2022-09-07 08:19
Информагентства
Աթենք․ Թուրքիան լարվածություն է հրահրում և խաթարում է տարածաշրջանային անվտանգությունն ու կայունությունը
Թուրքիան լարվածություն է հրահրում և խաթարում է տարածաշրջանային անվտանգությունն ու կայունությունը։ Այս մասին հայտարարել է Հունաստանի վարչապետ Կիրիակոս Միցոտակիսը Աթենքում Ֆրանսիայի արտգործնախարար Քեթրին Կոլոննայի հետ հանդիպման ժամանակ, հայտնում է Kathimerini-ն։
Միցոտակիսը Կոլոննային տեղեկացրել է Հունաստանի ինքնիշխանության դեմ Թուրքիայի վերջին ագրեսիվ հռետորաբանության մասին:
Նա նշել է նաև այն զգալի ներուժը, որ Հունաստանը ներկայացնում է որպես ԵՄ էներգետիկ անվտանգության ռազմավարական էներգետիկ հանգույց։ Վարչապետը Ֆրանսիայի նախարարին ներկայացրել է նաև էներգետիկ ճգնաժամի դեմ պայքարի համար կառավարության ձեռնարկած միջոցառումները՝ վերահաստատելով իր համոզմունքը, որ այս լայն մարտահրավերը պահանջում է Եվրոպայի կողմից համակարգված արձագանք։
Կողմերը քննարկել են նաև Ուկրաինայի վերջին իրադարձությունները։
Կոլոննան նշել է, որ Փարիզը կշարունակի աջակցել Աթենքին, երբ խոսքը վերաբերում է Հունաստանի ինքնիշխանությանը, ասելով, որ այդ դիրքորոշումը «չի փոխվի»:
Այցի շրջանակներում Կոլոննան հանդիպել է նաև իր հույն գործընկեր Նիկոս Դենդիասի հետ։ Հույն նախարարը, խոսելով Հունաստանի դեմ Թուրքիայի վերջին սպառնալիքների մասին, նշել է, որ Թուրքիան ցանկանում է «հետ շրջել ժամանակը և վերակենդանացնել Օսմանյան կայսրությունը»։
«Մենք խոսում ենք պարզ բառերով։ Թուրքիայի հայտարարություններն ու գործողություններն անընդունելի են։ Մենք չենք վախենում։ Մեր պատմության ընթացքում մենք շատ ավելի մեծ սպառնալիքների ենք հանդիպել։ Մենք մերժում ենք նեոօսմանյան հալածանքները։ Մենք ուշադրություն չենք դարձնի այդ զառանցանքին»,- ասել է նա։
Նշենք, որ մինչ Աթենք մեկնելը Ֆրանսիայի ԱԳՆ ղեկավարն այցելել է Անկարա։ Այցի ընթացքում նա հանդիպել է նաև իր թուրք գործընկերոջ հետ՝ հորդորելով նրան խուսափել Հունաստանի հետ կապված էսկալացիայից՝ թե՛ խոսքով, թե՛ գործով։
Ավելի վաղ NEWS.am-ը հայտնել էր, որ վերջին մի քանի օրվա ընթացքում Թուրքիայի նախագահ Ռեջեփ Թայիփ Էրդողանը բազմիցս սպառնալիքներ է հնչեցրել Հունաստանի հասցեին՝ չբացառելով նույնիսկ հարձակումը ԵՄ-ի և ՆԱՏՕ-ի անդամ երկրի վրա։ Այսօր Էրդողանը Հունաստանին զգուշացրել է ցանկացած պահի հնարավոր հարվածի մասին։ «Կարծում եմ, որ այսուհետ Աթենքում կվերլուծեն Թուրքիայի հետ հարաբերությունների հետագա քայլերը։ Հակառակ դեպքում, ինչպես ավելի վաղ արդեն ասել եմ, ցանկացած պահի կարող է հարված հասցվել»,- ասել է Էրդողանը:
ПОСЛЕДНИЕ ОТ АВТОРА
-
2025-08-07 16:48Летняя жара может стать серьёзным испытанием для смартфонов, вызывая перегрев и ускоряя износ их компонентов. Мастер по ремонту техники с платформы «Авито Услуги» Михаил Демидов поделился с «Газетой.Ru» рекомендациями, как защитить устройство в жаркую погоду и избежать поломок. Вот ключевые советы, которые помогут продлить срок службы вашего смартфона.
-
2025-08-05 14:02Возможное подписание мирного договора между Арменией и Азербайджаном под эгидой США может создать серьезные риски для внешней политики и системы безопасности Армении. Об этом заявил зампредседателя Республиканской партии Армении Армен Ашотян на пресс-конференции во вторник, отвечая на вопрос Sputnik Армения.
-
2025-08-02 00:38Представляем экспертное мнение по вопросам управления репутацией и связей с общественностью в Армении от Шушан Арутюнян, соучредителя коммуникационной компании AxelMondrian.
-
2025-08-01 19:14Зампредседателю Республиканской партии Армену Ашотяну изменена мера пресечения - с домашнего ареста на административный надзор. Об этом Sputnik Армения сообщил адвокат Ашотяна Тигран Атанесян.