2022-07-25 19:53
Информагентства
Շարմազանով․ Ժողովուրդ, վաղը դու լինելու ես Հայաստանում կենվոր, վարձն էլ թուրքն է որոշելու
Թուրքերն ինչքան նախապայման ունեն՝ հնչեցրած, չհնչեցրած, այս իշխանությունները բոլորը բավարարել են, այսօր հրավիրված ասուլիսի ժամանակ ասաց ՀՀԿ ԳՄ անդամ Էդուարդ Շարմազանովը՝ արձագանքելով գործող իշխանության պնդումներին, թե հայ-թուրքական հարաբերությունների կարգավորման գործընթացն առանց նախապայմանների է ընթանում։
«Քարվաճառից դուրս են եկել, Լաչինը տալիս են, Արցախի 7 շրջաններից դուրս են եկել, Շուշին տվել են, Հադրութը տվել են։ Հայկական Շուշին այսօր դառնում է պանթուրքիզմի կովկասյան կենտրոն․․․ էլ ի՞նչ պետք է անեն թուրքերը», ընդգծեց Շարմազանովը։
Նա անդրադարձավ նաև «Զանգեզուրի միջանցքի» բացման մասին թուրքական պահանջին ու հայկական կողմի «դիրքորոշմանը»։
«Չավուշօղլուն ասում է՝ «Զանգեզուրի նախագիծ»։ Ի՞նչ կապ ունի՝ ինչպես է կոչվում։ Սա էլ (Փաշինյանը-խմբ)․ ասում է՝ «Հայկական խաչմերուկ»։ Ու՞ր է այնտեղ «Հայկական խաչմերուկ», ի՞նչ «Հայկական խաչմերուկ»։ Բա, եթե «ձեռնտու» էր այդ ճանապարհը բացելը, 30 տարում կբացվեր։ Կամ, երբ եկար 2018 թվականին՝ ասեիր՝ սա շատ լավ բան է, «Հայկական խաչմերուկը» պիտի բացենք»,- ասաց Էդուարդ Շարմազանովը։
Վերջինս նաև նշեց՝ բոլոր երկրները աշխարհաքաղաքական ընթացող զարգացումների ֆոնին ձգտում են ամեն ինչ անել՝ չկորցնելու և նույնիսկ շահելու համար, իսկ Հայաստանն օր օրի գահավիժում է, զուգահեռաբար՝ իշխանությունը երկրի ներսում ջնջում է ազգայինն ու հայապահպան արժեհամակարգը։
«Սա թուրքական նախագիծ չէ՞։ Այս իշխանությունը խորքային առումով հակազգային է, հակապետական, և 2018 թվականին բերվել է գունավոր հեղափոխության արդյունքում, որ վերացնի ողջ ավանդականն ու հայկականը։ Ամբողջ աշխարհն այսօր գնում է ազգայինի ու ազգային պետությունների վերականգնման, իսկ Հայաստանում տեղի է ունենում հակառակը՝ ազգայինի վերացում, թուրքականի ֆետիշացում»,- հավելեց քաղաքական գործիչը։
Էդուարդ Շարմազանովը ընդգծեց՝ կարևոր է, որ հասարակությունը լիովին հասկանա՝ ինչ կարող է տեղի ունենալ այսպիսի զարգացումների արդյունքում։
«Այս իշխանությունները Հայաստանի տրոյական ձին են․ ներսից բացեցին երկրի դարպասները՝ և՛ ուղղակի, և՛ անուղղակի առումով։ Ամենակարևորը ժողովրդին բացատրելն է՝ սիրելի՛ ժողովուրդ, եթե պետությունդ, եկեղեցիդ, բանակդ ավերված է, սրանք էլ թուրքերին «էստի համեցեք» են անում, թուրքը գալու է բարձիդ տակ պահածը վերցնի, իսկ դու լինելու ես Հայաստանում կենվոր, վարձով ապրող։ Վարձն էլ դու չես որոշելու, թուրքն է որոշելու»,- ասաց նա։
Aysor.am
ПОСЛЕДНИЕ ОТ АВТОРА
-
New2025-06-11 07:33Нынешние власти Армении с их низким рейтингом не смогут консолидировать достаточно большую общественную массу для попытки свержения Католикоса всех армян. Такое мнение в беседе со Sputnik Армения выразил богослов, преподаватель кафедры истории и теории религии Ереванского госуниверситета, историк Вардан Хачатрян.
-
New2025-06-11 06:20«Я знаю, что вы пришли, чтобы выразить свой гнев в связи с выражениями, озвученными премьер-министром в последние дни в адрес церкви и представителей церкви. Мы знаем, что эти выражения, озвученные премьер-министром, вызвали всеобщий гнев. Я верю, что милостью Божьей и с Божьей помощью мы вместе с вами смиренно и без излишней эмоциональности сумеем преодолеть это испытание». Об этом 11 июня в беседе с журналистами в аэропорту «Звартноц» сказал Католикос всех армян Гарегин Второй.
-
New2025-06-11 06:13Возмущенные нападками властей Армении тысячи граждане ночью встретили Католикоса всех армян Гарегина II в международном аэропорту «Звартноц» города Ереван. Среди них были и оппозиционные политические деятели.
-
New2025-06-11 06:09Армянские епархии Южной Америки выступили с заявлением.