2022-08-31 13:20
Информагентства
«Հրապարակ»․ ՊՈՒՏԻՆԸ ՉԻ ԸՆԴՈՒՆՈՒՄ ՎԱՂՈՅԻ ԱԳՐԵՄԱՆԸ
«Հրապարակ» թերթը գրում է. «Մինչ օրս հայտնի չէ, թե երբ է ՌԴ-ում ՀՀ արտակարգ և լիազոր դեսպան Վաղարշակ Հարությունյանն իր հավատարմագրերը հանձնելու ՌԴ նախագահ Վլադիմիր Պուտինին: Սովորաբար, դեսպանը ծառայության երկիր ժամանելու հաջորդ օրերին գնում է ԱԳՆ և հանձնում հավատարմագրի պատճենը, որից հետո՝ 1-2 շաբաթվա ընթացքում, դեսպանընկալ երկրի ղեկավարի աշխատակազմից հայտնում են, թե երբ է նա ընդունելու նոր դեսպանին:
Արդեն 8 ամիս է, ինչ ՀՀ դեսպան Վաղարշակ Հարությունյանը Մոսկվայում է, սակայն հավատարմագրերի ընդունման օրը դեռ ռուսական կողմից նշանակված չէ, և սա արտառոց դեպք է: Չնայած Լիլիթ Մակունցի հավատարմագրերը ևս ամիսներ անց ընդունեց ԱՄՆ նախագահը, ընդ որում` առցանց տարբերակով: Առհասարակ, երկրի նախագահը կարող է նոր դեսպանի հավատարմագիրը վերցնել նաև պետական այցերի ընթացքում: Երկու նման այց վերջին 8 ամսում արդեն եղել է․ ՀՀ վարչապետի պաշտոնական այցը Մոսկվա՝ ապրիլին, և ՀՀ նախագահի այցը Սանկտ Պետերբուրգ՝ հունիսին, և այդ այցերի ընթացքում ևս Հայաստանի դեսպանը կարող էր հանձնել ագրեմանը, ինչը չի արվել: Ինչո՞վ է պայմանավորված նման վերաբերմունքը Վաղարշակ Հարությունյանի հանդեպ:
Դիվանագիտական շրջանակներում վարկած կա, թե այսկերպ ՌԴ նախագահը ցույց է տալիս իր «հատուկ» վերաբերմունքը ՀՀ վարչապետի կամ հենց դեսպանի նկատմամբ, որից մեծ դժգոհություններ ունեն ռուսական պաշտոնական շրջանակները: Մյուս վարկածի համաձայն, որը ևս շրջանառվում է, մերոնք են հատուկ ձգձգում Վաղարշակի ագրեմանի ընդունման գործընթացը, քանի որ այնքան էլ գոհ չեն նրա ծառայությունից և ուզում են այլ թեկնածու գտնել: Ասում են՝ դեսպանատան հատուկ ծառայություններին կից գործող աշխատակիցները զեկուցել են, որ մի շարք փակ հանդիպումների ժամանակ Վաղարշակ Հարությունյանն ասել է, որ ինքը Նիկոլի հետ կապ չունի, որ ինքը ռուսամետ է, համաձայն չէ նրա վարած քաղաքականությանը:
Սա, բնականաբար, չէր կարող դուր գալ Նիկոլին: Ոչ միայն ՀՀ վարչապետն է դժգոհ ՌԴ-ում ՀՀ դեսպանից, այլև ռուսաստանաբնակ գործարարները: Նրանք բողոքում են, որ դեսպանը մարդկանց բաժանել է նախկինների ու ներկաների, և նրանք, ովքեր կապեր ունեն նախկինների հետ, դեսպանատուն չեն հրավիրվում: Նաև պատմում են, որ ինչ-որ գործարարների դիվանագիտական համարներ են բաժանվում, մյուսներին դեսպանատունը մերժում է: Ճի՞շտ է արդյոք, որ ՌԴ-ում ՀՀ դեսպանատունն ավտոմեքենաների դիվանագիտական համարներ է բաժանում որոշ գործարարների, ՀՀ ԱԳՆ-ից մեզ պատասխանել են, թե այդ տեղեկությունը չի համապատասխանում իրականությանը»:
Հոդվածն ամբողջությամբ կարող եք կարդալ «Հրապարակ» թերթի՝ 31․ 08.22թ համարում։
ПОСЛЕДНИЕ ОТ АВТОРА
-
New2025-07-21 19:56Премьер-министр Никол Пашинян 20 июля публично заявил о намерении организовать собрание со своими сторонниками на центральной площади города Вагаршапат и предпринять очередное посягательство на Первопрестольный Святой Эчмиадзин. Об этом говорится в обращении Первопрестольного Святого Эчмиадзина
-
New2025-07-21 19:54Президент Республики Кипр Никос Христодулидис выступил на мероприятии в Президентском дворце в Никосии по случаю 51-й годовщины турецкого вторжения, направив послания многочисленными адресатам о кипрской проблеме и перспективах ее решения.
-
New2025-07-21 19:52Министр обороны Ирана Азиз Насирзаде обсудил с российским коллегой Андреем Белоусовым укрепление сотрудничества в военной сфере, сообщил посол Ирана в Москве Казем Джалали.
-
New2025-07-21 19:50Порядка 2,1 млн мирного населения сектора Газы в результате приказов израильских военных о массовом перемещении населения и военных действий оказались изолированными на участке, составляющем 12% всей территории палестинского анклава. Об этом говорится в заявлении, распространенном Управлением ООН по координации гуманитарных вопросов (УКГВ).