2022-08-24 19:43
Информагентства
Արցախցի պատգամավորը՝ խաղաղապահների հետ հանդիպման մասին
Օգոստոսի 23-ին Արցախի խորհրդարանական հինգ ուժերի ղեկավարները հանդիպել են Ռուսաստանի Դաշնության խաղաղապահ զորախմբի հրամանատարության հետ։
Հանդիպման առիթ է դարձել Հայաստանում ՌԴ դեսպան-խորհրդական Մաքսիմ Սելեզնյովի վերջին հայտարարությունը, ինչպես նաև Ադրբեջանի կողմից հրադադարի հերթական խախտումը և անվտանգության խնդիրները, որոնք ծագել են օգոստոսի սկզբին։
Վերոնշյալ հարցերի շուրջ հանդիպման ժամանակ բացատրություններ են տվել Ռուսաստանի Դաշնության խաղաղապահ զորախմբի պատասխանատուները։ Մասնավորապես, անդրադառնալով 2020 թվականի նոյեմբերի 9-ի եռակողմ հայտարարությանը, նշվել է, որ նոր երթուղին կունենա նույն միջանցքի իրավական կարգավիճակ, և անվտանգության բոլոր բաղադրիչները կպահպանվեն՝ սկսած 5 կմ անվտանգության գոտուց և վերջացրած Ռուսաստանի խաղաղապահ ուժերի համար անցակետերի տեղակայումով։
Անդրադառնալով վերջին իրադարձություններին՝ ռուսական խաղաղապահ զորախմբի հրամանատարությունը նշել է, որ իրենք անհրաժեշտ եզրակացություններ են արել օգոստոսյան իրադարձությունների հետ կապված՝ միաժամանակ վստահեցնելով, որ լրացուցիչ ջանքեր կգործադրեն հետագայում նման խախտումները կանխելու և Արցախի բնակչության համար պատշաճ անվտանգություն ապահովելու համար։
Արցախի խորհրդարանում ՀՅԴ խմբակցության ղեկավար Արթուր Մոսիյանը նաև հանդիպման այլ մանրամասներ ներկայացրեց։
«Սեպտեմբերի 1-ից մինչև Լաչինի միջանցքի նոր երթուղու շահագործման ժամկետը, կգործի ժամանակավոր գրունտային ճանապարհ։ Խաղաղապահները մեզ վստահեցրել են, որ ամեն ինչ կանեն Արցախի ժողովրդի անվտանգությունն ապահովելու համար, ինչը միշտ չէ, որ հաջողվում է անել»,- NEWS.am-ի թղթակցի հետ զրույցում ասաց պատգամավորը։
Մոսիյանը համոզմունք հայտնեց, որ Փաշինյանը բազմաթիվ պայմանավորվածություններ է ձեռք բերել ոչ միայն Արցախի, այլև Հայաստանի հարցում, ինչի մասին, ըստ նրա, վկայում են վերջին 1,5 տարվա իրադարձությունները։
«Այն, որ Ադրբեջանը Լաչինի միջանցքով կառուցել է նոր ճանապարհի իր մասը, Փաշինյանի պայմանավորվածությունների հետևանքն է։ Ղարաբաղում վերջին սրացումները Փաշինյանի և նրա ռեժիմի գործունեության արդյունքն են»,- ասաց խմբակցության ղեկավարը։
Պատգամավորը կոչ արեց Փաշինյանին անհապաղ բացահայտել իր բոլոր պայմանավորվածությունների մանրամասները, քանի որ, նրա գնահատմամբ, բոլոր սրացումները կապված են այդ բանավոր պայմանավորվածությունների ու ընկալումների հետ։
ПОСЛЕДНИЕ ОТ АВТОРА
-
2025-07-26 14:32Несмотря на то, что власти подавляли митинги и акции народа Арцаха угрозами и шантажом применения силы, ситуация не изменилась, заявил депутат Национального собрания Армении Тигран Абрамян.
-
2025-07-26 14:31Представитель МИД Армении Ани Бадалян обвинила армянскую службу «Радио Свобода» в распространении дезинформации о дороге, проходящей через Сюник, и её возможной передаче под контроль США. Она отметила, что ложные тезисы были опубликованы параллельно с материалами российского телеканала «Россия сегодня».
-
2025-07-26 14:29После ремонта газопровода, с 13:40 субботы возобновлена подача газа в Армению. Об этом сообщает "Газпром Армения".
-
2025-07-26 14:27Новоназначенный заместитель директора по сбыту компании «Электросети Армении» (ЭСА), директор по обслуживанию электроснабжения Еревана Арман Смбатян получил должность благодаря тому, что катался на велосипеде с премьер-министром Николом Пашиняном и сблизился с ним, пишет газета «Грапарак».