2022-08-29 17:16
Информагентства
Ռուսական ТВЭЛ-ն ու ՀԱԷԿ-ը միջուկային վառելիքի մատակարարման պայմանագիր են կնքել
«Ռոսատոմ» կորպորացիայի վառելիքային ընկերությունը` ТВЭЛ –ը, Հայկական ատոմային էլեկտրակայանի հետ ռուսաստանյան միջուկային վառելիքի մատակարարման պայմանագիր են ստորագրել։
Մատակարարումը նախատեսվում է իրականացնել 2022 թվականի 4-րդ եռամսյակում, ինչը թույլ կտա լիովին բավարարել ատոմակայանի ընթացիկ թարմ միջուկային վառելիքի պահանջարկը։
«Մեծամորի ԱԷԿ-ի պատմության ամբողջ ընթացքում Մեքենաշինական գործարանը, ТВЭЛ վառելիքային ընկերությունը և «Ռոսատոմ» պետկորպորացիան մնացել են հայաստանյան էներգետիկների հուսալի գործընկերները։ Մինչև գործող էներգաբլոկի շահագործման ժամկետի ավարտը մենք կշարունակենք հայկական ԱԷԿ-ի միջուկային վառելիքի կայուն ապահովումը՝ առավելագույնս հաշվի առնելով պատվիրատուի պահանջներն ու ցանկությունները»,- ТВЭЛ ԲԸ պաշտոնական կայքի համաձայն` ասել է ընկերության փոխնախագահ Օլեգ Գրիգորևը։
Նշենք, որ 2021 թվականին ԱԷԿ–ի գործող էներգաբլոկում իրականացված արդիականացման նախագծի շնորհիվ դրա շահագոծման ժամկետը 2026 թվականից հետո կարող է երկարաձգվել ևս 10 տարով։ Հայկական ԱԷԿ-ի գլխավոր տնօրեն Էդուարդ Մարտիրոսյանը հայտնել է, որ շահագործման ժամկետը 10 տարով երկարաձգելու ծրագիրը քննարկվում է։
«Արդեն նախատեսված են միջոցառումներ, որոնք պետք է իրականացվեն Ռոսատոմի հետ համատեղ ու հնարավորություն կտան էլ ավելի բարձրացնել էլեկտրակայանի անվտանգության մակարդակը։ Բացի այդ, օրակարգում է Հայկական ԱԷԿ-ի երկրորդ հերթի (նոր էներգաբլոկի– խմբ.) կառուցման հարցը»,- ասել է Մարտիրոսյանը։
Մեծամորի ատոմակայանը 2021 թվականին արտադրել է ավելի քան 2 միլիարդ կվտ/ժամ էլեկտրաէներգիա, ինչը կազմում է ՀՀ էներգահամակարգի արտադրած էլեկտրաէներգիայի ¼-ը։ 2022 թվականի առաջին կիսամյակում ատոմային էներգաբլոկն արտադրել է 0.92 միլիարդ կվտ/ժամ էլեկտրաէներգիա։
Հանդիսանալով ռուսաստանյան ԱԷԿ-ների միջուկային վառելիքի միակ մատակարարը` ТВЭЛ-ը ներկա պահին 75 ռեակտորի վառելիք է ապահովում։ Դրանց թվում են աշխարհի 15 պետությունների էներգետիկ և 9 երկրների հետազոտական ռեակտորների, ինչպես նաև ՌԴ ատոմային նավատորմի բոլոր տրանսպորտային ռեակտորները։
Աշխարհում յուրաքանչյուր 6-րդ էներգետիկ ռեակտորն աշխատում է ТВЭЛ-ի վառելիքով։ Այն համարվում է աշխարհում հարստացվող ուրանի խոշորագույն արտադրողը, ինչպես նաև կայուն իզոտոպների գլոբալ շուկայի առաջատարը։
Sputnik Արմենիա
ПОСЛЕДНИЕ ОТ АВТОРА
-
New2025-06-05 09:46Депутат от фракции «Честь имею» Тигран Абрамян прокомментировал заявление начальника Генерального штаба ВС Армении Эдварда Асряна, который заявил, что азербайджанская сторона не ведет «прицельный огонь» в направлении армянских деревень.
-
New2025-06-05 09:11В Армавирской области Армении госпитализирован 32-летний гражданин Индии, получивший серьезные травмы в результате взрыва гранаты. Об этом сообщает портал криминальных новостей Shamshyan.com.
-
New2025-06-05 09:08Научно-аналитический фонд «Гегард» направил официальное заявление-протест в ректорат Томского государственного университета Российской Федерации, а также в редакционные советы научных журналов ТГУ в связи с рядом антиармянских публикаций, опубликованных в данных изданиях.
-
New2025-06-05 09:05Следственный комитет Армении возбудил уголовное дело по признакам государственной измены и шпионажа в связи с передачей материалов из Национального архива республики в Азербайджан. Об этом сообщает издание PastInfo со ссылкой на СК.