2022-07-19 18:31
Информагентства
Սեյրան Օհանյան․ Արցախի Պաշտպանության բանակին այլընտրանք գոյություն չունի
Ակնհայտ է, որ Արցախի և ՀՀ-ի անվտանգային միջավայրը շատ փխրուն է, և Արցախի անվտանգությունն ու ինքնորոշման ամբողջ գաղափարը անորոշության մեջ են: Արցախի անվտանգության ապահովման համար առաջինը Հայաստանը պետք է անվտանգության երաշխավոր հանդիսանա։ Այդ առումով, երբ ՀՀ իշխանավորները խոսում են Արցախի պաշտպանության բանակի ապագայի մասին, պետք է ցույց տան, թե ո՞րն է ելքը, ինչպե՞ս են ապահովվելու Արցախի ժողովրդի անվտանգությունը, 24news.am-ի հետ զրույցում ասել է ՀՀ պաշտպանության նախկին նախարար, ԱԺ «Հայաստան» խմբակցության ղեկավար Սեյրան Օհանյանը:
Հիշեցնենք՝ ՀՀ ԱԽ քարտուղար Արմեն Գրիգորյանը հայտարարել էր, թե Արցախի Հանրապետությունում Հայաստանից զորակոչված ժամկետային զինծառայողներ չեն լինի, սակայն Լեռնային Ղարաբաղում կշարունակեն զորակոչը՝ պաշտպանության բանակում ծառայելու համար:
Սեյրան Օհանյանի խոսքով՝ նոյեմբերի 9-ի ստորագրված փաստաթղթում նշված է, որ հայկական զորքերը պետք է դուրս բերվեն Արցախից, բայց միջազգային հանրությունը և մեր հայրենակիցները պետք է իմանան, որ Արցախյան առաջին պատերազմի ժամանակ Արցախի անվտանգության ապահովողն Արցախի ՊԲ-ն է եղել, այնուհետև նաև Հայաստանի Զինված ուժերը:
«Ամեն ինչ պետք է անել, որ Արցախի ՊԲ-ն իր մարտունակությունը վերականգնի, Արցախի պաշտպանությունը կազմակերպվի նաև Արցախի ներսում՝ ԱԱԾ-ի, Ոստիկանական զորքերի հետ միասին մտածեն Արցախի անվտանգության մասին: Պաշտպանության բանակի այլընտրանք գոյություն չունի, այն պետք է գոյություն ունենա և համալրվի ոչ միայն Արցախի զինակոչիկներով, այլ նաև լայն հնարավորություն ընձեռվեն ոչ միայն ՀՀ-ի, այլ սփյուռքահայության համար պայմանագրային հիմունքներով ծառայելու համար: Ա՛յս հանգամանքը պետք է մտածմունքի առարկա լինի Հայաստանի համար, ոչ թե առաջինը նորակոչիկների կամ զորակոչիկների Արցախից արագ դուրս բերելը»,- նշել է Սեյրան Օհանյանը։
Հարցին՝ եթե Հայաստանից զորակոչված ժամկետային զինծառայողներ չլինեն Արցախում, նոր սպառնալիքներ չե՞ն առաջանա, Սեյրան Օհանյանը պատասխանել է. «Այս իշխանությունների գոյությունն արդեն իսկ պառնալիք է ՀՀ-ի և Արցախի համար, իրենց անգործությունն անվտանգային միջավայրի վերականգման ուղղությամբ սպառնալիք է»:
Aysor.am
ПОСЛЕДНИЕ ОТ АВТОРА
-
New2025-06-09 12:41Председатель Комитета государственных доходов Армении Эдуард Акопян на совместных заседаниях постоянных парламентских комиссий во время обсуждения отчета «Об исполнении Государственного бюджета Республики Армения в 2024 году» объяснил, почему Зангезурский медно-молибденовый комбинат не попал в список 1000 крупнейших налогоплательщиков республики в первом квартале 2025 года.
-
New2025-06-09 12:40Президента Арцаха Самвела Шахраманяна снова вызвали в Следственный комитет(СК). В данный момент Шахраманян находится в здании СК, где проходит его допрос.
-
New2025-06-09 12:38Таможенные органы в Армении в 2024 году собрали примерно на 15% меньше налогов и пошлин. Об этом заявил в парламенте председатель Комитета госдоходов Армении Эдуард Акопян на обсуждении отчета о выполнении госбюджета за прошлый год.
-
New2025-06-09 12:36Член партии «Айреник» («Отечество») и адвокат Арсен Бабаян выступил с критикой действий властей в отношении Армянской Апостольской Церкви и её духовного лидера.