2022-09-06 17:45
Информагентства
Բենիամին ՄԱԹԵՎՈՍՅԱՆ․ ՓԱՇԻՆՅԱՆԻ ԵՎ ՀԱՅԱՍՏԱՆԻ ԱՐՏԳՈՐԾՆԱԽԱՐԱՐԻ ՄՈՏԵՑՈՒՄՆԵՐՈՒՄ ՀԱԿԱՍՈՒԹՅՈՒՆՆԵՐ ԿԱՆ
Հայաստանի վարչապետի ու ԱԳ նախարարի մոտեցումներում հակասություններ կան. Այս մասին News.am-ի թղթակցի հետ զրույցում ասաց քաղաքագետ Բենիամին Մաթևոսյանը։
«Մենք ևս մեկ անգամ տեսնում ենք, որ Միրզոյանի հայտարարությունները տեղավորվում են ԵԱՀԿ Մինսկի խմբի համանախագահության ձևավորված ժառանգության մեջ, ինչպես նաև Լավրովի և Պուտինի հայտարարությունների տրամաբանության մեջ՝ Արցախի կարգավիճակի հարցը հետաձգելու անհրաժեշտության մասին։ Գրեթե միշտ Բրյուսելում կամ այս ձևաչափի հանդիպումներից հետո Միրզոյանը հեռախոսազրույցներ է ունենում Լավրովի հետ, հետո համապատասխան հայտարարություններ անում»,-ընդգծեց նա։
Փորձագետը ցավով նշեց, որ բրյուսելյան հանդիպումները բացառապես ադրբեջանական օրակարգում են։
«Եթե նախորդ հանդիպման արդյունքներով գոնե խոսվում էր Ղարաբաղի, էթնիկ հայերի մասին, ապա հիմա էլ նման բան չկա։
Փաշինյանն անդրադառնում է բանակցություններում առկա դժվարություններին, իսկ Ալիևը պարզաբանում է՝ մատնանշելով մինչև տարեվերջ խաղաղության պայմանագրի ստորագրման վերջնաժամկետը` ելնելով Ադրբեջանի առաջարկած հինգ կետերից։ Այնուհետև Միրզոյանն արձագանքում է այս խոսքերին՝ անհամաձայնություն հայտնելով։
Վարկածներից մեկի համաձայն՝ Փաշինյանն ու Միրզոյանը դա անում են համաձայնեցված, որպեսզի չնեղացնեն ո՛չ Մոսկվային, ո՛չ Արևմուտքին։
Մեկ այլ վարկածի համաձայն՝ Միրզոյանը վարում է առանձին քաղաքականություն, որը չի համապատասխանում Փաշինյանի քաղաքականությանը, որը անձամբ չի ցանկացել Միրզոյանին նշանակել արտգործնախարարի պաշտոնում։ Նա ուրիշ թեկնածու ուներ»,-հավելեց Մաթևոսյանը։
Փորձագետի խոսքով՝ Փաշինյանի թիմում տարբեր մոտեցումներ կան խաղաղության պայմանագրի, Արցախի ու Հայաստանի ապագայի, տարածաշրջանային անվտանգության հարցում։ Նրանց թվում կան նույնիսկ մարդիկ, որոնք հասկանում են ընդդիմության գործողությունների տրամաբանությունը։
«Քանի դեռ Հայաստանում տեղի չեն ունեցել քաղաքական փոփոխություններ, մենք մշտապես բախվելու ենք տարածքային և մարդկային կորուստների, ինքնիշխանության մակարդակի նվազման վտանգի։ Հայաստանի իշխանություններն իրենց էությամբ հակահեղափոխական են, քանի որ հեղափոխության գաղափարը երկրի ինքնիշխանության մակարդակի բարձրացումն էր, և իշխանությունները հետևողականորեն նվազեցնում են այն»,-եզրափակեց քաղաքագետը։
ПОСЛЕДНИЕ ОТ АВТОРА
-
2025-06-17 21:30Глава группы компаний "Ташир", российский бизнесмен армянского происхождения Самвел Карапетян выступил с официальным заявлением, распространенным пресс-службой компании.
-
2025-06-17 21:27В России внимательно следят за ситуацией вокруг Карапетяна, которому в Ереване угрожают чуть ли не арестом под странными предлогами, сообщила официальный представитель МИД России Мария Захарова РИА Новости.
-
2025-06-17 21:20Заявление Республиканской партии Армении
-
2025-06-17 20:33Заявление члена Исполнительного органа Республиканской партии Армении Эдуарда Шармазанова.