2022-09-03 08:11
Информагентства
ՀՀ ԱԳՆ․ Ադրբեջանի վարչապետի մասնակցությունը համաձայնեցված է եղել հայկական կողմի հետ
Օգոստոսի 26-ին Ղրղըզստանի Չոլպոն-Աթա ավանում տեղի է ունեցել ԵԱՏՄ անդամ երկրների վարչապետների ընդլայնված նիստը, որին մասնակցեցին Հայաստանի, Ռուսաստանի, Բելառուսի, Ղազախստանի և Ղրղըզստանի կառավարությունների ղեկավարները: Բացի այդ, առաջին անգամ՝ հրավիրյալի կարգավիճակով, Եվրասիական միջկառավարական խորհրդի նիստին ներկա է եղել նաև Ադրբեջանի վարչապետ Ալի Ասադովը, ով նույնիսկ ելույթով է ունեցել։
Չոլպոն-Աթա ավանում անցկացված ԵԱՏՄ նիստից հետո 168.am–ը ՀՀ ԱԳՆ-ին դիմել է հետևյալ հարցերով.
«1. Այսօր Ղրղըզստանի Չոլպոն-Աթա քաղաքում Ադրբեջանի վարչապետ Ալի Ասադովն առաջին անգամ հյուրի կարգավիճակով մասնակցել է ԵԱՏՄ երկրների վարչապետների ընդլայնված կազմով նիստին: Հայաստանի Հանրապետությունը, որպես ԵԱՏՄ անդամ երկիր, տվե՞լ է արդյոք համաձայնություն, որպեսզի Ադրբեջանն այս կարգավիճակով մասնակցի ԵԱՏՄ վերոնշյալ միջոցառմանը:
2. Խնդրում ենք նաև պարզաբանել՝ արդյո՞ք ԵԱՏՄ-ում քննարկվել է այս հարցը, և ՀՀ-ն տվե՞լ է համաձայնություն, որպեսզի Ադրբեջանը ստանա դիտորդ երկրի կարգավիճակ ԵԱՏՄ-ում:
3. Նախկինում ՀՀ բարձրաստիճան մի շարք պաշտոնյաներ նշել են, որ Երևանը դեմ է եղել այս կամ այն կարգավիճակով Ադրբեջանի մասնակցությանը ԵԱՏՄ շրջանակում կազմակերպվող հանդիպումներին, ինչպես նաև դեմ է եղել Ադրբեջանին դիտորդ երկրի կարգավիճակ տալու հարցին: Ե՞րբ է փոխվել ՀՀ դիրքորոշումն այս հարցում ու ինչո՞ւ»:
ՀՀ ԱԳՆ-ից այսօր ստացված պատասխանի համաձայն, 2022թ. օգոստոսի 26-ին Չոլպոն-Աթա քաղաքում կայացած Եվրասիական միջկառավարական խորհրդի՝ ընդլայնված կազմով նիստին հրավիրյալի կարգավիճակով 3-րդ պետությունների մասնակցությունը համաձայնեցվել է ԵԱՏՄ անդամ պետությունների հետ՝ «Եվրասիական միջկառավարական խորհրդի նիստի կազմակերպման և անցկացման մասին» կարգին համապատասխան:
«Հայտնում ենք նաև, որ ԵԱՏՄ այլ գործընկեր-պետությունների խնդրանքով հայկական կողմը չի խոչընդոտել Ադրբեջանի վարչապետի մասնակցությանը ընդլայնված կազմով նիստին՝ հյուրի կարգավիճակում»,- նշում են ՀՀ ԱԳՆ-ից:
News.am
ПОСЛЕДНИЕ ОТ АВТОРА
-
New2025-04-21 19:42Армянские школьницы завоевали четыре бронзовые медали на 14-й Европейской математической олимпиаде для девочек (EGMO), проходившей в Приштине, Республика Косово, сообщает Минобразования Армении.
-
New2025-04-21 19:38Армянский супертяжеловес Вараздат Лалаян выиграл золото чемпионата Европы по тяжелой атлетике в Кишиневе.
-
2025-04-21 19:34Ночью ситуация была очень напряженной, постоянно стреляли из разных мест, в разных направлениях, даже с противоположных высот. Большая часть выстрелов была с командной позиции. Об этом заявил в беседе с корреспондентом Новости Армении – NEWS.am житель села Хнацах Грач Овакимян, говоря о постоянных обстрелах с азербайджанской стороны.
-
2025-04-21 18:45В ночь с субботы на воскресенье в селе Хнацах Сюникской области Армении почти час звучали выстрелы. Военный эксперт Карен Вртанесян считает, что отсутствие ответных действий со стороны армянских военных только поощряет такое поведение азербайджанской стороны.