2022-07-06 17:19
Информагентства
Պապիկյան․ ԶՈւ-ն պետք է ենթարկվի նախարարին և գերագույն հրամանատարին
ՀՀ ԶՈւ կառավարման փոփոխություններին վերաբերող օրենսդրական փաթեթի ընդունմամբ ՀՀ ՊՆ–ում ու ՀՀ ԶՈւ–ում էականորեն փոխվելու է կառավարման ուղղահայացը։
Այսօր ԱԺ արտահերթ նիստում «Պաշտպանության մասին» օրենքում և հարակից օրենքներում փոփոխությունների ու լրացումների նախագծերի փաթեթի քննարկման ժամանակ ասաց ՀՀ պաշտպանության նախարար Սուրեն Պապիկյանը։
«Մենք դառը փորձ ունենք, կյանքը մեզ ցույց է տվել, որ շատ հարցերում թերացումների պատճառով մենք մեր խնդիրները չենք կարողացել լուծել։ Խնդիրն ամենևին անձերի մեջ չէ, խնդիրը համակարգային է»,– ասաց Պապիկյանը։
Պաշպանության նախարարը նաև անդրադարձավ այն քննադատություններին, թե առաջարկվող փոփոխություններով իշխանությունը փորձում է ԶՈւ–ը ենթարկել ՊՆ–ին։
«Դա փորձ չէ, շատ հստակ քայլ է։ Այո՛, ԶՈւ–ը պետք է ենթարկվի նախարարին ու գերագույն հրամանատարին։ Որպեսզի տարընթերցումներ ու այլ հարցեր չառաջանան, ես շատ հստակ եմ ասում` այո՛, իշխանությունը, որը ժողովուրդը տվել է մեզ, մեզ իրավունք է վերապահում իրացնել ամբողջությամբ, և մենք պատրաստվում ենք մեր իշխանությունն իրացնել ամբողջությամբ»,– ասաց Պապիկյանը։
Նախարարն ափսոսանք հայտնեց, որ նախագծերի փաթեթի քննարկումն ԱԺ–ում անցնում է առանց ընդդիմության, քանի որ, նրա խոսքով, ընդդիմադիրներից շատերն ունեն ԶՈւ–ում ծառայության ու կառավարման փորձ։
«Ես այն մարդը չեմ, որ այդ գիտելիքներն ու օբյեկտիվ առաջարկները կարող է մերժել։ Բայց այդպիսիք չեն հնչել։ Պատատակերին ու թաքուն քննադատությունները ես չեմ ընդունելու նույնիսկ ի գիտություն»,– ասաց նա։
Կառավարության առաջարկած փոփոխությունների նախագծով առաջարկվում է բանակի կառավարման նոր մոդել, որով մասնավորապես նախատեսվում է, որ ՀՀ ԶՈւ ԳՇ պետը պետք է լինի ՀՀ պաշտպանության նախարարի առաջին տեղակալը։
Հունիսի 6-ին Հանրային հեռուստաընկերությանը տված հարցազրույցում ՀՀ պաշտպանության նախարար Սուրեն Պապիկյանը հայտարարել էր, որ ՀՀ ԶՈւ ԳՇ պետ կնշանակվի միայն ՊՆ–ում կառուցվածքային փոփոխություններ անելուց հետո։
Հիշեցնենք, որ 2022թ–ի փետրվարի 24-ից ՀՀ ԶՈւ ԳՇ պետի պաշտոնը մնում է թափուր։ Այդ օրը Արտակ Դավթյանն արդեն երկրորդ անգամ ազատվել էր ԳՇ պետի պաշտոնից։ Նա այդ պաշտոնում նշանակվել էր 2021-ի մարտի 22-ին՝ փոխարինելով Օնիկ Գասպարյանին։ Իսկ մինչ այդ Դավթյանը ԳՇ պետի պաշտոնը զբաղեցրել էր նաև 2018-ի մայիսից մինչև 2020-ի հունիսն ընկած ժամանակահատվածում։
Sputnik Արմենիա
ПОСЛЕДНИЕ ОТ АВТОРА
-
New2025-07-22 19:45Главное последствие эскалации конфликта России и Азербайджана — осознание, что Баку не тот, за кого выдавал себя, считает первый заместитель председателя Комитета Госдумы по делам СНГ Константин Затулин. Об этом депутат рассказал в беседе с «Лентой.ру».
-
New2025-07-22 19:44Заблаговременная регистрация иностранцев в мобильном приложении RuID со сдачей биометрии и заполнение в нем электронного заявления является добровольной и не послужит отказом для въезда в РФ. Об этом сообщает ТАСС со ссылкой на пресс-центр МВД России.
-
New2025-07-22 19:39Напомните, пожалуйста, этому субъекту, что она окончила юридический факультет. Фактически эта госпожа прогуляла все уроки, касающиеся институтов «презумпции невиновности» и «надлежащего доказательства». Об этом написала на своей странице в Facebook адвокат Марине Фарманян, комментируя заявление министра здравоохранения Армении Анаит Аванесян.
-
New2025-07-22 19:37Люди, которые взяли на себя управление ЭСА, не имеют опыта. Это политические лица, и они, в первую очередь, будут ставить политические шоу. Об этом заявил в беседе с корреспондентом Новости Армении – NEWS.am экономист Сурен Парсян.