Ուկրաինական հացահատիկի արտահանման պայմանագիրը կստորագրվի Ստամբուլում այսօր

Թուրք պաշտոնյաները հայտնել են, որ ուրբաթ օրը Ստամբուլում կստորագրվի հացահատիկի մասին ՄԱԿ-ի ծրագրի վերաբերյալ համաձայնագիր, որով կապաշրջափակվի ուկրաիանակն հացահատիկի արտահանումը, հայտնում է AP լրատվական գործակալությունը:

Թուրքիայի նախագահ Ռեջեփ Թայիփ Էրդողանի գրասենյակից հայտնել են, որ Էրդողանը, ՄԱԿ-ի գլխավոր քարտուղար Անտոնիո Գուտերեշը և Ռուսաստանի ու Ուկրաինայի պաշտոնյաները վերահսկելու են ստորագրման արարողությունը:

Գուտերեշն աշխատում է մի ծրագրի վրա, որը թույլ կտա Ուկրաինային`արտահանել հացահատիկի միլիոնավոր պաշարներ, որոնք, հակամարտության պատճառով, մնացել են Ուկրաինայի սևծովյան նավահանգիստներում, քայլ, որը կարող է թուլացնել ցորենի և հացահատիկի այլտեսակների գնաճի հետևանքով առաջացած համաշխարհային պարենային ճգնաժամը:

Լրատվական գործակալությունը նշել է, որ Ստամբուլում կստեղծվի արտահանվող բեռների փոխադրման համակարգող կենտրոն, որտեղ կընդգրկվեն ՄԱԿ-ի, Թուրքիայի, Ռուսաստանի և Ուկրաինայի ներկայացուցիչներ:

Ավելի վաղ կողմերը հանդիպել էին Ստամբուլում և ծրագրի շուրջ նախնական համաձայնության եկել: Նախատեսվում է նավերի համատեղ վերահսկողություն իրականացնել`մեկնումից առաջ և ժամանումից հետո, ինչպես նաև ապահովել ուղիների անվտանգությունը:

News.am