2022-08-27 14:51
Информагентства
Ադրբեջանում Ֆրանսիայի և ԱՄՆ-ի դեսպանները մերժել են Շուշի այցելելու Բաքվի հրավերը
Ադրբեջանում Ֆրանսիայի և Միացյալ Նահանգների դեսպաններն անտեսել են Շուշի այցելելու Ադրբեջանի կառավարության հրավերը, հաղորդում են ադրբեջանական լրատվամիջոցները՝ վկայակոչելով Ադրբեջանի նախագահի օգնական Հիքմեթ Հաջիևին։
Նա նշել է, որ դա դիտվում է որպես անհարգալից վերաբերմունք Ադրբեջանի տարածքային ամբողջականության նկատմամբ՝ հավելելով, որ ամերիկյան և ֆրանսիական կողմերի կարծիքով «հակամարտությունը դեռ ավարտված չէ»։
Հաջիևը նաև ընդգծել է, որ Ֆրանսիան և ԱՄՆ-ը, որպես ԵԱՀԿ Մինսկի խմբի համանախագահներ, չեն նպաստել հակամարտության կարգավորմանը. «Նրանք վատնել են մեր ժամանակը, ամբողջ 30 տարի։ Չընդունելով հրավերը՝ նրանք հերթական անգամ անտեսեցին մեզ»։
Վերջին շրջանում Բաքուն հաճախ է դժգոհում արցախյան հիմնախնդրի կարգավորման հարցում արևմտյան գործընկերների քաղաքականությունից։ Օրինակ՝ Ադրբեջանի ԱԳՆ-ն զգուշացրել է Միացյալ Նահանգներին, որ չփորձեն «վերակենդանացնել» «գործնականում անգործունյա Մինսկի խումբը», քանի որ դա կհանգեցնի Վաշինգտոնի հեռանալուն ադրբեջանա-հայկական հարաբերությունների կարգավորման գործընթացից։ Ադրբեջանի ԱԳՆ ներկայացուցիչն ընդգծել է, որ ԱՄՆ պետքարտուղար Էնթոնի Բլինկենի որոշումը՝ Ֆիլիպ Ռիկերին Կովկասում բանակցությունների ավագ խորհրդական նշանակելու մասին, «զարմանք է առաջացնում, քանի որ ցուցադրում է տարածաշրջանում հետկոնֆլիկտային իրականությունից հեռու մոտեցում»:
Օգոստոսի 25-ին Բլինկենը Ռիկերին նշանակել է Կովկասում բանակցային հարցերով ավագ խորհրդական։ Ռիկերն այս պաշտոնում կծառայի իբրև ԵԱՀԿ Մինսկի խմբի ԱՄՆ համանախագահ և գլխավոր բանակցող՝ Ժնևի միջազգային քննարկումներում ԱՄՆ պատվիրակության համար, նշել է ԱՄՆ Պետդեպարտամենտի մամուլի ծառայությունը։ Պետքարտուղարությունից հայտնել են, որ Ռիկերն իր նոր պաշտոնում և միջնորդությամբ համախոհ-գործընկերների, ինչպիսին, օրինակ, ԵՄ-ն է, կնպաստի Հայաստանի ու Ադրբեջանի միջև ուղիղ երկխոսությանը:
Armenia Today
ПОСЛЕДНИЕ ОТ АВТОРА
-
New2025-07-24 19:45Временный управляющий компании "Элсети Армении" Романос Петросян провел ряд кадровых перестановок. Об этом он сообщил на своей странице в соцсетях.
-
New2025-07-24 19:43Ваагн Чахалян, находящийся под стражей с 5 июля, направил Николу Пашиняну из пенитенциарного учреждения письмо, в котором говорится: «Я не обращаюсь к вам с приветствиями, Никол, и вы лучше всех знаете, почему. Вы не можете себе представить, Никол, но я слушал вашу пресс-конференцию от начала до конца в тюрьме. Что ж, я теперь такой же, как и вы, я не способен ни творить добро, ни сделать что-либо полезное для человечества. Но, слава Богу, во-первых, моё состояние временное, а во-вторых, я не занимаюсь злодеяниями.
-
New2025-07-24 19:38Семья Карапетян не обязана продолжать реализацию инвестиционной программы в компании "Электрические сети Армении". Об этом заявила бывший министр юстиции, юрист Арпине Ованнисян, комментируя заявление председателя КРОУ Месропа Месропяна.
-
New2025-07-24 19:36Германская епархия Армянской Апостольской церкви призывает власти страны уважать независимость Церкви и придерживаться принципов права и справедливости. Об этом заявил РИА Новости духовный пастырь армянской общины Баден-Вюртемберга Тиратур Сардарян.