2022-07-22 18:42
Информагентства
Թեհրանի ժամանակավոր իմամ․ Իրան-Հայաստան ճանապարհը պետք է անխափան գործի
Հայաստանի հետ ճանապարհը պետք է անխափան գործի։ Ինչպես հայտնում է ISNA գործակալությունը, Թեհրանի ժամանակավոր Իմամ Աբու Թերաբիֆարդն այս հայտարարությունն արել է ուրբաթօրյա քարոզի ժամանակ։
Նրա խոսքով՝ Իրանի հոգևոր առաջնորդ Ալի Խամենեին Թուրքիայի նախագահ Ռեջեփ Թայիփ Էրդողանի հետ հանդիպմանը մի քանի սկզբունքային հարցերի է անդրադարձել, և նշվել է, որ Իրանի և Թուրքիայի միջև սահմանը կարևոր է Թեհրանի համար։ Այդ պատճառով Թեհրանը Թուրքիայի անվտանգությունը որպես սեփական անվտանգության մաս է դիտարկում։
Բանակցությունների ընթացքում ուշադրություն է դարձվել Սիրիայի և Թուրքիայի սահմանին տիրող իրավիճակին։
Հաջորդը կետը, որ ընդգծվել է Խամենեիի և Էրդողանի հանդիպման ժամանակ, Իրանի և Հայաստանի միջև հաղորդակցության երթուղին է։
Քարոզի ժամանակ Թեհրանի ժամանակավոր իմամը, վերապատմելով հիշյալ բանակցությունների հիմնական թեմաները, ընդգծել է, որ Իրանը շատ զգայուն է տարածաշրջանային փոփոխությունների հարցում:
«Այդ ճանապարհը հազար տարեկան է և տարածաշրջանի ժողովուրդների անվտանգության, խաղաղության և հեղինակության գործոններից մեկը, և այն պետք է անխափան գործի»,- ասել է Թերաբիֆարդը։
Ավելի վաղ Իրանի հոգևոր առաջնորդ Ալի Խամենեին հայտարարել էր, որ պաշտոնական Թեհրանը հակազդելու է Թուրքիայի և Ադրբեջանի՝ Իրանի և Հայաստանի միջև սահմանը փակելու քաղաքականությանը։ Միաժամանակ Խամենեին գոհունակություն էր հայտնել «Լեռնային Ղարաբաղը Ադրբեջանին վերադարձնելու» կապակցությամբ։
Sputnik Արմենիա
ПОСЛЕДНИЕ ОТ АВТОРА
-
2025-06-04 19:37Евросоюз внес в санкционный список азербайджанский танкер «Zangazur», который, по информации европейских чиновников, относится к «теневому флоту» России.
-
2025-06-04 19:35С июля посольство Германии в Ереване будет принимать заявки на шенгенскую визу не напрямую, а через систему TLScontact. Об этом сообщила пресс-служба диппредставительства.
-
2025-06-04 19:34Армения и Азербайджан договорились о совместных поисках без вести пропавших. Об этом директор Службы национальной безопасности Армении Армен Абазян заявил журналистам.
-
2025-06-04 19:32Украина несет огромные потери и отступает по всей линии фронта, поэтому пытается запугать Россию терактами, заявил президент Владимир Путин.