2022-07-05 10:11
Информагентства
Ռուբինյան․ Տրամաբանական կլինի` Թուրքիայի հետ պայմանավորվածություններն իրագործվեն այս ամառ
Տրամաբանական կլինի, որ Թուրքիայի հետ պայմանավորվածություններն իրագործվեն այս ամառվա ընթացքում։ Այս մասին Հանրային հեռուստաընկերության եթերում հայտարարել է Հայաստան-Թուրքիա հարաբերությունների կարգավորման գործընթացում Հայաստանի հատուկ ներկայացուցիչ Ռուբեն Ռուբինյանը։
Նշենք, որ հուլիսի 1-ին Վիեննայում տեղի ունեցավ Հայաստանի և Թուրքիայի հատուկ ներկայացուցիչների` ՀՀ Ազգային ժողովի փոխնախագահ Ռուբեն Ռուբինյանի և դեսպան Սերդար Քըլըչի չորրորդ հանդիպումը։ Կողմերը պայմանավորվել են հնարավոր ամենասեղմ ժամկետներում Հայաստան-Թուրքիա ցամաքային սահմանը հատելու հնարավորություն ապահովել համապատասխանաբար Հայաստան և Թուրքիա այցելող երրորդ երկրների քաղաքացիների համար։ Կողմերը պայմանավորվել են նաև հնարավորինս շուտ Հայաստանի և Թուրքիայի միջև օդային բեռնափոխադրումներ իրականացնել։
Անդրադառնալով Հայաստան-Թուրքիա ցամաքային սահմանը հատելու հնարավորությանը, Ռուբինյանը նշեց, որ կան բազմաթիվ տեխնիկական հարցեր, բայց փաստ է, որ հանդիպման ընթացքում կայացրել են քաղաքական որոշում։
«Կա քաղաքական պայմանավորվածություն, այսինքն` սահմանը պետք է հատելի դառնա երրորդ երկրների քաղաքացիների համար։ Տեխնիկական դետալները պետք է աշխատանքային կարգով համաձայնեցվեն երկու երկրների համապատասխան գերատեսչությունների միջոցով, այսինքն` հատման վայրը, ռեժիմը և այլն։ Կոնկրետ օր ֆիքսված չէ, բայց շատ կարևոր է, որ այս սեղմ ժամկետը լինի իրապես սեղմ։ Տրամաբանական կլինի, որ պայմանավորվածություններն իրագործվեն այս ամառվա ընթացքում»,- ասաց Ռուբինյանը։
Նշենք, որ Թուրքիայի արտգործնախարար Մևլութ Չավուշօղլուն, մեկնաբանելով Վիեննայում Հայաստանի և Թուրքիայի հատուկ ներկայացուցիչների բանակցությունների վերջին փուլը, հայտարարել էր, որ Թուրքիան մտադիր է շարունակել Հայաստանի հետ հարաբերությունների կարգավորման գործընթացը։
Sputnik Արմենիա
ПОСЛЕДНИЕ ОТ АВТОРА
-
2025-04-20 09:46«И если Христос не воскрес, то и проповедь наша тщетна, тщетна и вера ваша» (1 Коринфянам 15:14).
-
2025-04-20 09:44Чудо схождения Благодатного огня происходит накануне праздника Воскресения Христова по юлианскому календарю. В этом году все христианские конфессии отметят Пасху одновременно, ее дата совпадала для всех ветвей христианства.
-
2025-04-20 09:44Утро Великой Субботы начинается с того, что первой к храму Гроба Господня начинает двигаться армянская процессия с ключом от ворот.
-
2025-04-19 15:21COVID-19 возник в результате утечки из китайской лаборатории в Ухане. Об этом, как пишут Ведомости, сообщается на сайте Белого дома.