«Մեր խնդրին լուծում չտրվեց». ի՞նչ է անհրաժեշտ «Փեթակի» աշխատանքը վերականգնելու համար
«Փեթակ» առևտրի կենտրոնի աշխատակիցները դեռ չգիտեն, թե երբվանից են սկսելու աշխատել. նրանց խնդրին այսօր այդպես էլ լուծում չի տրվել։ Sputnik Արմենիայի հետ զրույցում տեղեկությունը հայտնեց տեղի տնտեսվարողներից Արթուր Գևորգյանը։
Բանն այն է, որ օգոստոսի 14-ին «Սուրմալու» առևտրի կենտրոնում տեղի ունեցած պայթյունից հետո «Փեթակը» փակ է։ «Սուրմալուի» տարածքում ԱԻՆ-ը դեռ որոնողական աշխատանքներ է կատարում, և հարակից փողոցը ներկա պահին փակ է անցուդարձի համար։ «Փեթակի» տնտեսվարողներն այսօր հավաքվել էին առևտրի կենտրոնի մոտ` բողոքելով, որ այդպես էլ հստակ չէ, թե երբվանից են սկսելու աշխատել, իսկ իրենք վարկեր ու այլ խնդիրներ ունեն։
«Մեր խնդրին այսօր այսպես էլ լուծում չտրվեց` չնայած բավական սպասեցինք տարածքում։ Տեղում աշխատող Քննչական կոմիտեի ներկայացուցչին հարցրինք, թե ինչ խնդիր կա մեզ հետ կապված, որ չեն թույլատրում աշխատել։ Ի պատասխան հայտնեցին, որ մեր հարցի հետ կապված քննարկումներ են ընթանում, կպատասխանեն մեզ։ Սակայն որևէ ժամկետ չասացին, թե երբ կլինի պատասխանը»,- ասաց տնտեսվարող Արթուր Գևորգյանը` հավելելով, որ վաղն առավոտյան կրկին հավաքվելու են «Փեթակի» տարածքում։
Քննչական կոմիտեի լրատվության վարչությունից ի պատասխան հայտնեցին, որ հիմա քննչական գործողություններ են ընթանում տարածքում, այդ պատճառով էլ առայժմ թույլ չեն տալիս, որ «Փեթակի» աշխատակիցները մուտք գործեն այդտեղ։ Մինչև քննչական գործողությունները չավարտվեն, «Փեթակը» չի բացվի. գործողությունների ավարտման ժամկետ նախանշված չէ։
«Մանթաշով» գործարարների միության հիմնադիր Վահրամ Միրաքյանը Sputnik Արմենիայի հետ զրույցում նշեց, որ հնարավորինս արագ պետք է լուծել հարցը, քանի որ ինչպես «Փեթակի», այնպես էլ «Սուրմալուի» հաճախորդները հիմնականում բիզնեսմեններն են։ Այսինքն` գուցե թվա, որ այդ կենտրոնները տարածքով փոքր են, սակայն մեծածախ առևտուրը կենտրոնացած է այնտեղ։
«Առևտրի կենտրոնների փակվելը շատ մեծ հետևանք է թողնում առևտրաշրջանառության վրա։ Դեպքից բավական ժամանակ է անցել` պետք է մաքսիմում արագ կազմակերպել այդ ամենը, չէ՞ որ երկրի ամենակարևոր շրջանառություն ունեցող կառույցներից են։ Կարծում եմ` քննչական գործողությունները պետք է մաքսիմում արագ ընթանան, մանավանդ որ «Փեթակի» տարածքում պայթյուն տեղի չի ունեցել»,- ասաց Միրաքյանը։
Նրա խոսքով` կարող են տնտեսվարողներին այլ տարբերակ առաջարկել, օրինակ` այլ տեղում առևտուրը կազմակերպել, սակայն դա իրատեսական չի լինի, քանի որ այդքան ապրանք պետք է տեղափոխեն, և ժամանակ է պետք, որ հաճախորդներին սովորեցնեն իրենց մոտ այցելել։ Միրաքյանի խոսքով` չնայած այս օրերին մյուս առևտրի կենտրոններում է առևտուրն աշխուժանում, սակայն «Փեթակի» բացը, միևնույն է, չեն լրացնի։
Նա միաժամանակ կարծում է, որ առևտրի կենտրոններին պետք է միջանկյալ ժամանակ տրամադրվի, որպեսզի ժամանակակից չափանիշներին համապատասխան ձևով առևտուրը կազմակերպեն։
«Պետք է ավելի լուրջ և երկարաժամկետ փոփոխություններ արվեն, որպեսզի բացառվեն «Սուրմալուի» նման դեպքերը։ Սակայն այդ ամենը չպետք է անեն բիզնեսին վնասելով, ինչպես հիմա են անում` անորոշ ժամկետով առևտրի կենտրոնը փակելով։ Նման պարագայում առևտրի կենտրոնն ուղղակի կմեռնի»,- ասաց Միրաքյանը։
Հիշեցնենք` «Սուրմալու» առևտրի կենտրոնում պայթյուն է տեղի ունեցել օգոստոսի 14-ին՝ մոտավորապես 13։23-ին։ Այս պահին հայտնի է, որ 16 մարդ է մահացել, անհետ կորած համարվող 1 քաղաքացի կա` 1967թ. ծնված Վանիկ Խաչիկի Ամիրխանյանը։
ПОСЛЕДНИЕ ОТ АВТОРА
-
2024-05-04 14:37
Правительство Японии 3 мая выразило протест правительству США в связи с высказыванием президента страны Джо Байдена о ксенофобии, передает агентство Jiji.
-
2024-05-04 14:36
Евразийская экономическая комиссия совместно со странами ЕАЭС разработала проект соглашения о единой системе транзита. Он будет определять основные принципы функционирования единой системы таможенного транзита Союза и третьей стороны (третьих сторон). Об этом сообщил замдиректора Департамента таможенного законодательства и правоприменительной практики Евразийской экономической комиссии Нурлан Байназаров на Международном контейнерном форуме "ЕСЭ Asia-2024" в Алматы, передает Sputnik Армения.
-
2024-05-04 13:37
Кандидат в конгрессмены США Алекс Балекян в прямом эфире Alpha News назвал происходящее в Армении прискорбной ситуацией․
-
2024-05-04 13:36
Россия не уничтожит Армению — Армения сама уничтожает себя. Об этом заявил в интервью Дмитирию Золотареву бывший американский морпех-разведчик, экс-инспектор ООН по вооружениям в Ираке и колумнист The Huffington Post Уильям Скотт Риттер, который известен своей критикой внешней политики США, передает Yerevan Today.