2022-07-26 16:26
Информагентства
ԽԱՊԿ․ Տեղեկություն ստանալու և տարածելու իրավունքի խախտումները նվազել են
Խոսքի ազատության պաշտպանության կոմիտեի (ԽԱՊԿ)զեկույցի համաձայն՝ 2022 թվականի երկրորդ եռամսյակում Հայաստանում նկատելի նվազել են տեղեկություններ ստանալու և տարածելու իրավունքի խախտումները: «Արմենպրես»-ի մամուլի սրահում հրավիրված ասուլիսի ընթացքում ԽԱՊԿ-ի նախագահ Աշոտ Մելիքյանը նշեց, որ եթե 2022 թվականի առաջին եռամսյակում գրանցվել էր նման 45 դեպք, ապա ընթացիկ տարվա երկրորդ եռամսյակում եղել է 24:
«Գալիս է մի ժամանակահատված, երբ լրատվամիջոցներն ավելի շատ զբաղված են զուտ քաղաքական զարգացումներով: Ինչպես գիտեք, ապրիլ-հունիս ընկած ժամանակահատվածում քաղաքական զարգացումները հիմնականում փողոցում էին ծավալվում, արտաքին քաղաքական գործընթացներ կային, ու լրատվամիջոցները դրանց վրա էին կենտրոնացած: Կարծում եմ, որ այդ ժամանակահատվածում պետական կառույցներին ուղղված հարցումների ծավալն այդքան շատ չի եղել, պակասել է»,-ասաց Աշոտ Մելիքյանը:
Այնուամենայնիվ, Աշոտ Մելիքյանը նկատեց, որ պետական մարմիններից տեղեկություն ստանալը շարունակում է մնալ բարդ: Բազմաթիվ լրատվամիջոցներ իրենց դժգոհությունն են հայտնում այդ առնչությամբ: Ուսումնասիրությունները ցույց են տալիս, որ տեղեկություն չտրամադրելու հիմնավորումները խնդրահարույց են: Շատ հաճախ պետական կառույցները խուսափում են համարժեք, պատշաճ արձագանք տալ:
«Էլ չեմ ասում «լղոզված» պատասխանների մասին: Այս առումով կարևոր էր, որ խորհրդարանն ընդունեց տեղեկատվության ազատության մասին օրենքում փոփոխությունները, ըստ որի, պատասխանատուները, որոնք անհիմն մերժում են ու չեն տրամադրում հրապարակման ենթակա տեղեկությունը, կենթարկվեն առավել խիստ պատասխանատվության: Այսինքն՝ վարչական տույժի չափն ավելացվել է»,-ասաց Աշոտ Մելիքյանը:
«Խոսքի ազատության պաշտպանության կոմիտե»-ի նախագահը նշեց, որ լրատվամիջոցները, մերժում ստանալուց հետո, հիմնականում չեն դիմում դատարան: Նրանք խուսափում են դատական քաշքշուկներից: Այս տարվա երկրորդ եռամսյակում արձանագրված 24 դեպքից միայն մեկ լրատվամիջոց է դիմել դատարան:
Ընթացիկ տարվա երկրորդ եռամսյակում առաջին եռամսյակի համեմատ գրեթե նույն մակարդակի վրա են մնացել ԶԼՄ-ների և դրանց աշխատակիցների նկատմամբ ճնշումների ցուցանիշները: Առաջին եռամսյակում 12 դեպք է գրանցվել, երկրորդ եռամսյակում՝ 11: Փոխարենը, մտահոգիչ ցուցանիշ է գրանցվել լրագրողների նկատմամբ ֆիզիկական բռնություն կիրառելու առումով: Եթե ընթացիկ տարվա առաջին եռամսյակում այդպիսի 1 դեպք էր գրանցվել, ապա երկրորդ եռամսյակում՝ 11 դեպք՝ 12 տուժածով:
«Արձանագրում ենք, երբ երկրում լարվում է հասարակական, քաղաքական իրավիճակն, ապա ավելանում է հարձակումների թիվը լրագրողների վրա: Հիշում ենք, որ նախորդ ամիսները բավական լարված էին, ընդդիմությունն անհնազանդության ակցիաներ էր կազմակերպում: Մեր կողմից գրանցած 11 դեպքից 10-ը հենց այդ ակցիաների ժամանակ են գրանցվել: Տուժել են և՛ լրագրողները, և՛ օպերատորները»,-ասաց Աշոտ Մելիքյանը:
Անդրադառնալով ԶԼՄ-ների և լրագրողների դեմ ներկայացված դատական գործերի վիճակագրությանը՝ Աշոտ Մելիքյանը նշեց, որ ընթացիկ տարվա երկրորդ եռամսյակում վիրավորանքի և զրպարտության հիմքով 8 դատական գործ է արձանագրվել, առաջին եռամսյակում՝ 7:
ПОСЛЕДНИЕ ОТ АВТОРА
-
New2025-07-23 10:12Грузия горячо поддерживает западный проект "разделки и переработки" СССР, будучи связанной с Россией исторически и экономически, отмечает военный обозреватель Sputnik Александр Хроленко.
-
New2025-07-23 10:08Ученые недавно провели раскопки на плато Гиза и нашли граффити, свидетельствующие о том, что пирамиды строили не рабы. Об этом сообщил египтолог Захи Хавасс, передает РИА Новости.
-
New2025-07-23 06:28Национально-христианская партия "Зартонк" написала два заявления в прокуратуру на премьер-министра Армении Никола Пашиняна. Об этом представитель партии, адвокат Ара Зограбян сообщил в соцсети.
-
New2025-07-23 06:24Французские судьи во вторник постановили, что министр культуры Франции Рашида Дати и бывший исполнительный директор автомобильной компании Карлос Гон должны предстать перед судом по обвинению в коррупции и злоупотреблении властью в рамках дела о гонорарах за консультации, сообщает Reuters со ссылкой на источник в судебных органах.