2022-07-18 09:26
Информагентства
Դարչիաշվիլի․ Երևանը և Բաքուն կոնկրետ արդյունքների չեն հասել
Հայաստանի և Ադրբեջանի արտգործնախարարների միջև բանակցությունները չեն ավարտվել կոնկրետ արդյունքներով, սակայն երկու երկրների ներկայացուցիչների միջև ուղղակի երկխոսության նախադեպ է ստեղծվել: Նման կարծիք է հայտնել Վրաստանի արտաքին գործերի նախարար Իլյա Դարչիաշվիլին «Պիրվելի արխի» (Առաջին ալիք) հեռուստաալիքին տված հարցազրույցում։
«Միջազգային բանակցությունները միշտ չէ, որ մեկ փուլով կոնկրետ արդյունքներ են արձանագրում։ Այս դեպքն այդպիսին է»,- ասել է Դարչիաշվիլին։
Նրա խոսքով՝ երկու երկրների արտգործնախարարները քննարկել են իրենց հուզող հարցերը։ Դարչիաշիվլին նշել է, որ ամուր հիմք է ստեղծվել այդ ձևաչափով բանակցությունները շարունակելու համար՝ սերտ համակարգման միջոցով: Վրաստանի ԱԳՆ-ն հույս ունի, որ կողմերը կկարողանան լուծել հարցերը և պայմանավորվածություններ ձեռք բերել։
Դարչիաշվիլին նշել է, որ Թբիլիսին պատրաստ է ապագայում ևս նման հանդիպում կազմակերպել իր տարածքում և աջակցություն ցուցաբերել կոնկրետ հարցով:
«Մենք չենք խոսել ապագա հանդիպումների ժամկետների մասին։ Եթե անհրաժեշտություն առաջանա, որ նրանք ապագայում մեր երկիր ժամանեն ցանկացած ձևաչափով բանակցությունների համար, մեր կառավարությունը պատրաստ է ընդունել և աջակցել»,- ասել է նա։
Վրաստանի համար պատմական օր է նախարարն անվանել Թբիլիսիում կայացած հանդիպումը։ Նրա խոսքով՝ դա իրենց երկրի նկատմամբ Հայաստանի և Ադրբեջանի վստահության մակարդակի ցուցիչ է։
Դարչիաշվիլին նշել է, որ Վրաստանի իշխանությունն ուրախ է, որ կարողացել է իրականացնել այս բացառիկ գործառույթը և վստահ է, որ այս երկխոսությունը ամուր հիմք է ստեղծում ապագայում բանակցությունները շարունակելու համար:
«Նպատակն այն է, որ մեր հարևան երկրներն այդ բանակցությունների արդյունքում կոնկրետ արդյունքների հասնեն։ Որ մենք բոլորս համատեղ համակարգման և շատ սերտ շփման միջոցով կարողանանք ամրապնդել խաղաղությունն ու անվտանգությունը տարածաշրջանում»,- ասել է նախարարը։
Ինչ վերաբերում է Վրաստանի վարչապետ Իրակլի Ղարիբաշվիլիի հետ արտաքին քաղաքական գերատեսչությունների ղեկավարների առանձնազրույցին, Դարչիաշիվիլին նշել է, որ կողմերը քննարկել են երկու երկրների միջև առկա դինամիկ համագործակցությունը, սերտ երկխոսությունն ու համակեցությունը, որն այսօր առանձնահատուկ նշանակություն ունի ընդհանուր մարտահրավերների համապատկերում:
Ղարիբաշվիլին ուշադրություն է հրավիրել այն բանի վրա, թե ինչպես հասնել ընդհանուր համագործակցության՝ տարածաշրջանում խաղաղության ու կայունության հաստատման համար:
Կողմերը չեն քննարկել և չեն որոշել նշված ձևաչափով հաջորդ հանդիպման օրը:
Ինչպես արդեն հայտնել ենք, հուլիսի 16-ին Թբիլիսիում կայացել է Հայաստանի և Ադրբեջանի արտաքին գործերի նախարարներ Արարատ Միրզոյանի և Ջեյհուն Բայրամովի առաջին երկկողմ հանդիպումը:
Հանդիպումը տևել է մոտ երեք ժամ։ Կողմերն անդրադարձել են բազմաթիվ հարցերի, որոնք վերաբերում են Հայաստանի ու Ադրբեջանի միջև հարաբերությունների կարգավորմանը։ Քննարկվել է նախկինում ստանձնած պարտավորությունների կատարման ընթացքը և մտքեր են փոխանակվել հետագա հնարավոր քայլերի շուրջ։
Sputnik Արմենիա
ПОСЛЕДНИЕ ОТ АВТОРА
-
New2025-07-22 19:45Главное последствие эскалации конфликта России и Азербайджана — осознание, что Баку не тот, за кого выдавал себя, считает первый заместитель председателя Комитета Госдумы по делам СНГ Константин Затулин. Об этом депутат рассказал в беседе с «Лентой.ру».
-
New2025-07-22 19:44Заблаговременная регистрация иностранцев в мобильном приложении RuID со сдачей биометрии и заполнение в нем электронного заявления является добровольной и не послужит отказом для въезда в РФ. Об этом сообщает ТАСС со ссылкой на пресс-центр МВД России.
-
New2025-07-22 19:39Напомните, пожалуйста, этому субъекту, что она окончила юридический факультет. Фактически эта госпожа прогуляла все уроки, касающиеся институтов «презумпции невиновности» и «надлежащего доказательства». Об этом написала на своей странице в Facebook адвокат Марине Фарманян, комментируя заявление министра здравоохранения Армении Анаит Аванесян.
-
New2025-07-22 19:37Люди, которые взяли на себя управление ЭСА, не имеют опыта. Это политические лица, и они, в первую очередь, будут ставить политические шоу. Об этом заявил в беседе с корреспондентом Новости Армении – NEWS.am экономист Сурен Парсян.