Последние новости
2022-07-21 17:27

Իսպանիան դեմ է գազի սպառումը 15 տոկոսով նվազեցնելու Եվրահանձնաժողովի պլանին

0
Telegram

Իսպանիան դեմ է գազի սպառման կրճատման պլանին, որը ներկայացրել է Եվրահանձնաժողովը Ռուսաստանից մատակարարումների խափանման վտանգի ֆոնին, ասել է փոխվարչապետ, Էկոլոգիական անցման և ժողովրդագրական մարտահրավերների նախարար Թերեզա Ռիբերան, փոխանցում է ABC-ն։

Նրա խոսքով՝ առաջիկա ամիսներին Իսպանիայում էլեկտրաէներգիան և գազը չեն անջատվի։ «Ինչ էլ որ պատահի, իսպանացի ընտանիքները չեն տուժի իրենց տներում գազի կամ էլեկտրաէներգիայի անջատումից, և կառավարությունը պատրաստվում է պաշտպանել իսպանական արդյունաբերության դիրքորոշումը, որը գին է վճարել մատակարարման անվտանգությունը երաշխավորելու համար»,- խոստացել է նա, փոխանցում է ՌԲԿ-ն:

Ռիբերան ամփոփել է, որ Մադրիդին «չի կարելի անհամաչափ պահանջներ պարտադրել», հատկապես, երբ «մեր կարծիքը չեն հարցրել»։

ABC-ն նշում է, որ Իսպանիան իր ենթակառուցվածքների շնորհիվ այնքան մեծ կախվածություն չունի ռուսական մատակարարումներից, որքան մյուս եվրոպական երկրները։ Ընդ որում, Bloomberg-ը հայտնել է, որ հունիսին Ռուսաստանը գազ արտահանող երկրորդ երկիրն է դարձել։ Գործակալությունը, վկայակոչելով Enagás գազային ցանցի օպերատորի տվյալները, նշում է, որ անցած ամիս Ռուսաստանից բնական գազի ներմուծումը մայիսի համեմատ կրկնապատկվել և հասել է 8.75 ԳՎտժ-ի (ամսական մոտ 685 մլն խմ):

Անցյալ ամիս Enagás-ի գործադիր տնօրեն Արտուրո Գոնսալոն ասաց, որ այս ձմռանը Իսպանիա գազի մատակարարման հետ կապված ճգնաժամ չի լինի: Նրա խոսքով՝ երկիրը սեզոնը կանցկացնի առանց խնդիրների, քանի որ ռուսական գազ ստանում է ոչ թե գազատարով, այլ ծովով, և այն կարող է փոխարինել այլ երկրներից մատակարարումներով:

Հուլիսի 20-ին Եվրահանձնաժողովը պլան էր ներկայացրել, որն այս տարվա օգոստոսի 1-ից մինչև 2023 թվականի մարտի 31-ը ԵՄ անդամ երկրների կողմից բնական գազի օգտագործման կամավոր 15 տոկոս կրճատում է նախատեսում:

News.am

ПОСЛЕДНИЕ ОТ АВТОРА

ПОСЛЕДНЕЕ ПО ТЕМЕ