2022-07-28 08:49
Информагентства
ԱՄՆ դեսպան. ԱՄՆ-ը պատրաստ է ԼՂ հարցում Մինսկի խումբն օգտագործել որպես հարթակ
Միացյալ Նահանգները կրկին հայտարարում է, թե պատրաստ է շարունակել աշխատանքը Ռուսաստանի հետ ԵԱՀԿ Մինսկի խմբում՝ հանուն ղարաբաղյան խնդրի համապարփակ ու խաղաղ կարգավորման։ Այդ մասին «Ազատություն» ռադիոկայանի հետ զրույցում ասել է Հայաստանում ԱՄՆ դեսպան Լին Թրեյսին։
«Մենք ասել ենք, որ պատրաստ ենք Մինսկի խումբն օգտագործել որպես հարթակ։ Այդ առաջարկը մնում է բաց։ Մենք չենք լսել ռուս գործընկերների արձագանքն այս առաջարկին։ Բայց կարծում եմ, որ դա է առաջին քայլը, որից հետո մենք կարող ենք խոսել այլ քայլերի և գաղափարների մասին», - ասել է դեսպանը։
«Առաջին քայլը ակնկալում ենք Ռուսաստանից, և դա Ռուսաստանի վերադարձն է այս ձևաչափին իր մասնակցությանը: Մենք շարունակում ենք Մինսկի խումբը դիտարկել որպես ձևաչափ, հարթակ, որն ունի միջազգային մանդատ՝ անդրադառնալու Լեռնային Ղարաբաղի իրավիճակին», - ընդգծել է Լին Թրեյսին:
Արձագանքելով հարցին, թե ինչպես է Նահանգները վերաբերվում Ադրբեջանի նախագահի պնդումներին, թե հակամարտությունն այլևս կարգավորված է, և միջնորդների կարիքը չկա, դեսպան Թրեյսին ընդգծել է՝ չնայած այդ հայտարարություններին՝ Վաշինգտոնը կշարունակի ուղիներ փնտրել Մինսկի խմբի ձևաչափն օգտագործելու համար:
«Չնայած Ռուսաստանի պատերազմին Ուկրաինայի դեմ, որը մեծ ուշադրություն է գրավել աշխարհում, Միացյալ Նահանգները շատ կենտրոնացած է նաև այս տարածաշրջանում ստեղծված իրավիճակի, Հայաստանի և Ադրբեջանի միջև ստեղծված իրավիճակի վրա: Կարծում եմ, որ դա արտացոլվել է հեռախոսազանգերի, շփումների մեջ, որոնք մենք տեսել այս վարչակազմի` իշխանություն ստանձնելուց ի վեր։ Դա ցույց է տալիս Միացյալ Նահանգների, պետքարտուղարի հանձնառությունը` փորձել խուսափել հակամարտությունների վերադարձից, քննարկումները պահել ուշադրության կենտրոնում, գրանցել առաջընթաց, և անել դա դիվանագիտական ճանապարհով», - նշել է ԱՄՆ դեսպանը:
Խոսելով տարածաշրջանի մասին՝ դեսպան Թրեյսին մի քանի անգամ հիշատակել է հայ - թուրքական հարաբերությունների կարգավորումը, ընդգծելով, որ այս ուղղությամբ առաջընթացը կարող է նպաստել հայ-ադրբեջանական հարաբերությունների բարելավմանը. «Այս հարցերից շատերը, ի վերջո, փոխկապակցված են, և երբ տեսնում ենք դրական քայլեր մեկ ուղղությամբ, դա կարող է ամրապնդել թափը՝ հասնելու տարածաշրջանում առավել լայն խաղաղության»:
News.am
ПОСЛЕДНИЕ ОТ АВТОРА
-
New2025-07-09 12:34В резиденции Аван и Нор Норк суда общей юрисдикции города Еревана началось рассмотрение ходатайства об избрании ареста в качестве меры пресечения в отношении депутата парламента Армении Артура Саркисяна.
-
New2025-07-09 12:29Госсекретарь США Марко Рубио несколько часов назад заявил президенту Дональду Трампу, что надеется на подписание мирного соглашения между Арменией и Азербайджаном в ближайшее время. Рубио сделал это заявление в контексте достижения мира в различных конфликтах в результате политики Трампа. Об этом на своей странице в Facebook написал эксперт по международным вопросам, американист Сурен Саркисян.
-
New2025-07-09 12:27На пресс-конференции адвокат Ованнес Худоян, представляющий интересы архиепископа Баграта Галстаняна, заявил, что любые политические процессы в Армении системно сопровождаются незаконным вмешательством со стороны государственного аппарата, включая прослушку со стороны силовых структур.
-
New2025-07-09 12:24Представитель Госдепартамента США Тэмми Брюс коснулась заявления госсекретаря Марко Рубио, который выразил надежду на скорое подписание мирного соглашения между Арменией и Азербайджаном.