Բողոքի ակցիան հասավ կառավարության շենք (ՏԵՍԱՆՅՈՒԹ)

Հայաստանում ՄԱԿ-ի գրասենյակի դիմաց ի պաշտպանություն ապօրինի ձերբակալված բոլոր քաղբանտարկյալների բողոքի ակցիայի մասնակիցները քաղբանտարկյալներին վերաբերող պաստառները թողեցին ՄԱԿ-ի գրասենյակի դիմաց, իսկ իրենք երթով շարժվեցին դեպի կառավարության շնք՝ ակցիան շարունակելու այնտեղ:

Պաստառների վրա գրված էին. «Քաղաքական հայացնքները դատավճիռ չեն», «Ազատություն» քաղբանտարկյալներին», «Բանտը Նիկոլի տեղն է», «Բանտը դավաճան Նիկոլին» և այլն:

Կառավարության շենքի մոտ մեծ թվով ոստիկաններ էին կանգնած:

ԱԺ «Հայաստան» խմբակցության պտգամավոր Գեղամ Մանուկյանը իր խոսքում նշեց, որ իրենց պահանջն է, որ ՄԱԿ-ը իր հտակ դիրքորոշումն արտահայտի ՀՀ-ում քաղաքական հետապնդումների նկատմամբ, որպեսզի այս իշխնությունը չկարողանա ամեն անգամ հպարտանալ, արդարանալ, թե իրենց վրա միջազգային որևէ ճնշում չկա:

«Նիկոլի կառավարման 4 տարիները Հայաստանում բերել է արդյուն, արցունք, հազարավոր մահեր»,-ասաց նա:

Իր հերթին ՀՀԿ անդամ Հայկ Դերզյանը իր ելույթում նշեց, որ այս 4 տարիներին համատարած թանկացումների ֆոնին էժանացել է մարդը, նրա արժանապատվությունը, կյանքին. «Մենք ունենք բազմաթիվ դեպքեր, երբ մարդկանց բերման ենթարկելիս նսեմացնում են, ստորացնում, մասկի շոուների համար կզած տանում են տարբեր շենքեր: Մենք եկել ենք, որ վերականգնենք Սահմանադրության այն կետը, որ մարդը բարձրագույն արժեք է: Մենք ականատես ենք, որ այս իշխանության առջև չկզելու համար տարբեր մարդկանց նկատմամբ կիրառվել են տարբեր խոշտանգումներ: Սա պետություն է, ոչ թե նիկոլապետություն, կապիտռուլյանտապետություն, թրքապետություն: Հայաստանում տենց ուժեղ տղա չկա, տենց ուժեղ իշխանություն չկա, ում չկարողանան հեռացնել»,-ասաց նա:

News.am