2022-08-25 12:25
Информагентства
0
Կառավարությունն առաջարկում է խստացնել բեռնատարների վարորդների տուգանքները
ՀՀ կառավարությունը որոշել է խստացնել գերբեռնված բեռնատարների վարորդների նկատմամբ կիրառվող տուգանքները։ Վարչական իրավախախտումների վերաբերյալ օրենսգրքում համապատասխան փոփոխությունների նախագիծը երեկ` օգոստոսի 24-ին արժանացել է կառավարության հավանությանն ու առաջիկայում կներկայացվի խորհրդարանի հաստատմանը։
Նախագծով առաջարկվում է տարբերակված մոտեցում դրսևորել գերբեռնված ավտոմեքենաների վարորդների նկատմամբ կիրառվող տուգանքների հարցում։ Եթե գործող օրենքով մեկ սռնու թույլատրելի առավելագույն զանգվածը գերազանցելու համար սահմանված տուգանքը 200 000 դրամ է` անկախ սահմանված զանգվածը գերազանցելու չափից, ապա առաջարկվող փոփոխությամբ առաջարկվում է սահմանված զանգվածը մեկ և ավելի տոննա գերազանցելու դեպքում յուրաքանչյուր տոննայի համար սահմանել 200 000 դրամ տուգանք։
Բացի այդ առաջարկվում է տուգանք սահմանել նաև տեսչական մարմնի ստուգումներին խոչընդոտելու կամ ստուգումը թույլ չտալու համար։ Այս դեպքում տուգանքը կկազմի 50 000 դրամ, իսկ պաշտոնատար անձանց գործողություններին խոչընդոտելու համար` 300 000 դրամ։
Նշենք, որ կառավարության նիստում հիշյալ որոշումն ընդունվել է առանց զեկուցման ու քննարկման, ու թերևս, հենց այս պատճառով հանրային լայն հնչողություն չի ստացել։ Հատկապես, եթե հաշվի առնենք, որ բեռնատարների վարորդները դժգոհ են անգամ գործող կարգավորումներից, որոնք կառավարությունում փաստորեն մեղմ են համարում։
Հիշեցնենք` օգոստոսի 15-ին և 19-ին բեռնատար մեքենաների վարորդները փակել էին Երևան-Մեղրի միջպետական ճանապարհը` Սիսիանի մերձակայքում: Նրանք պահանջում են վերանայել մեքենաների ծանրաբեռնվածության պահանջները՝ ընդհանուր տոննաժը 26-ից հասցնելով 28 տոննայի (3 սռնանի մեքենաների համար) և վերացնել անիվի սռնիներով կշռումը։
Օգոստոսի 21-ին Սյունիքի մարզպետարանը հայտնեց, որ վարորդների հետ Սյունիքի մարզպետ Ռոբերտ Ղուկասյանի հանդիպումից հետո վարորդները բացել են ճանապարհը, և երթևեկությունը վերականգնվել է։
Վարորդներից մեկը Sputnik Արմենիային հայտնեց, որ մարզպետը խոստացել է քննարկել հարցը։ Վարորդները հայտնեցին նաև, որ քննարկում չի կայացել, իսկ հաջորդ օրվանից դարձյալ տուգանքներ են կիրառվել, ուստի իրենք մտադիր են դարձյալ բողոքի ակցիաներ իրականացնել։
Sputnik Արմենիա
ПОСЛЕДНИЕ ОТ АВТОРА
-
New2024-11-22 19:41В Ереване в концертном зале им. Арама Хачатуряна 24 ноября пройдет концерт, посвященный 100-летию квартета им. Комитаса. С музыкальными приветствиями выступят государственный камерный оркестр Армении, джаз-трио Арега Арустамяна, Барсег Туманян, Грачуи Басенц, пианист и дирижер Ваагн Папян, пианистка Карин-Хелльман Геворкян, и, конечно, сам квартет им. Комитаса.
-
New2024-11-22 19:38Суд оправдал еще двоих арестованных сторонников «Священной борьбы». Об этом сообщил адвокат Ваге Еприкян.
-
New2024-11-22 19:35Популярный актер, народный артист Армении Грант Тохатян два месяца находился в медцентре Микаеляна, однако сейчас он уже дома. Об этом изданию Tert.am сообщила супруга Тохатяна, актриса Луиза Нерсисян.
-
New2024-11-22 19:33Бывший чиновник из Арцаха, обвиняемый в шпионаже, Саргис Галстян, переехавший в Армению после почти полугодового пребывания в Степанакерте (после его оккупации Азербайджаном – ред), признан виновным и приговорен к 18 годам лишения свободы. Об этом сообщает прокуратура.