2022-08-16 09:02
Информагентства
Սիսիանի մոտ բեռնատարների վարորդները բողոքի ակցիա են անում
Սյունիքի մարզի Սիսիանի հատվածում տասնյակ բեռնատարներ կուտակվել են կշռման կետի դիմաց։ Նրանք բողոքի ակցիա են իրականացնում։
Գերբեռնվածության պատճառով նրանց բոլորին տուգանքներ են սպառնում:
Վարորդները պահանջում են տրանսպորտային միջոցների թույլատրելի առավելագույն քաշը 26 տոննայից դարձնել 28 տոննա, քանի որ հենց այդքան է Իրանում թույլատրելի սահմանաչափը, և Մեղրիի անցակետում իրենց ոչ ոք չի զգուշացրել գերբեռնվածության մասին։
«Եթե իմ բեռնատարը 26 տոննա է, ինչո՞ւ են ինձ թույլ տալիս «ռաստամոժկա» անել, թող թույլ չտան մտնել մաքսակետ։ Իրանի տրանսպորտի նախարարությունը թույլ է տալիս մաքսազերծում իրականացնել, բայց մեր կողմում` ոչ»,- Sputnik Արմենիայի թղթակցի հետ զրույցում նշեց վարորդներից մեկը։
Մեկ այլ վարորդ ասում է, որ բոլորի ապրուստի միջոցը գոյանում է բեռնատար քշելու շնորհիվ, և եթե պարբերաբար տուգանեն ու թույլ չտան համապատասխան քաշով երթևեկել ՀՀ տարածքով, ապա գումարի խնդիր կառաջանա իրենց մոտ։
«Օրենքը կա, գործից ոչ ոք տեղյակ չէ, հազար տեղ զանգել ենք այսօր, մեկը չկա, որ մեզ բացատրի ճիշտն ու սխալը։ Կշեռքը դրել են, մեքենաները կուտակվում են, մի մասի բեռներն էլ փչանում են, ո՞վ է պատասխան տալու։ Իրանում 9 տոննա ավելի բեռ բարձելու դեպքում 7-8 հազար դրամ է տուգանքը, իսկ այստեղ` 200 հազար դրամ`1 տոննայի համար»,- ասաց նա։
Բացի այդ, Հայաստանում գործում են սահմանափակումներ ոչ միայն ընդհանուր քաշի, այլև յուրաքանչյուր անիվային սռնու համար։ Վարորդների խոսքով՝ դա խանգարելու է լեռնային հատվածներով երթևեկելիս` նման դեպքերում պետք է ավելի շատ բեռնվի մեքենայի հետևի մասը, որպեսզի կայունությունը չկորցնի:
«Եթե հավասար տեղով երթևեկենք, ապա կարելի է ուղիղ բեռնել, իսկ լեռներո՞ւմ: Հաշվեք, թե որքան են Մեղրիից Երևան հասնելու ճանապարհին շրջադարձերը»,- հավելեց մեկ այլ վարորդ։
Բեռնատարների վարորդներն իրենց պահանջներն ուղղել են հանրապետության Ճանապարհային դեպարտամենտ` թույլ տալ 28 տոննա առավելագույն քաշը և վերացնել 1 սռնու առավելագույն ծանրաբեռնվածությունը: Պատասխան դեռևս չեն ստացել։
Նշենք, որ ՀՀ իշխանությունները մտադիր են 7 ներկառուցված ավտոմոբիլային կշեռք տեղադրել երկրի տարբեր շրջաններում։
Sputnik Արմենիա
ПОСЛЕДНИЕ ОТ АВТОРА
-
2025-06-08 10:05От фракции «Честь имею» НС представлено предложение о выражении недоверия премьер-министру, а в качестве кандидата на пост премьер-министра выдвинут член Совета РПА Давид Амбарцумян.
-
2025-06-07 17:39Фракция «Честь имею» Национального собрания представила предложение о выражении недоверия премьер-министру и в качестве кандидата на пост премьер-министра выдвинула члена Совета РПА, руководителя общины Масис Давида Амбарцумяна.
-
2025-06-07 15:17Турецкая полиция задержала группировку из 20 человек, обвиняемых в краже более 1,1 миллиарда турецких лир (29 миллионов долларов) со счетов иностранных туристов, отдыхавших на турецких курортах, передает госагентство Anadolu.
-
2025-06-07 15:14Более 14 тыс человек пострадали в первый день Курбан-байрама, получив ранения во время закалывания жертвенных животных, сообщил в X министр здравоохранения страны Кемаль Мемишоглу.