ՌԴ ԱԳՆ․ Թանկ ենք գնահատում եղբայրական Հայաստանի հետ բարեկամությունը
Մոսկվա-Երևան կապերի ամրապնդումը ծառայում է ժողովուրդների կենսական շահերին և Հարավային Կովկասի կայունությանը։ Այս մասին ասվում է ՌԴ ԱԳՆ-ի` երկկողմ փաստաթղթի ստորագրման 25-ամյակի կապակցությամբ տարածած հայտարարության մեջ:
«Անցած ժամանակահատվածը համոզիչ կերպով ցույց տվեց, որ Մոսկվայի և Երևանի միջև պատմական կապերի հետագա ամրապնդումը լիովին համապատասխանում է մեր ժողովուրդների կենսական շահերին, ծառայում է երկու երկրների սոցիալ-տնտեսական զարգացման, Հարավային Կովկասի կայունության ամրապնդման նպատակներին», - նշում է Ռուսաստանի արտաքին քաղաքական գերատեսչությունը։
Ըստ ՌԴ ԱԳՆ-ի` փոխգործակցությունն առաջ է ընթանում ուղղությունների լայն սպեկտրով:
«Անկեղծորեն թանկ ենք գնահատում եղբայրական Հայաստանի հետ բարեկամությունը և մտադիր ենք ամրապնդել ռուս-հայկական դաշնակցային հարաբերությունները հանուն մեր երկրների և ժողովուրդների բարգավաճման», - ասված է հայտարարության մեջ:
Մոսկվան Ռուսաստանի և Հայաստանի միջև բարեկամության, համագործակցության և փոխադարձ օգնության մասին պայմանագիրը կարևոր հանգրվան է համարում երկկողմ գործընկերությունը իսկական դաշնակցային մակարդակի բարձրացնելու ճանապարհին:
Երկկողմ ներուժի զարգացման համար որոշիչ նշանակություն ունեն Ռուսաստանի և Հայաստանի ղեկավարության կանոնավոր վստահելի շփումները, որոնք թույլ են տալիս ոչ միայն լուծել հրատապ հարցերը, այլև համակարգել տարածաշրջանային և միջազգային առանցքային խնդիրների շուրջ դիրքորոշումները: Ռուսաստանի Դաշնության նախագահ Վլադիմիր Պուտինի և Հայաստանի Հանրապետության վարչապետ Նիկոլ Փաշինյանի համատեղ հայտարարության մեջ, որն ընդունվել է 2022 թ. ապրիլի 19-20-ը Հայաստանի կառավարության ղեկավարի` Ռուսաստան կատարած պաշտոնական այցի ընթացքում, հաստատվել է 1997 թ. պայմանագրում ամրագրված սկզբունքների հիման վրա միջպետական հարաբերությունները համակողմանիորեն խորացնելու և ընդլայնելու մտադրությունը:
«Տրամադրված ենք հետագայում ևս առանցքային դաշնակցի դիրքերից օգնել Երևանին պաշտպանունակության և սահմանային անվտանգության ամրապնդման, հարևանների հետ կապերի կարգավորման գործում։ Համոզված ենք, որ տարածաշրջանում կայունության կարելի է հասնել 2020 թ.նոյեմբերի 9-ի, 2021 թ. հունվարի 11-ի և նոյեմբերի 26-ի եռակողմ պայմանավորվածություններին հստակ հետևելու միջոցով»,- շեշտել է ՌԴ ԱԳՆ-ն:
Գերատեսչությունը նշել է, որ Լեռնային Ղարաբաղում անվտանգություն ապահովելու գործում առանցքային դեր ունի ռուսական խաղաղապահ զորախումբը:
Sputnik Արմենիա
ПОСЛЕДНИЕ ОТ АВТОРА
-
2024-09-22 15:59
Лидер движения «Священная борьба», архиепископ Баграт Галстанян проводит большое собрание в спортивно-концертном комплексе имени Карена Демирчяна.
-
2024-09-21 15:02
Никол Пашинян получает поздравительные послания по случаю 33-летия Независимости Республики Армения. Как сообщает пресс-служба армянского правительства, в поздравительном послании президента Соединенных Штатов Америки Джо Байдена говорится:
-
2024-09-21 15:01
Президент и премьер-министр России, Владимир Путин и Михаил Мишустин, поздравили премьер-министра Армении Никола Пашиняна с 33-й годовщиной независимости Армении. Об этом сообщает пресс-служба правительства Армении.
-
2024-09-21 14:28
24 сентября в 11:00 в Ереванском военном Пантеоне «Ераблур» состоится церемония закладки фундамента мемориала «Зов Арцаха». Мемориал увековечит память всех отдавших свои жизни за Арцах и тех, кто погиб 25 сентября в результате трагического взрыва на топливном складе под Степанакертом. Новости Армении - NEWS.am