Թուրքական «Գորշ գայլերը» հայտարարել են, որ Կրետեն «Թուրքիայի անբաժան մասն է»

Թուրք ազգայնականները, որոնք հայտնի են որպես «Գորշ գայլեր», հունական կղզիների նկատմամբ հավակնություններով քարտեզի հրապարակումից հետո Twitter-ի իրենց միկրոբլոգում հայտարարել են, որ Կրետեն «Թուրքիայի անբաժանելի մասն է», գրում է «ՌԻԱ Նովոստին»։

Թուրքիայի նախագահական կոալիցիոն գործընկեր, «Ազգայնական շարժում» կուսակցության առաջնորդ Դևլեթ Բահչելին շաբաթ օրը այցելել է «Գորշ գայլերի» շտաբ և լուսանկարվել քարտեզի կողքին, որտեղ երևում է, որ Էգեյան ծովի և Կրետեի կեսը Թուրքիային են պատկանում:

Հունաստանի դիվանագիտական աղբյուրները դատապարտել են Բահչելիի կողմից քարտեզի ցուցադրումը, որը կասկածի տակ է դնում Հունաստանի ինքնիշխանությունը Էգեյան ծովի կղզիների և Կրետեի նկատմամբ՝ ասելով, որ «սա Թուրքիայի կողմից ծայրահեղ հռետորաբանության սրման մի մասն է»: Հունաստանի վարչապետ Կիրիակոս Միցոտակիսն ասել է, որ ակնկալում է, որ Թուրքիայի նախագահ Թայիփ Էդողանից «հստակ դիրքորոշում» է սպասում կոալիցիոն կրտսեր գործընկերոջ արարքի վերաբերյալ և արդյոք Հունաստանի կղզիների նկատմամբ տարածքային պահանջները Թուրքիայի պաշտոնական քաղաքականությունն են:

«Գորշ գայլերը» հունարենով ութ թվիթ են հրապարակել, որոնցում գրել են, որ քարտեզի վրա նշված են սահմանները և նշված են կղզիները, «որտեղ հարյուրավոր տարիներ ծածանվել է թուրքական փառահեղ դրոշը», և որոնք անօրինական կերպով յուրացվել են Հունաստանի կողմից»: Ազգայնականներն ասում են, որ 152 կղզիներ չեն հանձնվել Հունաստանին՝ Լոզանի և Փարիզի պայմանագրերի համապատասխան։

«Կրետե կղզին, որը Հունաստանի կողմից օկուպացված էր Առաջին համաշխարհային պատերազմից առաջ կատարված փաստի քաղաքականության շրջանակներում և գերության մեջ էր գտնվում հունական պետության սահմաններում, ... թուրքական հայրենիքի և Կապույտ հայրենիքի անբաժանելի մասն է: Կրետեն այն կղզիներից մեկն է, որի իրավական կարգավիճակը մնում է անորոշ, անարդարացի ձեռքբերում է Հունաստանի կողմից փաստացի իրավիճակի ստեղծման արդյունքում»,- ասել են ազգայնականները։

News.am