ռուսաստանի ներկայությունը Հայաստանում ամենաէականն է այն երկկողմ ներկայություններից, որոնք գոյություն ունեն եվրասիական տարածքում:

«Իհարկե, մենք դա հասկանում ենք, գնահատում ենք, գիտենք դա՝ որպես անփոփոխ գործոն հարաբերություններում, այդ թվում՝ Ռուսաստանի և Հայաստանի Հանրապետության միջև։ Դա մեզ թույլ է տալիս բավականին հանգիստ և առանց ավելորդ էմոցիոնալության վերաբերվել այն հարցերին, որոնք մենք քննարկում ենք, հարցերին, որոնց շուրջ մեր տեսակետները կարող են տարբեր լինել, քանի որ մենք հասկանում ենք, որ այդ հարցերը մեր չափազանց բարեկամական դաշնակցային, եղբայրական հարաբերությունների մաս են կազմում։ Նման հարաբերությունների շրջանակներում կարելի է ցանկացած սյուժե քննարկել, ցանկացած խնդիր լուծել, և մենք կարող ենք առաջ շարժվել, քանի որ մեր հարաբերությունները, ի վերջո, զորանոցներ չեն։ Մենք ՆԱՏՕ-ն չենք, մենք Արևմուտք չենք, որտեղ կա մի պետություն, որը բոլորին հրահանգներ և հրամաններ է տալիս։ Մեր իսկապես ընկերական, ընտանեկան հարաբերություններ ունենք, որոնցում կարող են տարբեր տեսակետներ լինել, բայց արժեքը կայանում է նրանում, որ մենք չենք փոխում մեր փոխգործակցության ընդհանուր բնույթը, երբ քննարկում ենք այս բոլոր հարցերն ու սյուժեները», - նշել է Տիմոֆեյ Բորդաչյովը:

News.am